¹ Yesu nengira mubhwato nambuka nakinga mumusi gunu ariga nekara. ² Rola mbamureta omunu unu agaafuye omubhiri aongesibhwe kwikodoro. Yesu ejire abharora okwikirisha kwebhwe nabhwira unu aga afuye omubhiri mwanawani ujomerwe ebhibhibhyao bhya firwa chigongo.

³ Rora, abheigisha na bhebhwiragiro mbaikana bhene kwa bhene, “mbaikana omunu unu kafuma Nyamuanga.” ⁴ Yesu namenya obhwiganirisha bhwebhwe nabhabhwira, kubhaki munabhwiganirisha bhubhibhi mumitima jemwe? ⁵ Chiya chinu chiri echororo okwaika, 'Ebhibhibhi bhyafwirwa chigongo' amwi kwaikati, 'imereguru uribhate?' ⁶ Ira mumenye ati omwana wo munu anobhuturo bhwo kufwira echigongo ebhibhibhi aikaga anu kuunu ariga afuye omubhwiri, “imereguru, gega rigodoro ryao, ugede ika wao.” ⁷ Nio omunu urya nemuka nagenda ika ewaye. ⁸ Abhanu bhejire bharora gayo, mbarugura mbaramya Nyamuanga unu uyaye abhau obhuturo bhuyo.

⁹ Yesu bhuu aturaga okusokaao, narora munu umwi nabhirikirwa risina rya Matayo, unu aga enyanjire kurubhara rwa bhatobhesha bharigoti. Namubhwira, “nundubhe anye” nemereguru namurubha. ¹⁰ Yesu ejire okwinyanja iri arye ebhiryo munyumba, mbaja abhatobhesha bhafu na bhanu abhabhibhi mbarya abhiryo amwi na Yesu na bheigisibhwa bhae.

¹¹ Niwe abhafarisayo bhejire okurora gayo, mbabhwira abheigisibhwa “kubhaki omwiigisha wemwe karya abhiryo amwi nabhatobhesha a bhanu abhabhibhi?”

¹² Yesu ejire okunngwa gayo, “nabhabhwira abhanu bhanu bhari no bhuwanga obhujomu bhatakwagara bhafumu, ira abharwaye. ¹³ Nawe mugende mwiigire amang'ana gaye, “Enenda echigongo amwi nitakwenda kogo” kwokubha nijire kubhobhukweli okwikilisha hata abhabhibhi.

¹⁴ Nio abheigisibhwa bha Yohana mbaja kumwene mbaika, “niki chinu eswe na bhafarisayo chirema okurya nawe abheigisibhwa bhao mbarya?”

¹⁵ Yesu nabhabhwira, Ati bhanu abhaeregesha obhwenga abhatura okusurumbara ku mwanya gunu unu katwara anu kabha amwi nabho? Ambe jisiku ejija anu unu kagabhura kagegwa kusokako mbe niwo mbarema okurya.

¹⁶ Atariwo munu unu katura akatambara kaingubho inyaya natura kungubho yakara, echirapa echibharura ingubho na ritundu rinene erija. ¹⁷ Amwi bhanu abhaturao amanji gemizabibu omuyaya amwi chinu cha manji gomzabibu gwa kala, okubha, bhakora ingoji eipasuka, amanji go mzabibu agaurura na ingoji einyamuka. Ira tura manji mayaya mu ngoji inyaya bhyone ebhibhakisi.

¹⁸ Omwanya guyo Yesu aganabhabhwira amang'ana gayo, Rora naja omukuru namuromya naika, “Omuyasha wani amara kufwa oryanu, ila nuje utureko okubhoko asubhe okurora.” ¹⁹ Niwe Yesu namurubha na abheigisibhwa bhaye. ²⁰ Ambe, umugasi unu aliga arwae oburegu kumwanya gwa myaka ekumi na ebhili, naja kumbari ya Yesu nakun'ya kwipindo ryo mwenda gwae.

²¹ Kwokubha aikire ati, “Nikataka nikun'ya kumwenda gwae, anye eniora.”

²² Yesu nachururuka namurora namubhwira ati. “Muyasha, ikomesha, okwikirisha kwao kwakuosha,” Omwanya guyo guyo omugasi naora kusoka amanyinga.

²³ Yesu ejire akinga kunyumba yo omukuru, uyo narora abhabhumi bha jinkuri na bhanu bhafu mbarira. ²⁴ Naika musokeyo, omuyara unu achari kufwa, ila aongeye. Mbamuseka mbamukomora. ²⁵ Na bhanu bharya bhejire mbasosibhwa anja nengira munyumba namugwata okubhoko no muyara nemuka. ²⁶ Indugusho iyo nienea echaro echo chone.

²⁷ Niwe Yesu aliga natura kusoka arya, bharume bhabhili bhaofu mbamurubha. Mbamuragirisha, chifwire chigongo Omwana wa Daudi. ²⁸ Yesu ejire akinga kunyumba, abhaofu bharya mbamjako, Yesu nabhabhusha, “Omwikirisha ati, enitura okukora chinu? Mbekirisha ati yee Rata bhugenyi.

²⁹ Niwe Yesu nakunia kumeso gebhwe naika, “ikorekane kutyo kwemwe rwa kutyo mwekirisha.” ³⁰ Niwe ameso gebhwe ngarora Yesu nabhakomeresha muno ati, “asige kubhao munu wo kumenya ling'ana linu.” ³¹ Niwe abhanu bhabhili bhejire mbasoka mbamba okurasha aman'gana ganu mucharo chone.

³² Nwe abharume bhanu bhabhili bhejire mbauruka, munu umwi unu aliga ali mujibhi agwatirwe ne misambwa mbamleta kuYesu. ³³ Niwe emisambwa njimsokako umjibhi namba okwaika abhanu mbarugura mbaika, ichariga kukorekana jinu mucharo cha Israel.

³⁴ Ila bhafarisayo bhariga mbaika, “kwo mkuru we misambwa kusoshako emisambwa.”

³⁵ Yesu nagenda mumisi jone na mubhijiji nagenderera kubheigisha kumasinagogi, narasha amang'aa gone ago Bhukama no kuosha obhurwae no kurwaririra. ³⁶ Ejire okurora abhanu nabhafwira chigongo, okubha bhariga bhaigirwe na bhanyarambukire bhariga rwa jinama jinu jitari na murefi. ³⁷ Niwe babhwira abheigisibhwa bhaye ati, chimali “orugeso ni rwafu, tari abhakosi mbatoto. ³⁸ Ambe chisabhwe omukuru wo rugeso ili achitumire abhakosi murugeso rwae.”