¹ Omwanya Yesu ekire asi kusoka kuchima, ebhise bhyafu mbimurubha ² Mbe naja omugenge umwi namuramya imbere yaye naika, “Rata, ukenda otura kunyesha.”

³ Yesu nagorora okubhoko kwaye namugwatako, naika, “eti niri kisi, ubhe mweru. “Aoao ebhigenge mbiora. ⁴ Yesu nabhabhwira, “ringira wasiga kubhwira munu wonewone. Gwata injira yao wiereshe omwene omugabhisi na usoshe chianwa chinu Musa aikire, chibhe rusingiro kubhene.”

⁵ Omwanya gunu Yesu ejire engira kapernaumu, omukuru umwi wa bhasirikare naja kumwene namubhusha ⁶ Naika, “Rata, omukosi wani amamire munyumba afue omubhili na kongwa obhururu bhwafu.”

⁷ Yesu namibhwira, “enijokuja nimwoshe.”

⁸ Omukuru wa bhasirikare namubhwira, “Rata, anye nitari wa chibharo ata uje nokwingira munyumba yani, yaika eng'ana rimwi tu omukosi wani kaora. ⁹ Kwokubha anye none nirimtungi ninabhasilikare bhanu bhari emwaro wani. Nikaika ati, “genda' kagenda, no undi 'ija' kaja, nomukosi wani, 'kora chinu', omwene one kakora chio.”

¹⁰ Omwanya guyo Yesu ejire ongwa gayo, narugura nabhabhwira bhanu bhaga mbamurubha, “chimari enibhabhwira, nichariga kurora munu warikirisha enene rwa unu muIsraeli yone. ¹¹ Enibhabhwira, bhafu abhaja kusoka bhuuruka esubha na ebhugwa esubha, abheanja amwi na Ibrahim, Issaka, na Yakobo kubhukama bhwa murwire. ¹² Nao abhana bhobhukama abheswa anja mubhusute nakulibho okurira na okuguguna ameno. ¹³ Yesu nabhwira omusirikare ulya, “Genda! Rwa kutyo wamarire okwikirisha, mbe mugende kutyo kutyo kwo kwikirisha nomugaya awolere kwo mwanya guyoguyo.

¹⁴ Omwanya guyo yesu akingire kunyumba ya Petro, arorere nyabhuko Petro aongeye abhee murwaye wouma. ¹⁵ Yesu namgwata okubhoko kwae, naioma yae ni musokako, nemuka namba okumukonjera emirimu.

¹⁶ Yejire yakinga kegoro, abhanu mbamretera Yesu abhafu bhanu bhariga bhagwiriwe na masambwa, nabhirimya misambwa na bharya bhaga bharwae nabhaosha. ¹⁷ Korereki rikinge rinu ryariga riragiriwe na Isaya omuragi, “Omwene unu agegere amarwae geswe netwika obhurwae bhweswe.

¹⁸ Mbe Yesu ejire arora ebhise bhimusingie, asosishe amaragiriro ati, chigende rubhara rundi rwa kungego (bahari) ya Galiraya. ¹⁹ Nomwandiki umwi naja kumwene nokumubhwira, “omuigisha, enikurubha oneone anu ouja.”

²⁰ Yesu namubhwira, “bhanyamubhwe bhanomsimamo na jinyonyi ja murutumba jinobhusu, lakini omwana wo munu atana sehemu yokutura omutwe gwae.”

²¹ Omuigisibhwa undi namubhwira, “Rata, nyikirishisha okwamba nigende okusika Rata.”

²² Nawe Yesu nabhabhwira, “mundubhe, usige abhafue bhasikane bhafue kwa bhafue abhene.”

²³ Yesu ejire engira muryato, abheigisibhwa bhaye mbamurubha muryato. ²⁴ Rora, ngwibhuka omuyaga mwafu munyanja, obhwato mbhwenda okufundirwa na makonjo, Yesu ariga aongeye. ²⁵ Abheigisibhwa bhaye mbaja kumwene okumuramushambamubhwira, “Rata bhugenyi, chione echenda okufwa!”

²⁶ Yesu nabhabhwira, “kubhaki omubhaya, emwe abherikirisha ritoto?” Niwe nemuka naganya omuyaga na inyanja nijibhira ndibha etore, ²⁷ Abheigisibhwa mbagwatwa ebhiruguro mbaika, “omunu unu niwa kutiki, ata omuyaga gwa munyanja ebhimungwa omwene?”

²⁸ Omwanya guyo Yesu aga ejire orubhara orundi rwa mucharocha magadala, bharume bhabhili bhanu bhaga bhengiriwe ne misambwambabhugana nawe. Bhaga mbasokerera mumakabhuri bhaga bharurire atario omunu unu aturaga kunjira hiyo. ²⁹ Ringira, mbaragirisha mbaika, “chinaki echokukora kwawe, omwana wa Nyamuanga? Wajaokuchinyasha omwanya gweswe guchari?” ³⁰ Rikundi nene rya jingurubhe ryaga ndirebha, sio kura nao bhaga bhari, ³¹ Emisabwa njimurembeja Yesu njaika ati, ukachisosha uchisige chingire mwiijo rya jingurubhe.

³² Yesu najibhwira, “mugende” Emisambwa njisoka njigenda mungurubhe. Rola, riijo ryone okusoka muchima ndyoromokera munjanya ndifwira mumanji. ³³ Abharefi mbabhirima mbagenda mumisi mbabhabhwira kira chinu kubharume bhabhee ne misambwa. ³⁴ Ringira, omusi gwone nguja okubhugana na Yesu bhejire bhamurora mbamusabhwa asoke musiyebhwe.