¹ "Henjelesie mulakholakhwo efikhole fienyu fiobulunjishi imbeli wabandu kho mbu muloleshe khubo tawe, nikalali kario tawe shimulibakhwo neshihanwa okhurula khuPapa wenyu womwikulu tawe. ² Kho olwamuba nimuhaana obukhonyi bwenyu, mulafura emifwototo chiennyu imbeli wenyu tawe shinga olwa abekati bakholanga mutsisinakoki nokhutsinjila tawe, kho babe banyala okhuhebwa oluyali nabandu. Obwatoto emuboolela nywe mbu, banyoolile emikabwa chiabo mubwitsulu. ³ Nebutswa olwa muba nimuhaana obukhoonyi, mulaleshe eshiomukhono kwenyu omukaata kukhola omukhono kwenyu omulunji kumanye tawe ⁴ kho mbu obukhoonyi bwenyu buhanwe mumasirisi. Mana Papa wenyu wulolanga mumasirisi alamurunga.

⁵ Olwamusaya, mulabe shinga na abekaati tawe, okhuba bayanza okhusinjila nibasaya mutsisinakoki nende mutsikona tsiokhutsinjila kho mbu babe banyalilwa okhulolwa nende abandu. Obwatoto emuboolela mbu, banyoola emikabwa chiabo. ⁶ Nebutswa nywe nimwenya okhusaya, injile mushikoro shiomukari. Ikale  omuliango mana musaye khuPapa wenyu wulolanga mumasirisi alamukaba  nywe omukabwa. ⁷ Olwa muba musaya, mulakhola amasayo kabulamwo eshifune tawe shinga olwa abanashialo bakholanga, okhuba baparanga mbu balahulilwa shichila khulwamakhuba kabo amanji. ⁸ Khulwako, mulaba shingabo tawe, okhuba Papa wenyu wamanya efiamwenyanga  kata mushili okhumureeba.

⁹ Khulwako sayenje murinanwa: 'Papa wefu ouli mwikulu, elira lilioshinga olwa lili  liholo liribwe. ¹⁴ Okhuba nobeela abandu tsimbi tsiabo, Papa wenyu womwikulu alamubeela enywe khandi. ¹⁵ Nebutswa nomulababeela tsimbi tsiabo tawe, kata kario Papa wenyu shalamuleshela tsimbi tsienyu tawe.

¹⁶ Olwa muba (mufunga), mulabe nobweni bweshibeela shinga olwa abekaati bakholanga tawe, okhuba bakhuuninjia obweni bwabo kho mbu balolekhane nabandu mbu (bafunjile). Obwatoto emuboolela mbu bamalile okhunyoola omukabwa kwabo mubwitsulu. ¹⁷ Nebutswa nywe, olwa muba (mufunga), bashilile emirwe chienyu nokhwosia mumoni mwenyu ¹⁸ kho mbu muleshe okhulolekhana khubandu mbu mufunjile, nebutswa khuPapa wenyu wulolanga munasirisi namuhe omukabwa.

¹⁹ Mulebishile khulwa enywe abeene obuyinda bweshibala  tawe, ewa efikukule nende  ishebelende filonionia tawe, nende ewa abefi balapomola nokhwiiba. ²⁰ Obukhala bwenobo, yibishile obuyinda bwenyu mwikulu, ewa efikukule nomba  ishebelende filanyala okhwononia tawe nende ewa abefi balanyala okhupomola nokhwiiba tawe. ²¹ Okhuba ewa obuyinda bwo bulli naho womwoyokwo kuliba khandi. ²² Imoni yo neyitaha yomubili. Khulwako, kakhaba imoni yo neindayi, omubili kwo kuletsulwa nende obulafu. ²³ Nebutswa imoni yo neiba indwale, omubili kwo kwosi kuletsulwamwo neshilima. Khulwako, kakhaba obulafu buli muyiwe nobweshilima, eshililma shienesho neshikhongo shifwana shirie! ²⁴ Habulaho yesi ounyala okhurumishila abakhulundu babili tawe, khulokhuba alasila mulala nokhuheela oundi, nomba kata kario anyala okhurumishila mulala nokhuleka oundi. Shonyala okhukhalabanila Nyasaye nende emiandu tawe. ²⁵ Khulwako emuboolela nywe, mulahendele akobulamu bwenyu tawe, eshianomulie nomba eshianomunywe nomba omubili kwenyu, eshionomufwale. Okhuba obulamu shobushila eshiokhulia, nakwo omubili kushila ebifwalo? ²⁶ Henje khumanoni komwikulu. Shikarakanga noho okhuchesa, nomba okhubikha mufiachi tawe, nebutswa Papa wenyu womwikulu akalisinjia. Shimuli abobukhala okhukashila ko tawe? ²⁷ Niwina khwinywe okhubirila khubuhendi bubwe anyala okhumeta eshitonye shititi khubulamubwe? ²⁸ Shichila shina muli nobuhendi khulwa efifwalo? Parekhwo okhulondokhana nende efimili fiomumukunda, shinga olwafikhulanga, nafio shifinabanga efifwalo tawe. ²⁹ Halali emuboolela nywe mbu, kata Solomoni muluyali lwe lwosi shiyefwalakhwo shingana shilala shiafio fino tawe. ³⁰ Kakhaba Nyasaye anyala okhufwala obunyasi bwomukunda, obuliho nyanga yino nabwo mukamba busukunwa mwirumbi, nibulayi shina bwanyala okhumufwala nywe, enywe bobusubuli butiti? ³¹ Khulwako mulahendele nokhuboola, 'nokhulie shina?' Noho 'nokhunywe shiina?' Noho' nibifwalo shiina fianakhwifwale?' ³² Okhuba abamahanga bakhabanga efindu fino, naye Nyasaye Papa wenyu womwikulu amanyile mbu mufienyanga. ³³ Nebutswa khaabe mbelio obwami bubwe nobulunjishibwe, nafio efindu fino fiosi mwitsa okhumetelwa. ³⁴ Khulwako mulabe bokhuhendela khulwa mukamba tawe, okhuba mukamba kulehendela okwene. Buli nyanga yili nende imbi yayo yichiyela eyene.