Kawukku 20

Hatujja Tutu Aya Ka Ullana Ta Oma Anggur

1 “Oro, Kalingora Surga na tujja dawe ata kamangu omana kokokak bana kako mayegana ka ulana ta oma anggurna. 2 Kole nyi bana ha wudi takda nyi mono kaulana rada wu dinar dihha lado, nyi nahha lewayi yidda ta oma anggurna.

3 Mono, kole ha jam taudayi nyi na kako mono etayi ata wadeka tamrada dede awa tahha dau ata buta. 4 Yiwe, nyi linage ta barada yidda, ‘Mi, kako jalami ta oma anggur mono aga dahona kama rakka ha yigumi tabarami. ‘Mono. Yidda dumo kako.

5 Hadakka pi guge, ba jam anniyi mono jam kabani diha nyi na kako mono na rayige hada kaha tujja. 6 Mono, ba jam kabulu dihha, nyi na kako mono na dikkidi wadeka ata kadede mono nyi linage tabarada yidda, ‘Ahha mi mam dede awami tara lalado?’

7 Yiadda lidage tabarana, ‘Oro ai dahona kahha ulla gama nami, ‘kamngu omana nada linage tabrada yidda, ‘Mi, kako jalami ta oma anggurugu.’

8 Kole ba manari gak nage, kamangu omana nada linage ta madorana, ‘Kamai kadi ata ka ullana mono bayaradi tabrada yidda kahewada, wali kahada murri kahha hadda ullu.’

9 Kole yidda paha ulla ta jam kabulu dihha, ammidi, dihha-dihha ata hibba wuyo dinar. 10 Kole yidda paha ulla ullu. Ammidi, paha ngadada yidda enga rehi hodi pahibada, Ta nyiduwe, yidda dihha-dihha dumo hibba wuyo dinar. 11 Kole bada hibayi, yidda da ka ngurka ta mori oma. 12 Yidda lidage, ‘Ata katama murri dihha jam heda ullana, mono yau um rayige hamera danga gama nami, ka bikta ha ullana mono ngangaha tara laladdo.’

13 Ta nyiduwe, mori oma nada na balehawe mono linage tabarada wu wali ta yidda, ‘Ole bai, nauwa walegu jalak mawa tabaramu. Walem damuk mage bada taka bewe mi mo nauwa dihha dinaru? 14 Ngala dayi hadaumu mono kakowu, tabolo nauwa hakabu ategu yini nada ata kamurri, tujjawe dimmi tabarami. 15 Appa nauwa walena tenak mawe harayi gu ba aga hingkayi ta dau wiki daugu? Waleka, apa matamu japata nadi oro nauwa bagu dahhawa?’

16 Nyiwe, kamurri enga uluna, mono kaullu enga murrina.”
Yesus Na Takki Pi Walwe Tutu Matena

17 Kolei Yesus bana kao ta Yerusalem, Nyi na ngidiyi kabulu duda ana hakodoNa baba hawattena. Ta tillu lara, Nyi linage tabarada yidda, 18 “Etawela, yitta aro dage ta Yerusalem mono Anana Kadadi Ata enga a yiyi ta rato-rato kapala mono ahli-ahli Taurat. Yida da hokuni Nyi wage hamateyi. 19 Lohho, yidda enga yidani Nyi tabara ata wadeka kapiku tere kayi, paluyi, mono kadailoni Nyi. Mono ta lado katauna, Nyi enga kaddena.”
Maraino Wali Ta Inya Anai Zebedeus

20 Bege, inya wali ta anai Zebedeus oledi anana mai tabrai Yesus mono kawojo bana karai tabarai Yesus.

21 Mono, Yesus linage tabarana, “Agawe ha maddimu? “Ha inya nada nabalehae, “Pareha kiwela dajalage kadudana anagu kada ngodo ta kalingora ParehaMu, wu ata tabara wanaMu mono tabara kalimu.” 22 Ta nyiduwe, Yesus bale hawe, “Yau walem yapak mawe agawe yau harayimu. Agawe ka dadi haenumu wali ta koba weha enu ha enu dahoGu?” Yidda liadage tabrai Yesus, “Ngo, nami ma mukkage.”

23 Yesus linage tabarada yidda, “Mi enga enu takka mige wali ta koba wha enuGu, tabolo ta kawanaGu mono ta kaliGu, walegu daudak maGe yiwe, tabolo tutuda yidda paha inyaka bena AmaGu.”

24 Kole bada rangewe kabuluna ana hakodoNa wadeka, yidda da bani tabarada kadudana ole baida rada. 25 Tabolo, Yesus naka maikadi yidda mono linage, “Mi um tadawe tangada kadau kawaha ata wadeka kapa rehayi tabarada yidda, mono ata madakada yidda da ha kakowe taguda tabarada yidda. 26 Doku dage wale tauda dak mage ta jongam miyo, tabolo iyayi ka baige madaka ta jongami, nyi bai dahoge hanukku yau. 27 Mono, iya hing kayi kabaige ullu ta jongami, nyi na dadi ata halewa dahomuni, 28 katujjana Anana Kadadi Ata bana mai wale paha nukku dak mayi, tabolo Nyi daho kaha nukkuwe mono ka yiwe ngahuNa kajelu nage halina tangana ata.”
Duda Ata Moro Hatagahayi

29 Mono, kole bana tanage ayerikho, buta ata ka dokuni Nyi. 30 Mono, duda ata moro ka ngodo ta nirri lara, kole bada rangeyi Yesus palaka, yidda da kawula, “Mori, Anai Daud, manawara kigama nami!” 31 Ata buta banidi yidda kada kadanna. Ta nyiduwe, yidda kiki kawula dage, “Mori Anai daud, manawara kima nami!” 32 Nyiwe, Yesus ngahu nage mono na kamai kadi Yidda. Linage, “Agawe hakabu atemi Nauwa kagu rayi gimige?”

33 Yidda lidage tabraNa, “Mori, nami ma kabu atege kana mabugerayi matama.” 34 Yesus na marabehawe atena tabarada yidda, mono naha jame dadi matada yidda, neda memage da eta hagga, mono dokuni Yesus.