¹ Yesu ejire akamara okwaika emisango jone, abhwiriye abheigisibhwa bhaye, ² Omumenya ati jinsiku jibhili jinu jili imbere ilio isikukuru ya ipasaka no mwana wo munu kajokusosebhwa asurumbasibhwa.

³ Mwanya mutoto abhakuru bha makuhani na bhakaruka bha bhanu bhabhonene amwi mubhwikasi, bhakuhani omukuru unu abhilikirwaga Kayafa. ⁴ Bhone bhateeo inyaika (omugambilano) yo kumugwata Yesu shisiri nokumwita. ⁵ Kwokubha bhaikire jisige kukorwa mwanya gwa isikukuru jasiga kusokerela nyombo mubhanu.

⁶ Omwanya gunu Yesu ariga ali Bethania munju ya Simoni omugenge, ⁷ Aliga egoroye kumeza omugasi umwi ejire agegere omukubhe gwa alabasta inu yaliga ili na mafuta ga isamani nene, nagetira inguru yo mutwe gwaye. ⁸ Abheigisibhwa bhaye bhejire bhakarora ing'ana eyo, mbabhiirwa mbaika, 'shinuki sha ihasara inu? ⁹ Ganu gakagusibhwa kwa hera ndera no kuyabhwa abhataka.

¹⁰ Kwokubha Yesu amenyaga ogwo, nabhabhwira, kurwaki omumunyasha omugasi unu? Kwokubha akonja eshinu shekisi kwanye. ¹¹ Abhataka munabho mwanya gwone nawe anye mtakubha amwi nanye mwanya gwone. ¹² Kwokubha bhunu anyitirira amafuta ago kumubhili gwani, akolele kutyo kulubhana na masiko gani. ¹³ Enibhabhila obhukweri, wonewone anu omusango gunu ogutangasibwa musharo shone eshikorwa shinu akora omugasi unu eshibha nishaikwa no kwishukwa.

¹⁴ Oumwi wa bharya ekumi na bhabhili, unu abhilikirwa Yuda iskariote, ajie kubhakuru bha makuhani, ¹⁵ Nokwaika, “omunanaki nimsalite”? Mbamulungera Yuda bhubhutu makumi gasatu ebhyajiyera, ¹⁶ Okwmbira awo ayenjere omwanya gwo kumsariti.

¹⁷ Okwambila orusiku lwo kwamba lwo (mikate isiyotiwa shashu), abhatangasibha bhamurubhire Yesu nokumubhwira owenda aki (tukuandarie) ulye bhilyo bhya ipasaka?

¹⁸ Nabhabhwira, “mgende mjini kumunu omlebhe mumubhwire, omuigisha aika omwanya gwaye gwafogera, (nitaitimiza) pasaka amwi na bhatangasibhwa bhani munyumba yao.” ¹⁹ Abhatangasibhwa bhakorere kutyo Yesu abhabhwiliye na bhaandaye ebhiryo bhya pasaka.

²⁰ Yejire yakinga kegoro, eyanjire amwi na bhatangasibhwa bhaye ekumi na bhabhili. ²¹ Omwanya gunu bhalyaga ebhiryo abhabhwiriye eshimali ati alio oumwi kaja (okumusaliti).

²² Bhasurumbaye mno, bhuri munu ambire okumubhusha, “Eshimali tari anye omikama?

²³ Nabhasubhya unu alakosa amwi nanye murutubho niwe kajookunsaliti. ²⁴ Omwana wo munu kasubhayo, lwa kutyo jikamilwe, (ole wake) omunu unu kajookumusaliti omwana wo munu! Jakabheye ja kisi kumunu uyo watakamwibhuye.” ²⁵ Yuda unu akamsalitire naika, angu nanye rabi (omwiigisha)? Yesu namubhwira, “waika omusango ogwo awe omwene.

