¹ Mwengeega mutakoreraga obhukwili imbere ya bhanu korereki bharore, kwokubha oubhona ribhando okusoka kurata unu ari murwire. ² Mbe awe ukagabhira abhataka usige kubhuma ing'ombwi nokwikuya omwene kama oworurimu kutyo abhakora au abhekumanyisha na munjira hili abhanu bhakukuye obhukweli enibhabhwira ati bhamarire omuyero. ³ Nawe awe, ukashosha okubhoko kwao kwokumosi kusige kumenya chinu echikorwa no kubhoko kwo bhuryo. ⁴ Okubha omuyero gwao gusosibhe mubhisire, ne somwana unu karoraga mumbisiro arikuyana omuyero.

⁵ Mukabha musabha, musige kubha rwa bhorurimi, kokubha abhene okusabha bhemereguyu mubhanu na kunjira ya makaka ili abhanu bhabharore. Nichimali enibhabhwira ati bhamarire okuyanwa omuyero gwebhwe. ⁶ Nawe ukabha nusabhwa angira esiko wao wigare orwigi niwe usabhwe esomwana unu ali mumbise na esomwana unu karoraga mumbisa arikuyana omuyero. ⁷ Nemwe mukabha musabha kusubhasubha gamo mang'ana rwa bhamucharo kutyo abhakora kwokubha abhetogerati abhongwa kwa mang'ana gebhwe amafu. ⁸ Mbe musige kususana nabho kwokubha esomwana amenyere chinu omwenda muchari na kumusabhwa. ⁹ Mbe musabhwega ati, Rata weswe unu uri murwire, risina ryao rikusibhwe. ¹⁴ Kwokubha mkeswarira abhanu ebhikayo bhyebhwe esomwana wa murwire kabheswarira emwe one. ¹⁵ Nawe mukarema okwiswarira abhanu ebhikayo bhyebhwe esomwana one atari bheswarira ebhikayo bhyemwe.

¹⁶ Mbe mukasiga okurya musige kususana na abhorurimi bhanu abhakunya obhusu na bhasumbasha obhusu kukorereki bharorwe ati bhatarya, ni chimari enibhabhwira ati bhamarire okuyanwa omuyero gwebhwe. ¹⁷ Nawe awe ukasiga okurya ibhambaga amafuta mumutwe wiyoshe mubhusu bhwao. ¹⁸ Kororeki abhanu bhasige kurora ati usigire kurya tari esomwana unu ari mumbise, na esomwana unu kakora mombise uyo kakuyana omuyero gwao.

¹⁹ Usige kwibhikira ebhine mucharo omo ebhinyamurwa na masiribhi na ikutu, na abhefi abhabomora na mbebha. ²⁰ Mubhike ebhinu murwire eyo bhitaakunyamurwa na masiribhi wara kutu itakutura kunyamura na bhefi bhatakutura kubomora nokwibha. ²¹ Kwokubha ebhinu bhyao ebhibha nio nomutima gwao kuribhagao.

²² Eriso niryo itara yomubhili, mbe eriso ryao rikabha likobhere, omubhili gwao gwije no bhweru. ²³ Nawe riso ryao rikabha ebovu, omubhili gwao ogubha ne chisute, mbe obhweru bhunu bhuri nawe bhukabha chisute, ni chisute chafu kutiki!

²⁴ Atario omunu unu katura okukorera bhakaruka bhabhili kwokubha amwi, arisoka umwi nenda oundi amwi nenda umwi narega oundi, mutakutura kukorera Nyamuanga na kukorera obhunibhi.

²⁵ Nikwo enibhabhwira muteganilishaga obhuwanga bhwemwe ati chiliryaki? Amwi chilinywaki? Amwi muteganilisha emibhili jemwe ati chilifwaraki? Obhuwanga bhutakira ebhiryo no mubhili gutakira ebhifwaro? ²⁶ Murore jinyonyi ja murutumba jitakubhibha amwi jitakugesa, jitakukumanya kutura muchitara ila esomwana wa mu-rwire kajilisha jene. Emwe ejo mtakujikira mno? ²⁷ Niga kwemwe unu katura okwiyongeshako jita jmwi cho hurera bhwae.

²⁸ Niki chinu echikora mwiganirisha ebhifwaro? Murore obhwaso bhwa mumasambu kutyo obhumera bhhutakukora milimu amwi kwifwafya. ²⁹ Mbe enibhabhwira ati, Sulemani kubhukama bhwaye bhwone atafwaye bhwejwbho obhwo. ³⁰ Kambe alabhe Nyamuanga kafwafya obhunyasi bhwa mumasambu bhunu ubhubhao lusuku rumwi na mtondo mbweswa mumuriro ni kwa kutiki atakubhafwafya emwe, nikwo kwiresha kutoto? ³¹ Musige kwiganilisha ati, echirya-ki? Echija okunywa-ki? Amwi echija kufwara-ki? ³² Kwokubha abhamucharo abharonda kama gayo na esomwana wa murwire amenyereti omwenda gayo gone. ³³ Mbe okwamba mlonde obhukama bhwae na ubhurengeresi bhwae na agandi umuyanwa. ³⁴ Oli nusige kwiganilisha kurwa mutondo, rwa mutondo uluwera orwene.