¹ Nikwo obhukama bhwa murwire obhuja osusana na wanawili ekumi bhanu bhagegere jitara jebhwe mbagenda okuramira omutwasi. ² Abhatanu bhebhwe bhariga bhamumu nawe abhatanu abhandi bhariga bhengeso. ³ Wanawali abhamumu bhejire bhagega jitara jebhwe, bhatagegere na amafura gonegone. ⁴ Pawo wanawali abhererwa bhagegere ebhini bhya amwi na jitara jebhwe. ⁵ Ejire omutwasi akora okukinga, bhone mbagwatwa jitiro mbaongera.

⁶ Nawe omwanya gwa mungeta ya mubhwire ngubhao omwano, mulore omutwasi musubhe enu mumulamile. ⁷ Oli wanamwali mbemuka bhone no kwasya jitara jebhwe.

⁸ Bharya abhamumu bhabhabhwiriye abhengeso muchiyaneko ebhifuta kwo kubha jitara jeswe ejenda okusima. ⁹ Abhengeso mbabhasubhya no kubhabhwira, ganu gatakuchiya eswe nemwe, kutyo mugende enu abhagusha mjokugura bhinu ebhibheya emwe. ¹⁰ Omwanya gunu bhejie eyo okugura, omutwasi nakinga, bhanu bhariga bheandaye bhone mbagenda nage mubhwenga, no muryango ngugwigarwa.

¹¹ Mwanya mutoto wanamwali abhandi bharya mbakinga no kwaika, Omukama, omukama chigurire. ¹² Nabhasubhya naika, “echimali enibhabhwira, anye ntakubhamenya.”

¹³ Oli mwangarire kwokubha mutakumenya rusuku norwo mwanya.

¹⁴ Kwokubha ejisusana no munu unu endaga okuja orugendo, musharo echindi abhilikiye abhakosi bhaye no kubhayana obhunibhi bhwaye. ¹⁵ Oumwi amuyaye taranta etanu, oundi ebhili, nawe urya oundi amuyaye taranta imwi. Bhuli munualamie eshinu okugendana no bhuturi bhwaye, omunu urya naja rugendo lwaye. ¹⁶ Unu alamiye taranta etanu najojikopesha, njibhura ejindi etanu. ¹⁷ Noundi urya alamie taranta ebhili, nebhusha ejindi ebhili. ¹⁸ Nawe emkosi unu alamie talanta imwi, agendere jaye, nasimba lisimo asi, no kubhisa iyela yo mkama waye.

¹⁹ Gwejire gwatura omwanya murera omukama wa bhakosi abho asubhire no okukonja amasabhu nabho. ²⁰ Omukosi urya aramie taranta etanu asubhire no kureta jitaranta ejindi etanu, naika omukama wanae taranta etanu, hila nibhusisye ejindi etanu.

²¹ QOmukama waye namubhwira hongera omukosi wekisi na mwaminifu, wabha mwaminifu kubhinu bhitoto enijokuyana obhutangasha inguru ye bhinu bhyafu ingira kubhukonderwa bhwa mukama wao.

²² Omukosi unu unu alamie taranta ebhili ejire nokwaika Omukama wanaye taranta ebhili, nib husishe ejindi ebhili.

²³ Omukama waye namubhwira ukorere ja kisi mkosi wa kisi na mwaminifu, ubheye mwaminifu kubhinu ebhitoto, enija okuyana obhutangasha inguru ye bhinu bhyafu, ingira mubhukondya bhwo omukama wao.

²⁴ Mwanya mutoto omukosi unu alamie taranta imwi ejire no kwaika, 'Omukama, enimenya awe ni munu mururu ounoga anu utayabhire no ounoga anu utanyarambuye bhuro. ²⁵ Anye nobhaire ningenda jani nokubhisa itaranta yao mumayaru rora ninayo anu eyao.

²⁶ Omukama waye namusubhya no kwaika, awe omukosi omubhibhi mo omulenga waliga umenyere kutyo anye eninoga anu ntayembire, na anu ntanyarambuye. ²⁷ Kutyo jendwaga ugane abhanu bha benki jiyera jani, nomwanya gunu nakasubhire nakairamiye iyera yani na amwi no bhwibhusya bhayo. ²⁸ Oli mumutesye itaranta eyo mumuyane unu ali na jitaranta ekumi. ²⁹ Bhuli munu unu anasho kajokwongesibhwa bhyafu kwo kusigirisibhwa, na wone wone unu atana shinu noro shinu anasho katesibhwa. ³⁰ Mumwese anja mshisuteomukosi unu ateyire, munu kuli okurira nookusha aneno.

³¹ Omwanya gunu omwana wo munu ailja kubhweru bhwaye, ali nabha maraika bhone niwo kaja okwiyanja kuchitebhe shaye sho bhweru. ³² Ebhyero bhyone ebhija okwikumanya imbere yaye, kaja okubhatanya abhanu rwa kutyo omurefi katanya jinama na jimbusi. ³³ Kajokutura jinama mukubhoko kwo kubhumosi.

³⁴ Akamara omukama nabhabhwira bhanu bhari mkubhoko kwaye okwobhuryo, mujenu bhanu muyaywe libhando na rata wani urithini obhukama bhunu bhabhateleyeo okwambila kala omwanya gunu echaro chabhumbirwa. ³⁵ Kwo kubha naliga nemwe munana ebhiryo, nariga nili mgenye mkaribisha. ³⁶ Naliga ndi chamutyenyi mufifiya jingubho, naliga murwaye mbhika naliga mubhubhoywa mundubha.

³⁷ Nuo abheru bho mwoyo abhamusabhya no kumusabhira omukama nduya runu shakulolere unomweko shikulisha? Amwi una obhurilo shikuyana amanji? ³⁸ Nduya runu shakurorere uli mugenye shikukaribisha? Amwi uli tuyu shikufyafya jingubho? ³⁹ Nuya runu shakurorere uli murwaye, amwi mubhubhoywa nshikurubha?

⁴⁰ Omukama akaja okubhasubhya no okubhabhwira echimali enibhabhwira shinu mwakorere anu kumuhiti wani oumwi kuwatoto bhanu, bhanu mwakolee anye.

⁴¹ Kaja okubhabhwira bhanu bhali mkubhoko kwaye kwo bhumosi, musoke kwanye bhanu mwiimirwe muje mumuriro gwa akajanende kwa ajili ya nyakusheta na maraika bhaye ⁴² Kwokubha naliga no mweko mtanaye ebhiryo, naliga no bhulilo mtanaye manji ga kunywa, ⁴³ Naliga mgenyi mtakaribhisishe, naliga tuyu mtanaye ngubho, naliga mlwaye na mbhoywa, mtambikire.

⁴⁴ Abhene ona abhaja okumusubhya, no kwaika rata, ndusukuki shakurorere unomweko, au uno ubhulilo, au ulimugenyi, au ulituyu au murwaye au ubhoyerwe na shitakusakiye?

⁴⁵ Omwana kabhasubhya no kubhabhwira, shinu mtakarorere kubhatoto bhanu mtakolee anye.

⁴⁶ Bhanu abhaja mubhusurumbaye bhwa kajanende nawe bhanu abheru abhaja mubhuwanga bhwa kajanende.