Kawukku 21

Yesus Da Tabo Kayi Tujjai Wu Raja

1 Kole yidda bada dahe kawe Yerusalem mono diki Betfage, ta lete Zaitunna, Yesus naha lewayi duda anaha kodoNa;

2 Linage Nyi tabrada yidda, “Kakomla ta deha kadana inna ta aro bali, mono mi enga wing tabo mini wu keledai hakatti mono wu ana keledai olena. Lada nage hakattida yidda mono ngidila kaduda kana tabaraGu. 3 Nyi badaka ata kanukkami tabarami, mi limmi dahoge, ‘Mori kaha lewama ngalayi, ‘mono Nyi enga geha pahagani.”

4 Inna nadadiwe kana banuge agawe hatak beda nabi:
5 “Tak nage tabarana Bau winne Sion,
‘Etayige, Rajamu aammini tabaramu,
li bawa ate, mono na leteyi wu keledai,
waini wu keledai bodi, anana wali keledai bikta ngidi.
Zakaria 9:9

6 Ana hakodona kako mono dokuge katauna paha rehanai Yesus tabarada yidda. 7 Yidda da ngidiyi keledai nada, lohho ana keledai nadda, mono ijalayi kalabeda yidda ta panu kabedo keledai-keledai rada, mono Yesus ngodo ta panu kabedona. 8 Wadeka wali ta ata buta rada da lakarayi kalabeda yidda ta lara, mono wadeka da pogo kaha yayu, lohho da talaradi ta lara. 9 B uta ata ka kako ta aroNa mono yidda ka dokuni Nyi da kawula,
“Hosanna tubana Anai Daud!’
Ka nyurruna Nyila ka mai lari ka ngaranai Mori.’
Hosana taha dau kama dehta!”
Mazmur 118:25-26

10 Kole Yesus bana tama ta Yerusalem, tangage harona na gegerawe. Yidda da kanukka, “Iyayi Nyi nade?”

11 Mono, ata buta rada bale hawe, “Nyi yiknai Nabi Yesus, wali ta Nazaret ta Galilea.”
Yesus Naha Languge Umanai Allah

12 Lohho, Yesus na tama ta Umanai Allah mono wugayi ata katamrana malajana ta Umma Allah, lohho na kabli gubbudi meja dau tukarada amaha mono bangkuda yidda kama lajana ta gukku maupa.

13 Nyi linage tabarada yidda, “Na matolha bewe, ‘UmmaGu enga hangara dage umma dau sembayangna, ‘tabolo mi um hadadige haddu ata karebo.”

14 Mono, ata kamoro lohho kalikku mai tabaraNa ta Umma Allah, lohho Nyi na hatagayi yidda. 15 Ta nyiduwe, kole rato kapala mono ahli taurat etayi mujizat pa rayi benai Yesus mono etayi lakawa kawula ta Ummanai Allah, “Hosana tuba anai Daud, “yidda da bani dangage.

16 Lohho, yidda da kanukka tabarai Yesus, “Appa Yau um rangeyi hatakda lakawa rada?” Mono, Yesus na balehayi yidda, “Ngo. Walem kali bahhak mawe mi, ‘Wali ta bada lakawa bila mono lakawa huhu, Yau um ha inya kadi mahadi tuba tauMu daum?” 17 Bege, Yesus na ijakadi yida mono huna wali ta harona inna ta Batania mono dau dage neda bali.
Yesus Naha Tingoge Kawaha Hatena

18 Batauge, ta kokokak, kolei Yesus hagga ta harona, Nyi na kalabba. 19 Mono, kole bana etayi pu kapulota ta huppu lara, Nyi na barani mono wale la hing mana wuna, duka dahedi rona. Mono, Nyi linage ta pu yayu nada, “Walem hillu wuk mawu lage wali ta baramu kahha ana murri!” Neda mema dummo, pu kapulota nada mate.

20 Kole ana hakodoNa etawe hada inna, tangada hangatara mono kanukawe, “Aga linada pu kapullota nada mate mema dummo?”

21 Mono, Yesus balehayi yidda, “Tau takka nage nauwa luguge tabarami, nyi mi badaka hatenami mono aim gela gagga dumi, mi wale nyi kel mawe ba rayige ta puka pullota nade, lohho dummo mi balimikage ta letena inna dikiwu lari ta bannu, ‘hada inna enga dadige. 22 Mono, tangadi ha raiyimi lar ta sembayangna, hatena wela enga hiba midi.”
Pa Ama Yahudi Wale Hatenak Mawe Kawaha Nai Yesus

23 Kolei Yesus tamage Umma nai Allah, tangada rato kapala mono bai ata Yahudi amidi tabaraNa tamrana Nyi bana talarage mono da kanukayi, “Aga kawaha we Yau bamu raige tangage inna? Mono, iya ka yiguGe kawaha inna?”

