¹ Mutsinyanga tsienetso Yohana omubatisia yetsa nayalanga mushiangalamwe shia Yudeya naboolanga, ² "Yikanile, khulokhuba obwami bwaNyasaye buli ahambi." ³ Okhuba wuno niye wabolwakhwo nomuroobi Isaya, naboolanga, "Omwoyo kwohulia hulanjililanga okhurula mushiangalamwe, "Recheshele Omwami injila, kasie injila ye ibe inunji."

⁴ Bulano Yohana naye yefwalanga tsingubo tsiobukoya bweyi farasi nolukhoba lweliselo lubotokhane eshishienje shishie. Nashio eshiokhulia shie shiali tsisiche nende obuushi bwomubulimo. ⁵ Mana Yerusalemu, Yudea yosi nende amahanga koosi kabotokhananga omuchela kwaYorodani barula bamutsila. ⁶ Yamala nababatisia  mumuchela kwaYorodani, bekanilanga tsimbi tsiabo. ⁷ Nebutswa olwayalola obunji bwa Farisayo nende abaSadukayo bamwitsilanga ye khulwobubatiisi, yababoolela, "Enywe abolibulwa lwobufiisi, niwina oumuchetsiyiye okhutsomokha okurula khuliruma litsanga? ⁸ Mwame eshiamo shihelana nobwikanili. ⁹ Muleshe okhwiboolela abeene mbu, 'Khuli nende Abrahamu khulwa Papa wefu.' Okhuba emuboolela mbu Nyasaye anyalilwa okhubusilia Abrahamu abaana okhurula kata khumachina kano. ¹⁰ Imbatsi yamalilwe khale okhurelwa khumusi kwemisaala. Kho buli omusaala kulanyala okhwama eshiamo eshilayi tawe kwitsa okhutsosolwayo nokhusukunwa mumulilo. ¹¹ Emubatisinjia nende amatsi khulwa obwikanili. Nebutswa wulia witsanga inyuma wanje nowobunyali okhushila sie, nebutswa shekhoyele okhuchinga tsikalatsie tawe. ¹² Olububa lwe luli mumukhonokwe okhweya obulayi bwene olwanyi lwokhubisiliamwo nokhukhung'asia ingano yiye nokhuchira mushiachi. Nebutswa yakhanyalilwe okhusamba omukhuutsi nomulilo kulanyala okhusima tawe."

¹³ Mana Yeso niyetsa okhurula Galilaya mumuchela kwa Yorodani okhubatisibwa nende Yohana. ¹⁴ Nebutswa Yohana yatslilila okhutema okhumusinjisia, naboolanga, "Ndenyanga embatisibwe nende yiwe, nawe witsanga khusie?" ¹⁵ Yeso khukhukalusia yamuboolela, "Lekha likholeshe bulano, okhuba nobulayi khulwa fwe okhuUsia obulunjishi bwosi." Mana Yohana namwiyamila. ¹⁶ Olunyuma lwokhubatisibwa, Yeso yaruala mumatsi lwangu, mana lole, likulu liamwikushila. Yalola Roho wa Nyasaye niyekhanga hasi shinga na eshituti nishimuyelakhwo. ¹⁷ Lole, omwoyo kwarula mwikulu kuboolanga, "Wuno niye omwana wanje omuheelwa. Ndayanzisibwa ninaye okhushila."