¹ Yasokee omwanya gunu Yesu amarire amang'ana gayo, nasoka Galilaya, nagenda mubhutero bhwa Yudea imbere yo ruji Yordani. ² Lifuta linene ndimulubha, nabhaosha eyoo.

³ Amafarisayo ngaja ngamusakako, mbamubhwira, angu nibhwakisi omunu okusiga omugasi waye atari na chikayo chone chone?”

⁴ Yesu nabhasubhya naika, mutasomere, ati omwene amogere abhokwamba namoga omurume nomugasi? ⁵ Na nasubhila okwaika kwa gisababu giyo, omwana we chirume arisiga esemwene waye na nyira mwene waye nagwatana na mugasi waye, bhone bhabhili mbabha mubhili gumwi?' ⁶ Kutyo bhatakubha bhabhili kweki, oli gwabha mubhili gumwi nkibha kirya Nyamuwanga agwatanyishe munu wone wone asiga kuchaura.”

⁷ Bhamubhwiriye, oli nikubhaki Musa nachibhwira kisoshe ihati ya itaraka namusiga?”

⁸ Abhabhwiriye kwobhukomee bhwemwe bhwo mutima, Musa nabhayana obhuhuru bhwo kusiga abhagasi bhebhwe, nawe kambira kubhwambiro yariga tari kutyo. ⁹ Nabhabhwira ati, wone wone unu alisiga omugasi waye tari jibheo jisabhabhu jobhutereganu, natwara oundi kabha nazini no murume unu alitwara omugasi unu asigirwe kazini.”

¹⁰ Abheigisibhwa bhaye mbamubhwira Yesu labha nkutyo yaliga ibheye omurume nomugasi waye bhutari bhwakisi okurwara.”

¹¹ Nawe Yesu nabhabhwira, “atari ati bhuli munu katura okuramila ameigisho ganu tali ni bharya bharyera bhanu bhekilisibhwe okuramila. ¹² Kwokubha bhalio amatowashi bhanu bhabhuywe kusoka munda ya nyira mwene na kutyo kutyo bhario amatoashi bhanu bhakorerwe na abhanu na bhalio abhatowashi bhanu bhekorere matowashi kwobhukama bhwa murwire unu katura okuramila ameigisho ganu na agaramire.”

¹³ Mbamara mbamuretera abhana abhandi abhatoto abhatureko amabhoko inguru webhwe nasabhwa, nawe abheigisibhwa bhaye bhabhakemeye. ¹⁴ Kwokubha Yesu aikire mubhatatire abhana abhatoto, mwasiga kubhaganya kuja kwanye, kwokubha ubhukama bhwa murwire bhwa bhanu kutyo abhene. ¹⁵ Wone atee amabhoko gae inguru yebhwe, namara nasoka arya.

¹⁶ Rora munu umwi naja ku Yesu nokwaika, “mwalimu, nikinuki cha kisi kinu ichendwa nikore nio nibhone okubha no obhuoru bhwa kajanende?”

¹⁷ Yesu namubhwira, kubhaki wambusha nikinuki chajoma? Ario umwi wei owekisi, nawe rabhe owenda kubhona obhuoru, gwata jisheria ja Nyamuwanga.”

¹⁸ Omunu urya namubhusha, “nisheriaki?” Yesu naika, “usige kwita, wasiga (kuzini), usige kwibha, usige kwaika rulimi, ¹⁹ Iswara rata wao namai wao, wendene na bhakashanya bhao rwakutyo wiyendere awe omwene.”

²⁰ Omunu urya nabhabhwira, “amang'ana gone gayo nagekilisha. Orinichendaki?

²¹ Yesu nabhabhwira, rabhe owenda ubhe muswerene, genda ugushe bhinu unabhyo, na uyane abhataka na uribha nobhwekisi murwire. Ukamara uje undubhe.” ²² Nawe omumura urya ejire ongwa ganu Yesu amubhwiriye, asokereo kwokusononeka kwokubha aliga anibhire bhinu bhyafu.

²³ Yesu nabhwira abheigisibhwa bhaye, “embabhwaira obhuhaki, nibhikomeye omunu unu anibhire okwingira mubhukama bhwa murwire. ²⁴ Kweki nabhabhwira nibhwangu muno ingamia okutura muryobho ryo insinga, kuliko omunu omubhibhi okwingira mubhukama bhwa Nyamuwanga.”

²⁵ Abheigisibhwa bhejire bhongwa kutyo, bharugurire muno na mbaika, ni uya uyo aligomboka?”

²⁶ Yesu abharingiye naika, “kumwana wa Adamu riyo ritakuturikana nawe ku Nyamuwanga agaturikana.

²⁷ Mara Petro namusubhya, namubhwira, “rora chasiga bhyone nchikurubha awe, nikinuki chinu kiribhona?”

²⁸ Yesu nabhabhwira, “obhuaki enibhabhwira, omwene andubhire anye, mubhwibhusi obhuyaya omwanya guyo omwana wa Adamu alikara kukitembe chae cha kara chobhukama bhwaye, emwe wone murikara inguru ya bhitebhe ekumi na bhibhili ebhyakara, kuramura amakabhira ekumi na gabhili ga israeli. ²⁹ Bhuri umwi wemwe unu asigire inyumba, mura wabho, muyara wabho, esemwene, nyira mwene, abhana, au mugunda, kwa risina ryani, ariramila (mara) egana nokugabha obhuoru bhwa kajanende.

³⁰ Nawe abhafu bhanu bhabheye bhokwamba ori abhabha bhainyuma na bhainyuma abhabha bha kwamba.