²⁶ Omwanya gunu bharyaga ebhiryo, Yesu omukate nagusabhirwa no kugubhutura, nabhayana abhatasibhwa bhaye, naika mgege mulye gunu mubhili gwani. ²⁷ Nagega eshikombe nasima, nabhayana nokwaika, munywe bhone mushikombe shinu. ²⁸ Kwokubha ganu ni manyinga gani aga mekirisyanyo ganu agetika kubhanu bhafu kwo obhabhwira bha mabhibhi. ²⁹ Oli enibhabhwira ntakusubhila kunywa (matunda go mzabibu) gunu, mpaka gukinge omwanya gurya nakanywe amwi nemwe kubhukama bhwa Rata wani.

³⁰ Wejire bhakamara okwimba orwimbo, bhasokereo nokuja murubhanga lwo (mizeituni), ³¹ Yesu namara nabhabhwira, “mungeta munu bhuli munu kajokwikujura okurubhana nanye, kwokubha jandikirwe, enijaokumubhuma omurefi no lwijo lwa jinama (wakatawanyika). ³² Newe nikasuruka enibhatangatira okuja Galilaya.”

³³ Nawe petro namubhwira nolo bhone bhakakulema okulubhana na ganu galakubhone, anye ntakukulema.

³⁴ Yesu namusubhya, enikubhwira eshimari, ingeta inu ing'okorome ishari kukokoroma, oundema mara kasatu.

³⁵ Petro namubhwira noro jikendwa kufwa nawe, ntakukulema, abhatangasibhwa bhone mbaika kutyo kutyo.

³⁶ Mwanya mutoto Yesu nagenda nabho enu kabhilikirwa Gethisemane naabhabhwiriye abheyigisibwa bhaye, “mwikare anu anye nije erya nokusabha.” ³⁷ Nagega petero na abhana bhabhili bha zebedayo nasurumbara, ³⁸ Nabhabhwira, “omutima gwani gusurumbaye muno, obhwiya kufwa, musigare anu mwishe amwinaye. ³⁹ Nafugerao yimbere kutoto, nagwa bhwifumbike, nokusabha, naika, “Rata rabha bhurio obhuturo, echikombe chinu chisige okunkingako. Yasige kubha kutyo enenda anye, kora kutyo owenda awe omwene.” ⁴⁰ Naja kubhanafunzi nabhabhona bhaongeye ntiro, nabhwira petero, “nikwaki mtakutura okwisha amwi nanye hata esaa limwi? ⁴¹ Mwishe msabhe mwasiga kwingira mmaregejo, omutima ogwenda, omubhili gutana managa.”

⁴² Nasubha okusabha lwa kabhili, nayika Rata wani ling'ana linu lyakabha litakuturikana kusokako na nibhusibhusi ninywere echikombe chinu, okwenda kwao kukumire.

⁴³ Abhasubhileko nabhona bhaongeye ntiro, kwokubha ameso gebhwe gaga gasitoyere. ⁴⁴ Nabhasiga tena naja gaye, nasubha orwakasatu nayika amang'ana garya garya. ⁴⁵ Yesu nagenda kubhanafunzi bhaye nab habhwira, “mchaongeye no kukumya? Mrore omwanya oguja omwana wa Adamu kaja okweswa mmabhoko ga abhakayi. ⁴⁶ Mwimuke, chigende. Rora, urya kanilila imiku aliyeyi.”

⁴⁷ Omwanya gunu aga achaika, Yuda oumwi wa abharya ekumi na bhabhili nagobha oruigo rwa bhanu mbakinga amwi na yuda bhasokereye kubhatangasha na abhakaruka bhabhanu bhejire na mapanga najindugujo. ⁴⁸ Omunu unu aga aramuye okwita yesu aga abhayaye echibharikisho, nayika, “unu niramurume kwitama, uyo niwe mumugwate.” ⁴⁹ Ao naja ku Yesu nokwayika, “yikeshe mwalimu” namuruma kwitama.

⁵⁰ Yesu namubhwira, musani, kora linu rya kuleta.” Nuwo mbaja mbamwimusisha amabhoko Yesu, no kumugwata. ⁵¹ Rola oumwi wa bharya bhaga bhari amwi na Yesu emusishe okubhoko kwaye nasorotora lipanga ryaye omugaya wo mutangasha, namutema okutwi kwaye. ⁵² Nuwo Yesu namubhwira, subhya lipanga ryao ao walisosha, kwokubha bhone bhanu abhetira amapanga, abhetirwa amapanga gayo gayo. ⁵³ Omtoga ati nitakurura kubhilikira Rata, nantumila amayijo ga bhasirikare kukisha amayijo ekumi na gabhili ga bhamalaika? ⁵⁴ Wori nikutiki orwandiko rukumire nikwoutyo ejenda jibhe.

