¹ Mana Yeso yatukulusibwa okhutsia musiangalamwe okhuteemwa nomusuku. ² Olwayali niyakheyima shiokhulia khulwebiteere amakhumi kane nefilo amakhumi kane, yali inzala. ³ Omuteemi yetsa namuboolela, "Kakhaba oli omwana wa Nyasaye, lachilisia amachina kano kabe omukati."

⁴ Nebutswa Yeso namuchiiba namuboolela  mbu, "Liahandikwa mbu, 'omundu shalimenyela khumukati kwonyene tawe, nebutswa buli khwikhuwa litsa okhurula mumunwa kwaNyasaye.'"

⁵ Mana omusuku namubukula namuyila mwitookho liholo nokhumura khushisuli khweliumbakho liehekalu, ⁶ mana namuboolela  mbu, "Kakhaba oli omwana waNyasaye, yiruule hasi, okhuba liahandikwa mbu, 'Yetsa okhulachilisia abamalaika bebe betse okhukhulinda yiwe, 'nabo' Betsa okhukhuchinga mumakhono kabo, kho mbu olekumula eshilenjeshio khwichina tawe,"' ⁷ Yeso namuboolela  mbu, "Khandi liahandikwa mbu, 'Shikenyekhanga oteeme Nyasaye wo tawe."'

⁸ Khandi, omusuku namubukula namuyila khushikulu eshirambi po mana namumanyia obwami bweshialo bwosi noluyali lwabio. ⁹ Namuboolela  mbu, "Efindu fino fiosi ndalanyalilwa okhukhuhelesia  kakhaba okwa hasi nokhunzinamila sie," ¹⁰ Mana Yeso namuboolela  mbu, "Tsia orule hano ewe eshishieno! Okhuba liahandikwa olenamila Omwami Nyasaye wo, nokhunyala okhumurumishila ye yenyene,"' ¹¹ Mana omusuku natsia namulekha ye, ne lola, abamalaika betsa nokhumukhalabanila.

¹² Bulano olwa Yeso yahulila mbu Yohana amichilwe, yarula nokhutsia Galilaya. ¹³ Yarula Nasareti natsia okhumenya Kaparinumu, eyili khundulo khweyinyanza yaGalilaya muburuchi bwa Sebuluni nende Nafutali. ¹⁴ Lino liekholekha okhuusia lilia liali liaboolwa nende omuroobi Isaya, ¹⁷ Okhurula efise fienebo Yeso yanza okhuyaala naboola, "Yikanile, okhuba obwami bwomwikuli buli ahambi," ¹⁸ Shinga olwa yali nachendanga khundulo khweyinyanza ya Galilaya, yalola abasiani banabwe babili, Simioni owalangwa Petero, nende Andereya omusiani wabo, basukunanga tsikhanda munyanza, okhuba bali abalobi. ¹⁹ Yeso yababoolela, "Yitse, nonde sie, ndalamukhola okhuba abalobi babandu." ²⁰ Mubwangu bwenobo balekha tsikhanda nokhumulonda ye. ²¹ Shinga olwa Yeso yatsia okhurula habwenaho yalola abasiani bananda bandi babili, Yakobo omusiani wa Sebedayo nende Yohana omwana wabo. Bali muliaro nende Sebedayo Papa wabo bakasinjia tsikhanda tsiabo. Yabalanga, ²² ne mubwangu bwenobo balekha eliaro nende Papa wabo nibamulondakhwo.

²³ Yeso yatsia muGalilaya mwosi niyechesinjia mutsisinakoki tsiabo, nayalanga injili yoburume bwobwami nokhuhonia buli imbia yobulwale nokhulwala mubandu. ²⁴ Amacheni okhulondokhana ninaye kahulilikha okhuula ebuSiria, nabo abandu bamurerela balia boosi bali banyakhananga okhurulana nende amalwale nobutsuni bwahukhane, balia bali benjilwemwo nefishieno, abetsindulume nende bebikhoora. Yeso yabahonia. ²⁵ Emikanda emikhongo chiamulondakhwo okhurula Galilaya, ebuDekapoliko, Yerusalemu, nende Yudeya nende khandi injelekha wa Yorodani.