¹ Siku etanu na rumwi njitura Yesu nabhagega bhone amwi na Petro, na Yakobo, na Yohana wa muwabho, nabhagega nabhasira mukima ekirera inguru nabhasigayo abhene. ² Mbamugeuja imbere yebhwe osu bhwaye mbung'ara rwa risubha najingubho jaye jone njing'ara njibha no bhweru. ³ Ringira arya asokeree Musa na Eliya mbaroma nawe. ⁴ Petro nasubhya nabhwira Yesu, “Mkama, nikisi kweswe okubhanuanu, ukenda wanu anumbakao bhiuna bhisatu, ekimwi echao echindi kibhe cha Musa, echindi echakasatu chibhe cha Eliya.”

⁵ Omwanya guyo ouroma, ringira amere ameru ngabhatura mumbeo, na ringira mbusoka obhuraka mumere murya, mbwaikati, “Unu ni mwana wani omwendwa unu nendene nawe. Mumutegereshe omwene.” ⁶ Abheigisibhwa bhejire okungwa kutyo bhaguye bhwifumbike mbobhaya muno.

⁷ Mara Yesu naja nabhakuniako nabhabhwira, “mwimuke musige kubhaya.” ⁸ Nabhene bhemusishe obhusu bhwebhwe inguru bhatarorere munu mbarora Yesu abheye omwene.

⁹ Anu bhoromokaga kusoka mkima, Yesu nabhatuma naikati, “mwasiga kwaika ganu mwarora, mpaka ao omwana wa Adamu arisuruka kusoka mubhafuye.”

¹⁰ Abheigisibhwa bhayembamubhusha, mbaika, “Kubhaki abhandiki abhaikati Eliya niwe aritangata okuja?

¹¹ Yesu nabhasubhya naika, “Eliya arija nasubhya amang'ana gone. ¹² Nawe enibhabhwira emwe, Eliya arejire, nawe bhatamumenyere, mbamara mbamukorera amang'ana ganu bhendere abhene. Na kutyo niko bharinyasha omwana wa Adamu mumabhoko gebhwe.” ¹³ Ao nio abheigisibhwa bhaye bhamenyere ati ariga naroma amang'ana ga Yohana omubhatiji.

¹⁴ Anu bhakingire mwisangi rya bhanu oumwi webhwe amurubhire nafukama imbele waye namubhwira, ¹⁵ “Mukama numwabhire omwana wani, kwokubha arwaye echitwe na kanyaka muno. Kwokubha omwanya omwafu, kagwa mumuriro na mumanji. ¹⁶ Namuretere kubhaigisibhwa bhao nawe bhatature okumuosha.

¹⁷ Yesu nabhasubhya naika, “Emwe niruganda runu rutakukumya no kumenyati kinu chanyamkire ni chiya, ndikara nemwe mpaka rusukuri? Je, ndigumilisha chimari. ¹⁸ Nio Yesu namkemera na masambwa ngamusokako omura naora musaa giyo giyo.

¹⁹ Mara abheigisibhwa bhaye mbarubha Yesu bhujibhiye mbamubhusha, “kubhaki citamubhilimishe?”

²⁰ Yesu nabhabhwira, kwokubha obhujomu bhwemwe mbutoto. Kutyo ourora akayeka kaimbibho ya haradari, omutura okubhwira ekima kinu king'anye anu kigenderya, neking'anya na kitakubhao kinu chone chone kinu ekisindikana kwemwe. ²¹ “Nawe orususo runu rwa masambwa ganu gatakutura kusokako, tari kwokusabha nokurema okurya” gatakubhonekana munakara jekisi ja kara.

²² Omwanya gunu bhariga chari Galilaya Yesu nabhwira abheigisibhwa bhaye, “Omwana wa Adamu katurwa mumabhoko ga bhanu. ²³ Na abhamwita, namara nsiku isatu nasuruka.” Abheigisibhwa bhaye mbasurumbaya muno.

²⁴ Anu bhakingire Kpenaumu abhanu bhanu bhakumanyaga inusu yo bhusuru bhwa jiyera bhajie ku Petro mbamubhusha, “Omwalimu wemwe atobhaga inusu yo bhusuru bhwa jiera? ²⁵ Nekirisha, “yee” nawe petro ejire engira munyumba musi, Yesu aromere na Petro okwamba, nabhusha, “uwiganilishaki Simoni? Abhakama bhe charo abhabhonaga osuru kusoka kuga? Kubharya abhagenyi bhanu abhabhatawala?

²⁶ No omwanywogwo Petro aikire, “kusoka kubhagenyi,” Yesu namubhwira, bhanu bhariga mbatawala bhamasoshako kubhuripi bhwo bhusuru. ²⁷ Nawe chasiga okukora abhatoja bhwo bhusuru bhakakora amabhibhi, genda kumwaro urasemo rirobho iswi inu urete oyokwamba uerete mara uyasamye omunwa gwaye ubhona ilimo iyera imwi igege uyane abhatobhi bho bhusuru, kwa ajili yani nawe. Rusukuri? Murete murete kwanyanu.”