¹ Shinga olwa Yeso nende abechibe bali bolanga ahambi nende Yerusalemu mana niboola Betsifake, khushikulu shia misaituni, mana Yeso naruma abechi babili, ² naboolanga, "Tsie mwinjile mwitaala, ne mubwangu bwenobo mulanyoola isishili yiboyilwemwo, nomwana wayo. Tsibolole mana munderere. ³ Kakhaba mulala yesi amuboolela eshindu shiosi okhulondokhana nende akenako, mulanyalilwa okhuboola, 'Omwami ali nelienya ninatsio,' naye omundu oyo alanyalilwa mubwangu bwene obo alamuruma halala ninabo."

⁴ Bulano kano koosi kekholekha okhuusia kalia kaboolwa okhubirila mubaroobi, baboolanga, ⁶ Mana abeechi nibatsia nibakhola shinga tsa Yeso yali nabalachilisiye okhukhola. ⁷ Barela isishili nomwana wayo nibatsirakhwo tsingubo tsiabo naye Yeso niyekhala khutsingubo etso. ⁸ Emikanda mubunji baala tsingubo tsiabo khumuhanda, nabo abandi barema amasaka kemisala nibakaala munjila. ⁹ Mana emikanda chiatsia imbeli wa Yeso nende chilia chiamulondakhwo chiayulanga, "Hosana yibe khumwana wa Daudi! Weyikhabi ni wulia witsa mulira liomwami! Hosana yili ikulu po!"

¹⁰ Olwa Yeso yali niyakhenjila Yerusalemu, litookho liosi liatsatsahala nilireeba, "Wuno niwina?"

¹¹ Emikanda nichikalusia, "Wuno niYeso wa Nasareti muGalilaya."

¹² Mana Yeso niyenjila mwitembeli. Yakhumamwo balia boosi bakulanga nokhukusiliamwo, nafumamia tsimesa tsiabachenji bamang'ondo nende ebifumbi fia balia bakusinjia efituti. ¹³ Nababoolela mbu, "Liahandikwa, 'Inzu yanje ilalangwa inzu yamasayo,' nebutswa mwakasia okhuba habundu wokhwibisa wabanyeri."

¹⁴ Mana ababofu nende abalema nibetsa khuye mwitembeli, naye nabahonia. ¹⁵ Nebutswa olwa abakhulundu betini nende abahandichi bamalako balola amakhuba kokhuchenyia kayakhola, nende khandi olwa bahulila abaana mwitembeli nibembanga "Hosana khumwana wa Daudi," basinyikha okhushila.

¹⁶ Bamuboolela khulokhumureeba, 'Ohulilanga akababoolanga?" Yeso yabakalusia khulokhubaboolela, "Yee! Nebutswa mushili okhusomakhwo, 'Okhurula muminwa mwabaana abatiti nende tsindaana mamala okhulomba obwitsomi'?"

¹⁷ Mana Yeso nabalekha mana natsia elwanyi mwitookho lia Betsenia nakonayo okhuula okhushia.

¹⁸ Bulano mumabwibwi olwa yakalukha mwitookho yali inzala. ¹⁹ Okhulola omusala kwemisayituni khundulo khweyinjila, yatsia khukwo bulanyoola eshindu shiosi khukwo tawe halali tsa amasafu. Nakuboolela, "Eshiamo shiosi shilanyalilwakhwo okhubakhwo khuyiwe khandi tawe," nahabwenaho omusala kwemisayituni yuko nikuniala.

²⁰ Lwabeechi balola lino, bemonya nibamureeba, "Omusala kwemisayituni kunialile kuriena?"

²¹ Yeso yabakalusia nababoolela, "Obwatoto emuboolela, kakhaba muli nende obusubili mana muleshe okhubeyabeya, shimulanyalilwa tsa okhulekha okhukholela komusala kwomuseyituni kuno kukholilwe tawe, nebutswa mulaba munyala okhuboola khushikulu shino,' isuule mana wisukune munyanza,' nalo nilanyalikha okhwikholekha. ²² Shilia shiosi shiomureeba mukhusaya, nimusuubile mulanyalilwa okhunyoola."

²³ Olwa Yeso yali niyolile mwitembeli, abakhulundu betini nende abasakhulu babandu bamwitsila olwa yali niyechesinjia nokhumureeba," Nibunyali shina bwokholelangamwo efindu fino, naye niwina wakhuhelesia obunyali buno?"

