¹ Kwokubha obhukama bhwa murwire obhususana na omunibhi wemiginda, unu emukire katondo muruguru kujokwandikisha abhakosi bhe mirimu mumugunda gwaye gwe mizabibu. ² Bhejire bhekirishanya na bhakosi bhemilimu dinari imwi kurusuku, abhabhwiriye bhagende mumugunda gwaye gwe mizabibu. ³ Amarire masaa gasatu najayo, kweki nabhona abhakosi bhe milimu bhemereguyu bhatari na milimu mwibhanja rya risoko. ⁴ Nabhabhwira, emwe one mugende erya mumugunda gwe mizabibu, na chone chone kinu kibheye kubhuaki bhwemwe enibhayana kutyo mugendere okukora emilimu. ⁵ Namara masaa gatanu na rimwi nagenda kweki, ryakingire risaa rya tisa kweki nakora kutyo kutyo. ⁶ Omwanya ogundi kweki yakingire saa kumi na moja nagenda nabhona abhanu abhandi bhemereguyu anu mtakukora milimu jojone kwa rusuku rugima?

⁷ Mbamubhwira, kwokubha atariyo munu wone wone unu echikorera emilimu, nabhabhwira, emwe nemwera.

⁸ Risubha ryejire rwagwa omwene sambu nabhwira omwangarisi waye, bhilikira abharimi, ubhayane omuyero gwebhwe, nuwambira owakubhutero numarisha nowa kubhwambiro. ⁹ Bhejire bhaja abha saa kumi na moja, bharamiye omunu yidinari. ¹⁰ Abhokwamba bhejire bhaja, bhaga mbatogata abharamira okukira abhandi, Abhene wone mbaramira omunu yidinari. ¹¹ Bhejire bhayiramira, mbabhiyirirwa omwene musi.

¹² Nibhayika, abhakubhutero bhakora omurimi esaa rimwila, one wabhenganirisha neswe bhanu chakora omulimu esubha ryone.

¹³ Nawe omwene esambu nasubhya oumwi webhwe naika musani, nitakolele ng'ana njomu, Kitoungwilililene [linali] imwi? ¹⁴ Lamila Chinu Chine nawe nuje jao. Enijomerwa okuyana abhakosi bhanu niyaye emilimu kubhutero rwakutyo enikuyana awe.

¹⁵ Ambe yitari kisi kwanye okukora chinu enenda ne bhinu bhyani? Au eriso ryao nibhibhikwakubha anye ni i munu wa kisi? ¹⁶ Yakabha kutyo owakubhutero aribha wa kwamba no wokwamba alibha wa kubhitero.”

¹⁷ Yesu anu arinyaga okuja Yerusalemu agegere abheyigisi bhaye ekumi na bhabhiri kubhani na munjira nabhabwira, ¹⁸ Mrore echira Yerusalemu, nomwana womunu kaja okuturwa mumabhoko gabhakuru bha makuhani na abhandiki abhaja okuramura afwe. ¹⁹ Na bhari musosha kubhanu bha mubhyaro bhamujera, okumubhuma nokumwita nawe kasuruka kurusuku rwakasatu.”

²⁰ Nyira mwene abhana bha zebedayo ejire ku yesu na bhana bhaje, amwifukamiye nasabhaechimu akusoka kumwene. ²¹ Yesu namubhwira, “owendaki?” Namubhwirati, “Ragirira ati abhana bhani abhabhili bhanu bhekareowumwi mukubhoko kwao kwobhuryo owumwi mukubhoko kwao kwobhumosi.”

²² Yesu namusubhya nayikasati wutakumenya chinu ousabha. Mbe wori owutura okunywera echikombe chinu nirinywera?” Mbamubhwirati, “echitura.”

²³ Nabhabhwirati, “echikombe chani nichimari umuchinywera. Nawe okwikara mkubhoko kwani kwo bhuryo ni kumosi riyo ritari ryani okubhayana nawe nikubhamu rata abhatereyeo.”

²⁴ Abheyigisi bhaye ekumi bharya bhejire bhongwa gayo bhasurumbariye muno abhejabho bharya abhabhiri. ²⁵ Nawe Yesu omwene abhabhirikiye nabhabhwira, “abhatangasha bha mucharo abhabha (tiishe), na abhakuru kwemwe nabhe mukosi kwemwe. ²⁶ Nawe yisingekubha kutyo kwemwe. Nawe wunu kanda okubha mukuru kwemwe nabhe mukosi kwemwe. ²⁷ Na wunu kenda okubha mtangasi kwemwe nabhe muganya wemwe. ²⁸ Rwakutyo omwana womunu atejire kukorerwa nawe okukora, nokusosha obhuworu bwaye okusakira abharu.”

²⁹ Omwanya gunu bhasokaga Yeriko bhanu bhafu bhamurubhirisishe. ³⁰ Enjire arora bhaofu bhabhiri bhekaye ya yinjira. Bhejire bhongwa ati Yesu katura, bha mwayire bharaka bhua yiguru mbayika, “mukama, omwana wa Daudi, chirwire chigongo.” ³¹ Nawe abhanu mbabhaganya mbabhashwira bhajibhire. Nawe abhene mbamwayira yiguru muno mbayiko, “mukama, omwana wa Daudi chifwire chigongo.”

³² Nuwo Yesu nemereguru, abhabhilikila nabhabhusha, hati omwenda nibhakorereki? ³³ Bhamubhila, Ratha echenda Ameso geswe garore. ³⁴ Abhe Yesu abharorela echigongo, nabhagwata mumeso gebhe, abhe kumwanya guyo bhabhona amanaga ga Nyamuhanga Ameso gebhe warora bhwakisi bhamurubha.