¹ Omwanya ogwo ogwo abhaigisibhwa bhaye mbaja ku Yesu, mbamubhusha, nigaabheye omukuru kubhukama bhwamurwire?

² Yesu nabhabhwira omwana mutoto namutura agatiagati nabhene. ³ Nabhabhwira, “obhuaki mkarema okwisasama mubhe rwa abhana abhatoto mutakuja kwingira mubhukama bhwa Nyamuanga. ⁴ Kutyo wowone urya rwo omwana mutoto omunu rwa uyo ni mukuru mubhukama bhwa murwire. ⁵ Na wonewone urya ariramira omwana mutoto kwa sina ryani andamie anye.

⁶ Nawe wowone urya kakora oumwi wabhatoto bhayo narema okunyungwa kenu ariga na nyungwa, eibha bhwa kisi, kwo munu uyo abhoyerwe isho inene yo kushira mubhicha bhyae mbamutubhisha mubhusibha kumwaro. ⁷ Ole kwe charo okwokubhao omwanya gwa kukwazwa! Kwokubha hitana budi kwe mwenya juyo okuja, Mbe ole ku munu urya emyanya jiyo ejija ku mwene! ⁸ Rabha okubhoko kwao aukuguru kwao niko kwa kora nuwikujura, kutemeko ukwese kura nawe ni bhwa kisi muno kwawe kwingira mubhuoru utari na kubhoko au uno bhurema, kuriko okweswa mumuriro gwakajanende, unamabhoko gone namagurugone. ⁹ Rabha eliso ryao ryakujimya. Uriyemo uryese kura nawe ni bhwakisi muno kwawe wingire mubhuoru unariso rimwi, kuliko okweswa mumuriro gwa kajanende, unamesogone.

¹⁰ Murore okwamba mwasiga kurega oumwi wendeko kubhatoto mbhanu Kwaimaana iyo nibhabhwireko. Bhurimu muryireanamalaika waye siku jone bha kuringira obhusu bhwa Ratawani unu arimuryire. ¹¹ “Kwokubha omwana wa Adamu ejire okuturya bhirya bhyaga bhyabhurile. ¹² Omwiganirishaki? Rabha omunu anamang'ondi Egana rimwi. Rimwi rikabhura katurakusiga mang'ondi (tisini natisa) Nagasiga mkima najo okwagara Erimwi rinuribhirimire. ¹³ Na akaribhona, ombhuaki Embamubhwira Ati mujomere Rwa kusiga bharya (tisini na tisa) bhanu bhata bhurire. ¹⁴ Kutyo kutyo, bhwariga bhutari bhwendwa bhwe somwana wemwe unu abheye murwire kubha umwi wa bhatoto bharya.

¹⁵ Eutashe rabha omuiri wao akubhiisha mugende, mwereshe obhubhibhi bhunu bhurio kati yanye no mwene ambheye omwene mwene. Rambha akakwitegeresha oumbha oumusubhisha omuiri wao. ¹⁶ Nawe akarema okukwitegeresha mugege omuiri waye umwi au bhabhili jaidi mubhe amwi nawe. Kwokumbha eminwa ja bhasaidi bha bhili au bhasatu bhuring'ana, Eiwejekana okwikirisibhwa. ¹⁷ Na rabhe akarema okubhutegeresha mubhwire likanisa ring'ana riyo, rabhe akaguma aremere bhurya okulitegeresha likanisa, mumusige abhe rwo munu wa mataifa nomutoja bhusuru. ¹⁸ Obhuaki nibhabhwire, chone chone chirya muribhoya mucharo na murwire one chilibhoywa. Na chone chone mulisurumura mucharo na murwire one chili surumurwa. ¹⁹ Kweki enibhabhwira ati, rabha bhanu bhabhili mubhubhili bhwemwe bhakekirishanya inguru wa ring'ana ryone ryone rirya mucharo linu abhasabha liyo Rata wani wa murwire karikora. ²⁰ Kwokubha bhanu bhabhili au bhasatu bhakekumanya amwi kwa lisina ryani anye ndi agati webhwe.

²¹ Kweki Petro ejire okubhwira Yesu, mukama ni karinga omuhiri wani ankaire anye nimubhwira? Kwiya katanu na bhibhili?

²² Yesu namubhwira, “Nitakukubhwira kwiya katanu na bhibhili, nawe noro (sabini) kwiya katanu na bhibhili. ²³ Kwo bhwaiki bhuyo obhukama bhwa murwire obhulungana no mukama undi unu endere kusubhilisha lisabhu okusoka kubhatumwa bhaye. ²⁴ Kutyo ambirera okusubhilila amasabhu omutumwa umwi mbamusira kumwene unu aliga namutonga sarafu bhiumbi ikumi. ²⁵ Kwokubha aliga atari nabhuturo bhwo kutobha kumukama waye, nabhabhwira bhagushe mukaye na bhana bhaye, na bhuli chinu chaye chinu aliga anacho nobhulipi bhukorwe awoawo. ²⁶ Kutyo omutumwa nagwa, nefukama imbere yaye naika, Mukama, nubhe ne chigongo ubhe amwi na anye enija okukuliya bhuli chinu. ²⁷ Kutyo omukama wo mutumwa urya kwokubha asukumirwe muno ne chigongo, namutatira namufwira chigongo lideni liyo. ²⁸ Nawe omutumwa urya asokererao nabhona omutumwa umwi unu aliga abheye nabhejabho unu aliga namutonga dinari egana. Namukurura, namunyiga mukimiro namubhwira nundye kinu nkutonga.

²⁹ Nawe omutumwa wejabho urya aguye namwiomba muno, naika, 'nubhe nobhusimbiru nanye, enija okukurya.' ³⁰ Nawe omutumwa wokwamba urya aremere. Eirera namusira mwigereja, mpaka hao akamurye chinu kamutonga. ³¹ Abhatumwa bhejire bharora chinu chakorekere kubhejabho bharugurire muno. Bhejire mbabhwira omukama webhwe bhuli kinu kinu chakorekere.

³² Niwo Omukama wo mutumwa namubhilikira namubhwira, awe omutumwa omukayi, nakwabhiye awe libhanja ryani linu naliga nikutonga kwokubha wandembejishe muno. ³³ Waliga utakwenderwa ubhe na chigongo kumutumwa wejanyu, rwa kutyo anye nakorere echigongo kwawe? ³⁴ Omukama waye abhihiwe namukabhiji kubharya abhanyasya mpaka hao aririya kilengo chone chinu aliga natongwa. ³⁵ Kutyo nikwo rata wani wa murwire alibvhakorera rabhe bhuli umwi wemwe akarema okwabbila omuhiri waye okusoka mumutima gwae.”