¹ Obwami bwomuikulu buri nga omwene indalo owarula ichuri maherebende huchiokonya abahosi bahole mundalo yaye yemisabibu. ² Namala ourisania nabo hudinari ndala huburi inyanga, yabayira mundalo. ³ Yarulao handi ebiha bieisa yohudaru mani yalola abahosi nibemire musiro. ⁴ Yababolera ari mwosi, muchie mundalo yemisabibu, ne ndababeresia esiri siadieri. Bachia bahola mirimo. ⁵ Handi yarula rwanyi musiha siohusasaba handi esiha esiatisa yahola ario. ⁶ Handi esiha sierihumi nende ndala yarula rwanyi yanyola bandi nibemire sa. Yabareba ari, husina nimwemasa sidere silamba?

⁷ Bamukalusia bari aumao mundu orwandikire mirimo. "Yababolera ari, Mwosi muchie mundalo yemisabibu.'

⁸ Nibiola sichiambo, omwene indalo yemisabibu yabolera omwemeresi weindalo ari 'Langa abahosi bosi, obarunge omusara kwabwe, nochaka nende omumalirisi ohwola hu orangire.' ⁹ Abandikwa musiha simaliriha, buri mulala yarungwa idinari. ¹⁰ Abarangira bapara mbwe banarungwa akahirahao, lakini bosi banyola idinari buri mulala. ¹¹ Nibanyola omusara kwabwe, baririkanira omwene indalo.

¹² nibabola bari 'Abahosi bamaliriha baholire huusa ndala yong'one ne okerire boosi baka nafu, efwe abaholire sidere silamba mumubasu.

¹³ "Ne omwene indalo yakalusia nabolera mulala hunibo ari' Omwicha, Sihukosere. Sihwaulisania idinari ndala? ¹⁴ Bukula biao obweo. Njierire oberesia abahosi bamilihe ebiakana neng'u.

¹⁵ Amalako sikaanganyira ohola nga ndaha nemiandu kiange? kose imbaliha ihwambire nasi hubera ndimulai? ¹⁶ Hwako, omumalirisi yahabe orangira, he orangira yahabe mumalirisi."

¹⁷ Yesu ngayenya Ochia Jerusalem, yalanga abeki baye rihumi nende babiri indulo nababolera ari, ¹⁸ Mbano huchia Jerusalem, ne omwana womundu anarebwa mumahono kamakuhani bahongo nende Abandiki. Banamuhengera musango kwohufwa ¹⁹ Handi banamura mumahono kabandu babi, bamuchehe, bamuhuye, bamubambe humusalaba. Ne inyanga yohudaru analamuha."

²⁰ Ng'ina basiani ba Sebedayo yecha huYesu nabasiani baye. Yamwinamira mani namusaba sindu. ²¹ Yesu yamuboolera, Wenyasi? Yamukalusia ari "Rusia rilako mbwe abasiani bange bano beehale mulala muhono kwao mulungi ne undi omuhono kwao mukada, mubwami bwao."

²² Yesu Yamukalusia ari "Somanyire sindu sioba nosaba. munyala ong'wa esikombe sianjiong'wa?" Bamubolera bari "Hunyala ong'wa."

²³ Yababolera ari " Munangwa esikombe siange munangwa. Lakini ohwihala muhono kwange mulungi nende mohono kwange mukada, sinebiange obaberesia. Nebiabandu barekehwe nende Baba.

²⁴ Abeki baye rihumi nibaurira bino, banyolera muno nende abasiani babiri abo. ²⁵ Yesu yabalanga aba nari nababolera ari, "Mumanyire mbwe abaruki besialo babarukanga handi abandu badebwa bari nende bunyala hunibo. ²⁶ Ne sibihoya bibe birio akari weng'we. Arali mbu yosiosi owenya oba muhongo lasima abe musumba weng'we. ²⁷ Handi burimundu wenya oba imberi weng'we lasima abe musumba Weng'we. ²⁸ Kori nga omwana womundu siyecha orumihirwa, yecha orumiha handi oyinia bulamu bwaye hulwabangi.

²⁹ Ngabaari nibarula Yeriko, omukanda muhongo kwabandu kwamwongaho. ³⁰ Abandu babiri aboofu abari behale hundulo yeindara. Nibaurira bari Yesu abira, bahuba chimbungu nibabola bari "Omwami, omwana wa Daudi, rulorere sisa" Omukanda kwabalabira mbu, muburere. ³¹ Nabo bendeleya orira bari "Omwami, mwana wa Daudi, rulorere sisa."

³² Yesu yema tiiri mani nabalanga nabareba ari "Mwenya mbahorere sina? ³³ Bamukalusia nibabola bari " Omwami, echimoni chilole." ³⁴ Yesu yalola sisa sihongo yabadira chimoni. Esihesio chimoni chiekuha mani bamulonda.