¹ Mana abaFarisayo nende abahandichi bamalako bandi betsela Yeso okhurula Yerusalemu. Nibamureeba, ² Shichila shina abeechibo bakoyasinjia emilukha chiabakofu beefu? Okhuba shibasaabanga emikhono chiabo olwa baba nibalia omukaati tawe."

³ Yabakalusia nababoolela, "Nikhulwa shina mukoyasinzia amalako kaNyasaye khulokhubeela emilukha chienyu? ⁴ Okhuba Nyasaye yaboola, "Rie basenywe nende banyinenywe,' naye 'Ye wuboola amabi khusamwana nomba nyinamwana bwatoto buli alafwa.' ⁵ Nebutswa muboolanga, 'Wulia yesi wuboolanga khusamwana nomba nyinamwana, "Obukhoonyi bwoosi bwomulanyalilwa okhunyoola okhurula khwisie bulano neshihanwa shihanilwe khuNyasaye," ⁶ omundu oyo shakhoyile okhuhesia samwana oluyali tawe.' Munjila yino mukholile likhuwa liaNyasaye okhuba likhaya khulwa emilukha chienyu. ⁷ Enywe abekaati! Isaya yayinia oburoobi okhulondokhana ninenyu olwa yaboola, ¹⁰ Mana yelanjila emikaanda ne nachiboolela," Wulilisie ne kamwitsule- ¹¹ Shibulaho shinjilanga mumunwa shibiyinjia omundu tawe. Halali, shilia shirulanga mumunwa nishio shibiyinjia omundu."

¹² Mana abeechi nibeetsa nibareba Yeso, "Omanyilekhwo mbu abaFarisayo basinyisibwe olwabahulie obubooli buno?"

¹³ Yeso yabakalusia nababoolela, "Papa wanje womwikulu alisuula buli musala kwayalaraka tawe. ¹⁴ Baleshe babe bonyene, nabemilili ababofu. Kakhaba omundu omubofu yemilila omundu wundi omubofu, balakwa mwitikho bombi," ¹⁵ Petero yakalusia naboolela Yeso, "Khuboolele fwe muburambi oluchelo luno."

¹⁶ Yeso nabareeba, "Mwesi mushili okhumanyilisia tawe? ¹⁷ Shimuli nobumanyilisi mbu shilia shiosi shitsitsanga mumunwa shibiranga munda mana shitsia elwanyi mucho tawe? ¹⁸ Nebutswa, efindu filia firulanga mumunwa firulanga khumwoyo. Nafio efindu fiononinjia omundu. ¹⁹ Okhuba okhurula khumwoyo karulakhwo amaparo amabi, obwiri, obuheyi, obwilaasi, obwifi, abakobosheli bobubeyi nende abeesanyi. ²⁰ Fino nafio efindu fiononinjia omundu. Nebutswa okhulia namakhono amamisu shikhwononinjia omundu tawe."

²¹ Mana Yeso narulaho natsia nasuta ebuleka wamatookho ka Tire nende Sidoni. ²² Lole. Omukhasi omukanani yetsa okhurula mwihanga elo. Yayula ikulu naboola, "Ba nende tsimbabasi khusie, Omwami, omwana wa Daudi! Omwana wanje omukhana winjilwemwo nefishieno okhushila."

²³ Nebutswa Yeso shiyamukalusiakhwo likhuwa liosi tawe. Abechibe betsa nibamusaba baboolanga, "Murume atsie, okhuba alakhwayulilanga."

²⁴ Nebutswa Yeso yabakalusia nababoolela, "Shindarumwa khuyesi tawe habula khumakondi kakora keyinzu ya Israeli."

²⁵ Nebutswa yetsa niyenama imbeliwe, naboolanga, "Omwami khonya."

²⁶ Yamukalusia naboola, "Shinobulayi okhubukula omukaati kwomwana nokhutsisukunila tsimbwa tsindoro tawe."

²⁷ Yaboola, "Nitoto Omwami, nebutswakata orubwa orutoro rulitsanga obubungulusi bubetsanga bukwiile haasi okhurula khutsimesa tsiabayinda babo."

²⁸ Mana Yeso namukalusia namuboolela, "Mukasiwe, obusuubilibwo nobukhongo okhushila; lekha likhwikholeshele shinga tsa lienyile." Omwanawe omukhana yahona efise fienefio.

²⁹ Yeso yarula habundu bwene yaho natsia ahambi khunyanza ya Galilaya. Mana natsia natikulukha khushikulu niyekhalaho. ³⁰ Emikanda emikhongo chiamwitsila. Chietsa chili nende abalema, ababofu, abasilu nende abandu amakara nende abanji bali abali abalwale. Babalera babara hafilenje fia Yeso, naye nabahonia. ³¹ Kho omukanda kwachenya olwakwalola abandu abasilu baboolanga, amakara kakholilwe okhuba malayi, abalema bachendanga nabo ababofu balolanga. Betsiomia Nyasaye wabaIsraeli.

³² Yeso yalanga abeechibe okhutsia wayali naboola, "Endi neshibeela khumukanda kuno shichila bekhale ninaasi khulwetsinyanga tsitaru ne shibalikhwo nende eshindu shiosi shiokhulia tawe. Shindenyile okhubaboolela batsie buchila okhulia tawe, nomba banyala okhunyirila khunjila."

³³ Abeechi nibamureeba, "Niheena wokhunyala okhunyoola emikati chihela habundu halekhwa shingana hano okhwikusia omukanda omukhongo kuno?"

³⁴ Yeso nabareeba, "Muli nemikaati chianga?" Nibaboola, "Musafu nende orunyeni orutiti." ³⁵ Mana Yeso nalachilisia omukanda okhwikhala hasi. ³⁶ Yabukula emikaati musafu echo neyinyeni, ne olwa yali yakhamala okhupa orio, yatonyola emikaati nahelesia abeechi. Abeechi nabo bahelesia omukanda. ³⁷ Abandu boosi balia nibekura. Mana bakhung'aasia efitonye fiobubungulusi bwali butoonyile fitukha efimwelo musafu. ³⁸ Balia bali balile bali abasaatsa efikhumila amakhumi kane (4000) norusiyekhwo abakhasi nende abaana. ³⁹ Mana Yeso nasebuula emikanda chitsia naye niyenjila muliaro natsia mwihanga lia Makatani.