24 Yesus na balehayi yidda, “Nauwa dummo ug kanukka dahomi tabrami, nyi bamu baleha duyi, Nauwa ug takki jala mige aga kawahawe nNauwa ha waigo bagu rayidi tangadi. 25 Gi walige hariha nai Yohanes? Wali ta Surgage waleka wali ta kadadi atawe?” Mono, yida halege dage bada hanewe dauge, lidage, “Nyi balida ge, ‘Wali ta Surgawe, ‘Nyi enga linadage, ‘Batauda ge, ahha mi walem hatena kami tabarai Yohanes?’ 26 Ta nyiduwe, nyi yitta bada balehawe, ‘Walige ta kadadi ata. ‘Yitta da madautadi ata buta oro yidda tangada datadawe nadai Yohanes ba Nabiyi.”

27 Nyiwe yidda balehayi Yesus “Nami wale matadak mawe.”

Mono, Yesus linage, “Bataudage, Nauwa dummo walegu takkik mamigge aga kawahawe Nauwa magu rayidi tangadi rada.”

Hatujja Tutu Duda Lakawa

28 “Tabolo, aga lima dawe pangadamu? Dani wu ata ka dudana ana kabanina, mono nyi na mai ta ana bodi mono linage, ‘Anagu, kakowu mono ullanala lado nehe ta oma anggur.’

29 Mono, nyi na balehawe, ‘ngo, ama, ‘tabole kole bataudage inna nyi walena kakokma.

30 Bege amana nada kako tabarana ana ha duda kawai mono na takki jalawe kataudana. Lakawa nada na balehawe, ‘Walena auma, ‘tabolo nyi nahha ngadage mono na kako.

31 Iyayi wali kadudana lakawa rada kadokuge hatakki amana?” Yidda lidage, “Nada kamurri.” Yesus linage tabarada yidda, “Tau takka nage, nauwa ha takkigu tabaramu rada kakahha walu katakku mono lawai malamura enga tamada ta Kalingoranai Allah ullu wali ta miyo. 32 Oro, Yohanes mai tabarami ta lara katenguna mono mi walem hatenak mayi, tabolo, ata kahha walu katakku mono lawai malamura daha hatenawe. Mono, mi, kole bamu etawe inna lohho wale na pak hak mawe atena ba bewe innadaja lage mi dadiwe hatenawe.”
Hatujja Tutu Kamangu Oma Anggur Mono Ata Paha Hewana

33 “Rangela hayujja wadeka. Dani kamangu omana ha taddo angguru, mono na tauge gallu kalingorage, mono na koja hadau pahlana anggur, mono naha dede toko umma kama dehta. Bege, nyi na kahewawe oma anggurna ta kapirana ata ka ullana, mono nyi nakako ta dihha hadau. 34 Kole rahi wudi manari dilkige, nyi naha lewayi atana ta ka ullana rada kapiku hiba nadi wudi. 35 Mono, rada ka ullana yappa yi rada ata halewana mono paluyi wu ata, mono hamateyi wuwali, mono wadeka tukkuyi watu. 36 Hadakka piwali, mori oma nada ha lewaliyi ata na wadeka, karehi buta wali rada ka ullu. Mono, tangada ka ullana rada rayi jalage kataudana tabarada yidda. 37 Dajalage, mori oma nada halewayi anana tabrada yidda, linage, ‘Yidda enga hida gani anagu.’

38 Ta nyiduwe, kole ata ka ullana rada bada etayi anana, yidda lidage bada hanewe dau, ‘Nyi kadauge, maida yitta kada hamateyi nyi mono kada karamadi haduna,’ 39 Lohho, yidda da yapayi anana mori oma nada, baitani tabali oma anggur, mono dahha mateyi. 40 Oroge inna, kole mori oma anggur nada mai, agawe ha rayina tabarada ata kaullana rada?” 41 Yidda lidage tabaraNa, “Nyi naha lilokodi ata japata rada karehi japata, mono enga kahewa nage oma anggurna ta ata ka ullana wadeka, enga yinadi tabarana wudi ta rahi wudi.”

42 Yesus linage tabarada yidda, “Appa mi walem kali bahhak mawe Jurata Bihha:
‘Watu ha tularana karayina umma na dadi watu hadda.
Hada inna nadadiwe wali tai Mori, mono hada inna aikakali dadiwe wali ta matada yitta’?
Mazmur 118:22-23

43 Oroge inna, Nauwa luguge tabrami, Kalingorai Allah enga ngalawe wali tabaramu mono enga yiwe ta ata kawalla wuyo wali tabarana. 44 Mono, iyayi kamunu wali ta watu inna nyi enga pahha hama wutkani; mono iya hing kayi ha bira kana watu nada enga muk kana.”

45 Kole rato kapala mono ata Farisi rangeyi li ha tujjaNa, yidda na yappawe nadai Yesus takki nadi yidda. 46 Ta nyiduwe, kole yidda bada kabu atege yappayi Yesus, yidda madauta ta ata buta rada da hawauge ba Nabiyi.