¹ Mbe Yesu naribhasibhwa no omutima mwibhara okusokibhwa na ibhilisi. ² Bhunu aga afungire jisnsiku makumi gana mumwisi na mungeta arumirwe omweko. ³ Omusaki naja namubhwirati, “Rabha uri mwana wa Nyamuwanga, ragirisha amabhui ganu gabhe mikate.” ⁴ Mbe Yesu namusubhya ati, “ikamirirwe, omunu atari tungwa mukitera mbe nkwing'ana linu erisoka mukanwa ka Mungu.” ⁵ Mbe nawe ibhilisi namusira mumusi gunu gutana bhikayo namutura muchinono cha inyumba ya rihekalu. ⁶ Namubhwira, “Rabhe uli mwana wa Mungu iyesa asi kwokubha yandikirwe, karagirira bhamalaika bhaye bhaje ubhagweko na abhakwimusha na amabhoko usige kwikujura okuguru kwao kwibhui.” ⁷ Yesu namubhwira orakabhili, “yandikirwe usige kusaka Mungu wao.”

⁸ Nawe nyakusheta namugega namusira muchinono namweresha obhukama bhwone bhwe charo no obhukuru bhwacho bhwione. ⁹ Namubhwira, “enikuyana ebhinu bhyone bhinu ukanyifukamila no kundamya.” ¹⁰ Nawe Yesu namubhwira, “genda jao Nyakusheta, kurwokubha yandikirwe, yikwimiye okuramya omukama Muangu wao, umukorere omwenera.” ¹¹ Namara nyakusheta namusiga, mbe rora bhamalaika bhejire bhakamukorera.

¹² Mbe Yesu ejire ongwa ati Yohana agwatirwe, emukire paka Galilaya. ¹³ Emukire Nazareti ajiye okwikara Kaperanaumu, inu ibheye kungego yo omwaro gwa Galilaya mubhutero bhwa ajimbo ga Jabhuloni na Naftari. ¹⁴ Inu yakorekere orengeresha chinu chaikirwe no omunabii Isaya, ¹⁷ Kusokerera kumwanya guyo ambire okurasha no okwaika, “mwisasame obhukama bhwa murwire.”

¹⁸ Bhunu aliga nalibhata kumurambo gwo omwaro gwa Galilaya arorere abhamura bhabhili, mbatega emitego mumwaro kwokubha bhaliga bhabheye bhategi bha jinswi. ¹⁹ Yesu nabhabhwira ati, “muje mundubhe, enibhakora bhategi bha bhanu.” ²⁰ Mbe rumwi ila mbasiga emitego jebhwe mbamurubha.

²¹ Yesu ejire alibhata kutoto, arorere bhamura bhabhili abhandi, Yakobo omumura Jebhedayo na Yohana omumura wabho, bhabheye mubhwato amwi ne esemwene mbashona emitego jebhwe, nabhabhilikila, ²² Rumwira mbasiga obhwato ne esemwene no okumurubha.

²³ Yesu aliga neyinda mu Galilaya yone, neyigishaga musinagogi gebhwe, narasha injiri yo obhukama, no okuosha amarwaye mubhanu. ²⁴ Amang'ana gakumukire Siria yone, na abhanu mbabhareta kumwene bhanu bhaliga bharwaye marwaye mafumafu no obhwashe bhanu bhaga bhafuye rubhara, Yesu nabhaosha. ²⁵ Obhwafu bhwa abhanu bhamurubhire okusoka Galilaya, na Dekapoli, na Yerusalemu no obhuyahudi no okusoka kumurambo gwa Yordani.