¹ Niwo abhandiki na bhafarisayo nibhaja kuYesu okusoka Yerusaremu. Nibhaika, ² “Kubhaki abheigisibhwa bhao abhasigaga kukora ejechikuru cha bhakaruka kwo kubha bhatakwisabha mabhoko gebhwe okurya.

³ Yesu nabhabhwira ati, emwe wone munyamura echiragiro cha Nyamuanga kubhye chikuru chemwe? ⁴ Kwokubha Nyamuanga aragiriye heshimu esomwana na nyakumwana na unu arafumega esemwene au nyira mwene etwe.

⁵ Emwe omwaika ati, 'unu alabhwirege esemwene au nyira mwene, “kila bhusakisi bhunu akabhonaga obhusoka kwanye na ni chiyanwa kusoka ku Nyamuanga,” ⁶ “Omunu uyo katura okuheshimu esemwene kugayo munyamue echiragiro cha lingana lya Nyamuanga kurwa mang'ana gemwe akabhakuru. ⁷ Emwe bharurimi, Isaya aragire chimali kwemwe ijire aika, ⁸ Abhanu bhanu abhanana chibharocha kuminwa nawe emitima jebhwe jiri kura nanye. ⁹ Abhandamya kutyo, kwo kubha abheigisibhwa meigisibhwa ga bhanu.

¹⁰ Nabhirikira abhanu nabhabhwira ati, “mungwe na mumenye_ ¹¹ Chitario chinu echingira mkanwa mwo munu chimubhisha ila chinu echisokamo mkanwa chinu nicho echimubhiisha.

¹² Niwe abheigisibhwa bhae mbamulubha mbaika, nawe wamenya bhafarisayo bhaja okungwa ring'ana rirya mbabhiirwa. ¹³ Yesu nabhabhwira kila chiyambo chinu Rata wa murwire atayambile echiwya. ¹⁴ Mubhasige abhene bhayo ni bhatangasha bhaofu na munu akabha ali muofu natangasha muofu wejabho bhone bhabhili abhagwa mwishimo.

¹⁵ Petero nabhwira yesu ati, “tuchibhwire echijegekanyo chinu kweswe, ¹⁶ Yesu nabhabhwira, “emwe one mtakumenya? ¹⁷ Emwe mtakulorakinu ekija mukanwa ekitura munda nkija muchoroni. ¹⁸ Nawe bhinu bhyone bhinu ebhisoka mkanwa ebhisokerera mmtima nibhyo ebhinu ebhituramo omunu obhukote. ¹⁹ Kwaokubha omutima ogusosha obhwiganilisha obhubhibhi obhukomasi obhutereganu, obhusimbe bhwifi, obhusaidi bhorurimi na mafumo. ²⁰ Ganu nigo agayana omunu amang'ana amabhibhi nawe kurya atesabhire mabhoko kutakukora munu abhemkote.

²¹ Nicho chakorere Yesu nasoka anu aliga abheye nesumba, nabha omwene, nagenda, mumisi ja Tiro na Sidoni. ²² Rora naja no mugasi mkanaani, eyo agabheye na mwaya, muuno naikati nunyabhire mkama mwana wa Daudi omuyasha wani wanyasibhe muno nemisambwa.

²³ Nawe Yesu atammurishe ng'ana. Abheigisibhwa bhaye mbaja mbamkomeresha, mbaikati musosheo ajeyokaja anu kachimwaira.

²⁴ Yesu abhasubhishe naikati ataragirirwa munu wone wone, tari jing'ondi jinu jibhurire inyumba ya Israeli.

²⁵ Nawe ejire nenama imbere yaye naika, “mkama nsakira.”

²⁶ Amusubhishe naika, itari kisi okugega ebhyokurya bhya bhana nurasira jimbwa.

²⁷ Naika, ee mkama ata kutyo ebhibha ebhitoto ebhirya ebhyokurya bhinu ebhiragara kusoka kumeja ya mkama webhwe.

²⁸ Konio Yesu asubhishe, naromaroma, omugasi obhwigumya bhwao ni bhunene na bhukoteke kwawe kutyo owenda. No mwana waye aliga aosibhwe kwo omwanya ogwo.

²⁹ Yesu nasoka anu aliga abheye nagenda yei nomwaro gwa Galilaya namara narinya inguru ya chima nekara eyo. ³⁰ Ndija efute enene kumwene ndimuretera abharema, abhaofu, bhakaruka na bhandi bhafu abharema bhanu bhaliga bharwaye mbabhatura kumaguru ga Yesu nabhaosha. ³¹ Rifuta rirya ryarugurire okurora abhakaruka mbaroma, abhasema mbabha bhaoru bhanu bhariga bhatakulibhata mbalibhata abhaofu mbarora, Bhamukumishe Nyamuwanga wa Israeli.

³² Yesu nabhilikira abheigisibhwa bhaye naika, nabharolera chigongo, obhwafu bhwemwe kwokubha chibheye amwi nakwiisatu chitariye chinu chone chone. Nitakutura kubharaga mgende ewemwe mtariye mwasiga kukabhila munjira.

³³ Abheigisibhwa bhaye mbamubhwira, naki echitura okubhona emikate jo kwiya anu Nyikanu okwigusha gisaga ryone rinu. ³⁴ Yesu nabhabhusha, mnajo mikate eringa? Mbamubhwira, bhanajo etanu nebhili na jiswi ntoto era.

³⁵ Yesu nabhwira risangi rya bhanu bhone bhekare asi. ³⁶ Agegere emikate jone etanu nebhili na jiswi. Namara okubhasima najibhutura nayana ab heigisibhwa bhaye, abheigisibhwa bhaye mbagabhira risangi rya bhanu bhone. ³⁷ Abhanu bhone bhariye bhakeguta. Amesigara ganu gasigaye bhakumanyishe bhisinja bhisinja mbejusha bhikapo bhitanu na bhibhili. ³⁸ Abhanu bhanu bhariye bhariga bhabheye bharume bhiumbi bhina, bhatarimo bhagasi na bhana.

³⁹ Yesu amarire nabharaga bhone bhanu bhariga abhasangire ao bhagenda owabho, omwene nengira mubhwato nagenda ribhara rya Magadani.