¹ YESU ahurukire mwihekaru nagenda gaye. Abhanafunzi bhaye bhagenda bhamweresha jinyumba ja Rihekaru. ² Ambe nasubhya nokuroma je, mutakugarora hamang'ana ganu gone? Litrio ribhuhi linu erisigara rimereguyu kwibhuyi lejabho bhila kunyaraganjwa.

³ Na hanu hehaye kuchima cha mizeituni, abhanafunzi bhaye bhamurubha kwa kwihibhisa bhaika, chibhire hamang'ana ganu nasuka rusukuki? Chinuki echeresha okuja kwao no obhutero bhwe charo.

⁴ Yesu nabhasubhya naika, “mubhe bhengeso asige kuja munu nabhajimya. ⁵ Kokubha abhafu abhaja kwa sina ryani, mbaika nanye kiristo, na abhajimya bhafu. ⁶ Omugwa liremo no okututuma ja lilemo mwangarire mwasiga kubha moyo muyaya ikubhi. Hamang'ana gayo ni bhusi bhusi gabhonekane hamwi na gayo obhurero bhwe charo bhuchari okukinga. ⁷ Kukubha echaro echimuka okurwanya echaro echindi, obhukama na obhukama obhundi. Ogabhao omweko na linyamtikimo rya hisi kubhaga jone jone. ⁸ Ambe amang'ana ganu gone ni kubhambilo bhwa obhusungu bhwa okwibhura.

⁹ Hao ndioabhabheumisha, bhabhabhuma na kubheta. Abhabharema echaro chone inguru yarisina ryani. ¹⁰ Hao abhafu bhatakwendana habhene kwa habhene na kwikugura. ¹¹ Habharagi bhafu habhabhehi habhaja na habhajimya habhafu. ¹² Kokubha obhubhibhi bhwafu obhubha bhwafu na eryanda elikeya. ¹³ Amwi na guyo, hunu kusimbili mpaka kubhutero niwe kaona. ¹⁴ Hamang'ana ga Omukama hagahikwa mpaka kumwhisho ku hyaro bhyone na hao niwe omwisho ogutera.

¹⁵ Kugano mukarora obhunyamuke, obhubhibhi bhunu bhwaikirwe nomuragi Daniel bhukemereguru hanu patakatifu (usome na umenye). ¹⁶ Bhanu bhari Yudea bhabhilimire muchima. ¹⁷ Na hurya hari kurusara rwa inyumba asige okwika asige kugega chinu chonechone kusoka munyumba yaye. ¹⁸ Na hunu hari mwishamba ryaye asige kusubha kugega mienda jaye. ¹⁹ Ambe bharya bhone bhana inda na bharya habhanenrya kusiku jiyojakurugusha. ²⁰ Musabhe okubhilima kwemwe kwasiga kubha mwanya gwa imbeo amwi rusuku rwa sabato. ²¹ Kokubhaehibha injao ikuru inu ichari kubhao okusoka kubhambilo, bho tungwa echaro mpaka okukisa oryanu na itakubhonekane hadi kote. ²² Jisiku jiyo bhatakajikorere kubhafuhi, hatakabheyeo hunu akaonere, kubha ya bhanu bhanu bha Nyamuhanga, bhanu anye jisiku jiyo bhajikora kubha fuhi.

²³ Omunu hone hone akabhabhwira murore hati kiristo hari hinu, na hari hanu au kiristo hari herya msige okwikirisha hamang'ana gayo. ²⁴ Kokubha makiristo bha holubhehi na abharagi bha horubhehi, habhaja bheresha hamasango go kurugusha (ishara jo kurugusha) mbenda bhabhajimye abhanu hta habhanu bhanu Nyamuhanga habhatengere (kubhaura). ²⁵ Mulore nabhangarisha hamang'ana gayo gachali kuja. ²⁶ Bhara bhabhwira kiristo ali mwijangwa musige okugenda mwijangwa au chingire munda ya inyumba, musige okuramya hamang'ana gayo (okwikilisha). ²⁷ Kama kutyo orurabhyo ururasi okusoka mashariki ebhurula esubha na magharibhi - ebhugwa esubha, kutyo okubha okuja ko Mwana wa Adamu. ²⁸ Anu hili ityanyi hinu ifuye hao nio itahi eibha.