²⁴ Yeso yabakalusia nababoolela, "Siesi khandi ndalamurebakhwo lireebo. Kakhaba mulangalusia, ndalanyalilwa okhumuboolela nikhubunyali shina bwekholelangamwo efindu fino. ²⁵ Obubatisibwi bwa Yohana- bwarula heena? Bwarula mwikulu nomba khumundu?" Beka abene khu bene baboolanga, "kakhaba khuboola, 'Okhurula mwikulu,' alakhuboolela, 'Nishina mana mwaloba okhumusuubila?' ²⁶ Nebutswa khuboola, 'Nokhurula khumundu, khuria omukanda, okhulondokhana boosi balola Yohana okhuba omuroobi." ²⁷ Mana bamukalusia Yeso khulokhumuboolela, "Shikhumanyile tawe." Naye yesi nababoolela, "Kata siesi shindalanyalilwa okhumuboolela nibunyali shina bwerumishilanga okhukhola efindu fino tawe. ²⁸ Nebutswa muparanga murie? Omusatsa yali nabasiani babili. Yatsia khuwokhuranga namuboolela, 'omusiani, tsia nyangayino okhole emilimo mumisabibu.'

²⁹ Omusianiwe yamukalusia naboola, 'Shenyala tawe,' nebutswa olunyuma lwene yakalukhasia amakani keke ne natsia.

³⁰ Mana omusatsa oyo natsia khumusiani wakhabili namuboolela eshindu shilala shienesho. Nakalusia naboola, 'Ndalatsia, omukali,' nebutswa shiyatsia tawe. ³¹ Niwina khubasiani babili bano wakholakhwo elienya liasamwanawe?" Nibaboola, "Wokhuranga oyo." Yeso nababoolela, "Obwatoto emuboolela, abatooyi bobushuuru nende abatamba shibalinyalilwa okhwinjila bubwami bwomwikulu imbeli wenyu tawe. ³² Okhuba Yohana yamwitsila nywe munjila yobulunjishi, nebutswa shimwamusubila tawe. Nebutswa nywe, kata lwamwalola lino, shimwekanila olunyuma lwene nokhumusubila ye tawe.

³³ Wulilisie oluchelo lundi. Khwaliho nomusatsa, mwene mukunda. Yaraka emisabibu, narakhwo olukaka, nakasia habundu hokhutinyila emisabibu, niyombakha habundu hachingushile wokhuhenjelaho nokhukotesha abarachi bemisabibu. Mana natsia mushialo shindi. ³⁴ Olwebise fiokhuchesa fiola, yaruma balala khubakholi khubarachi bemisabibu khulokhutobelesia efiamofie. ³⁵ Nebutswa abarachi bemisabibu babukula abakholi bakhupa mulala, bera oundi, mana balasa oundi namachina. ³⁶ Khandi, mwene mukunda naruma abakholi bandi bashilakhwo bali bokhuranga, nebutswa abaraachi bemisabibu babakholela munjila ndala yeneyo. ³⁷ Olunyuma lwakene yako, mwenekwo yaruma omwanawe omwene khubo naboolanga, 'Betsa okhuhelesia omwana wanje oluyali.'

³⁸ Nebutswa olwa abaraachi bemisabibu balola omwana baboola abene khubene, 'Wuno niye omulame, Yitse khumwiire ye manakhubukule obulame,' ³⁹ Kho bamala bamubukula, bamusukuna okhurula mumukunda kwemisabibu nibamwira ye. ⁴⁰ Bulano olwa mwene mukunda kwemsisabibu yetsa, nishina shalabakholela abarachi bemisabibu yabo?"

⁴¹ Bamuboolela mbu, "Alabononia obutinyu bwene abandu ababi yabo, nokhuhelesia abaraachi bandi bemisabibu, abasatsa betsa okhumuha omukabwakwe kwebirakwa mufise fiokhufuna."

⁴² Yeso yababoolela bo mbu, "Shimwasomakhwo mumahandiko, 'Lichina liabombashi baloba limalilwe okhukholwa lichina likhongo liomukona. Lino liali okhurula khumwami, nalo niliokhuchenyia mutsimoni tsefu?'

⁴³ Khulwako emuboolela nywe mbu, obwami bwa [Nyasaye] bwakhanyalilwe okhurusibwa khwinywe nokhuhanwa khufialo fiamanga efiamo. ⁴⁴ Wulia yesi ukwa khwichina lino alatonyokha mufitonye. Nebutswa ulia yesi welikwakhwo alatubukha." ⁴⁵ Olwa abakhulundu betioni nabafarisayo bahulila tsinjelo tsitsie, bamanya mbu aboolanga okhulondokhana ninabo. ⁴⁶ Bakhabanga okhutila ye, bali barire omukanda, shichila abandu bamulolanga ye shingana omuroobi.