⁵⁵ Omwanya guyo Yesu nabheira obhwafu bhwa abhanu, “wori mwaja na amapanga na amaruguyo okungwata kamuna mwifi? Siku jone naganikara mkerejia niniyigisha, na mtangwatire! ⁵⁶ Nawe gone ganu gakoreka okukora orwandiko lwo bhuragi bhukumire.” Nuwo abhanafunzi bhaye mbabhilima nibhamusiga.

⁵⁷ Bharya bhagwatire Yesu nibhamusira kukayafa, Omutangasha o mukuru, anu abhandiki na abhakaruka bhaga bhekumanyishe amwi. ⁵⁸ Nawe Petero namurubhilisha kulakula kwa yinyuma nakinga mubhukumbi mwisangisho rya omutangasya omukuru, engiye munda nekara amwi na abharisi arore chinu chikorekere.

⁵⁹ Nuwo abhakuru bha abhatangasha bha yidini na ribharaja ryone bhaga mbagara obhushahidi bhwo rulimi yinguru ya Yesu, bhabhone okumwita. ⁶⁰ Nakutyo bhabhonekere abhashahidi bhafu, nawe bhatanyorere ng'ana yone yone, bhamalire mbebhonesha bhashahidi bhabhili yimbele, ⁶¹ Nibhayika, “omunu unu ayikire, “enitura okugwisha yinyumba ya risangisho rya Nyamuanga no kuryumbaka bhuya kwa nsiku esatu.”

⁶² Omutangasha omukuru emereguyu namubhusha, “wutakutura kusubhwa? Bhanu abheganilishaki kwawe?” ⁶³ Yesu ajibhiye jibhi, omutangasha omukuru namubhwira, “Rwkutyo Nyamuanga ali, chibhwire rabha nawe kristo, omwana wa Nyamuanga.”

⁶⁴ Yesu namusubhya, awe omwene wayika ying'ana yiyo. Nawe enikubhwira ati, okusoka worianu nokugenderera ouja okurora omwana wo Adamu ekaye mkubhoko kwo bhuryo kwa amanaga, naaja mumere ga murire.”

⁶⁵ Nuwo omutangasha omukuru namura jingubho jaye nayika ati, “Afuma Nyamuanga! Chichenda bhushahidi bhwaki? Ringira, mwonguwe nafuma Nyamuanga. ⁶⁶ Omwiganirishaki? Nibhamusubhya mbayika, “eyire okufwa.” ⁶⁷ Nuwo mbamufubhurira amajwata mubhusu nokumubhuma jingumi, nokumubhuma amakofi na amabhoko gebhwe, ⁶⁸ Mbayika ati, “chitabiriye, awe kristo. Niga akubhuma?”

⁶⁹ Omwanya guyo petero aliga ekaye anja mubhukumbi, (mtumishi) omgayo umwi wechigasi amgendereko nayika, “awe one uriamwi na Yesu wa Galilaya.”

⁷⁰ Nawe abhambarire yimbere yebhwe bhone, nayika nitakumenya chiyo owayika.

⁷¹ Ejire auruka anja ya rilango omuyara oundi amurorere nabhwira bhanu aga alinabho ao, “Omunu unu wone aga aliamwi na Yesu wa Nazaleti.”

⁷² Asubhire okubhambhara narayira, “Anye nitakumumenya omunu unu.”

⁷³ Mwanya mufuyi, bharya bhaga bhemereguyu yeyi, bhagendere okuroma na petero, “Awe uri umwi webhwe, kwokubha yinyayika yao eyeresha.”

⁷⁴ Awo niwo okwiyima nokuraira, “Anye nitakumumenya omunu unu” Omwanya guyo niwo rikokorome ndikokoroma.

⁷⁵ Petero echukile ganu abhwiriwe na Yesu, “likokorome richari kukokoroma ounyigana kasatu.”