²⁹ Ambe isiku ya inyako hiyo lisubha lilibha chisute, okwesi kutokwaka, jinyota ejigwa okusoka inguru kurwire na amanaga ga murwire agasingisa. ³⁰ Aho ishara ya Omwana wa Adamu ebhoneka iguru murwire na jimbaga jone je charo, habhalira echiliro chokurugusha, na abhamrora omwana wa Adamu naja murwire na mere naja na managa na ubhukuru bhwaye. ³¹ Kabhatuma malaika bhaye kubhuku obhukuru bhwa itarumbeta na habhateule bhaye abhekumanya mbala jone jecharo, okusoka omwisho gumwi gwa orwire rumwi hadi orwire orundi.

³² Mwiigire lisoma okusoka kwili ryo mutini. Risagi ryakamba okufuka amasho omumenya ati orwanda ruri yeyi. ³³ Hata kutyo mwakarora amang'ana gayo gone, omwenda mumenyeati ari yeri yeri kurwigi. ³⁴ Enibhabhwira echimali orwibhuro runu rutakutura amang'ana ganu gone gabhe gabhonekene ³⁵ Orwire necharo ebhitura nawe emisango jani jitakutura.

³⁶ Kurusiku rurya no mwanya gurya atario unu kagumenya, noro maraika bha murwire, noro mwana, rata omwene niwe kamenya. ³⁷ Rwa kutyo jabhee musiku ja Nuhu, kwo kutyo ejibha opkuja kwo Mwana wa Adamu. ³⁸ Kwo kubha jisiku ijo jichali kusokera itambala abhanu bhariga mbalya no kunywa, mbagabhura no kugabhurwa, mpaka orusuku runu Nuhu engiye musajiro. ³⁹ Bhatamenyere shinu shona shona makanu itambara yejire no kubhasobha bhone, kwa kutyo ejijaokubha orwijiro rwo Mwana wo Munu. ⁴⁰ Kutyo bhanu bhabhili bhabhabhali mwi sambu - oumwi kagegwa, oumwi nasigwa inyuma. ⁴¹ Bhagasi bhabhili abhabhambasha amwi oumwi kagegwa no oumwi kasigara, ⁴² Oli kutyo mubhe tayari kwo kubha mutakumenya orusiku runu kaja omukama wemwe. ⁴³ Ambe mumenya ati, labha kanyamsi akamenyere omwanya gunu omwifi kejiramo atakaongee bwire kusha atakekirishe omusi gwaye okwingirirwa. ⁴⁴ Oli one omwendwa okubha tayari kwo kubha omwana wo munu kaja jisaa jinu mtamenyere.

⁴⁵ Oli niga mwaminifu, omukosi wo bhwenge, unu OMukama waye amuyaye obhutangasha inguru ya bhanu bhali munyumba yaye, abhayane ebhilyo kumwanya gunu ogwendwa? ⁴⁶ Analibhando omukosi huyo unu omukama waye akamusanga nakora kutyo omwanya gunu akaje. ⁴⁷ Enibhabhwira echimari, omukama waye kamtura inguru ya bhuri shini kubhinu bhyaye bhyona. ⁴⁸ Arabhe omunu omubhibhi akaika mumwoyo gwaye, 'omukama wani akora', ⁴⁹ Namba okubhuma abhakosi bhaye, narya no kutamira, ⁵⁰ Omukama wo mukosi uyo akeshurwa naja kurusuku runu rutakumenyekana no mwanya gunu atakumenya, ⁵¹ Omukama waye kamutematema no kumutura kumwanya gumwi nawanafiki anu ejijao okubha eshililo no kusya ameno.