¹ Olunyuma lwa Yeso okhwibulwa mu Yerusalemu ya Yudeya mutsinyanga tsiOmuruchi Herode, abasatsa abachesi bebukwe boola Yerusalemu baboolanga, ² "Ali heena wibulwe omuruchi wabaYahudi? Khulutsi ing'ining'ini yiye ebukwe ne khwitsile okhumwinamila ye," ³ Olwa omuruchi Herode yahulila lino, ye halala nende Yerusalemu yosi banyakhana po. ⁴ Herode yakhung'asia halala abakhulundu boosi nende abahandichi babandu, ne nabareeba, "Kristo yenya yebulwe heena?" ⁵ Nibamuboolela, 'Mu Yerusalemu ya Yudeya, okhuba kano niko kahandikwa nabaroobi,

⁷ Mana Herode nalanga abandu abachesi okhubareeba nefise shina efiahabwene efieing'ining'ni ilolekhane. ⁸ Yabaruma batsie Yerusalemu, naboolanga, "Tsie mana mukhabilisie omwana wuno obulayi bwene. Olwa muba mwakhamunyoola, nderere likhuwa kho mbu kata siesi embe unyala okhwitsa emwinamile ye." ⁹ Olwa bali bakhamuhulilisia omuruchi, bamala batsia khunjila yabo, nayo ing'ning'ini yabali balutsi ebukwe niyibemilila okhula olwa yola habundu niyisinjila awa omwana omutoro yali nali. ¹⁰ Olwa balola ing'ining'ini, basangala nobusangafu obukhongo po. ¹¹ Benjila munzu nibalola omwana omutoro nende nyinamwana Maria. Bakwa hasi nibamwinamila. Bekula efindi fiabo fiobukusi nibamuha efihanwa fietsahabu, efing'ari nende manemane. ¹² Nyasaye yamala nabakaya okhubirila mumaloro okhulekha okhukalukha wa Herode, kho bamala barula bakalukha mushialo shiabo okhubirila khunjila yindi.

¹³ Olwa bali barulile batsile, omumalaika womwami yaloleshela Yusufu mumalooro namuboolela, "Bukha obukule omwana omutoro nende nyinamwana, wilushile Emisiri. Tongayo okhula lwekhuboolela, okhuba Herode alakhaba omwana omutoro wuno khulwokhumusasia. ¹⁴ Eshilo shienesho Yusufu yabukha nabukula omwana omutoro oyo nende nyinamwana narula natsia muMisiri. ¹⁵ Yatong'ayo okhula olwa Herode yafwa. Lino liosibwa eliali liaboolwa nende Omwami okhubirila mumuroobi, naboolanga, "Ndalanga omwana wanje okhurula ebuMisiri."

¹⁶ Herode yasinyikha po olwayalola mbu yali nabayilwe obwongo nabandu abachesi yabo. Yamala natsia niyera abaana boosi beshisiani bali Betselehemu nende mwihanga elo liosi abali nende emihika chibili okhukalukha hasi, okhutsiana nende efise fiabali tsa barechelesaniye okhurulana nabachesi yabo. ¹⁷ Mana liamala liusibwa eliali liaboolwa okhubirila mumuroobi Yeremia, liboolanga, ¹⁹ Olwa Herode yafwa, lola omumalaika wOmwami yaloleshela Yusufu mumaloro eMisiri ne naboola, ²⁰ "Bukha mana obukule omwana nende nyinamwana mana otsie mumukunda kwaIsraeli, okhuba balia bakhabanga obulamu bwomwana bamalile okhufwa." ²¹ Yusufu nabukha nabukula omwana nende nyinamwana, niyetsa mumukunda kwaIsraeli. ²² Nebutswa olwayahulila Arikelo yali narukanga Yudea halubeka wa Herode samwana, yaria okhutsiayo. Olwa Nyasaye yali namukayile mumaloro, yatsia mwihanga lia Galilaya. ²³ Naye natsia namenya mwitokho lilangungwa Nasareti. Lino liosia kalia kaboolwa nende abaroobi, mbu yakhalangwe omunasareti.