¹ Kumwanya guyo Omukama Herode nongwa ebhikorwa bhya Yesu. ² Nabhwira abhakosi bhaye, “niwe Yohana omubhatija asukire kusoka mubhufue. Na managa ganu gari kumwene.”

³ Kubha Herode aliga agwatire Yohana namubhoya namta mnyumba yo bhubhoywa kurwa Erodia omugasi wa filipo wabho. ⁴ Kwokubha Yohana amubhwirie ati, “itari kisi awe kumgega kubha mgasi wao.” ⁵ Enenda okumwita nobhaya abhanu kwo kubha bhamroraga kama mragi.

⁶ Rwejire rwakinga rusuku rwo kwichuka obhwibhurwa bhwa herode, omuyasha wa Heropia nabhina imbere yebhwe najomisha Herode. ⁷ Namlaga kwa kurapa ati, kamya na chonechone chinu alamsabhe. ⁸ Jiramwene namkukirisha naika ati, “nunane anu kurutubho omutwe gwa Yohana mbatizaji.” ⁹ Omukama narumwa nawe kutyo okulapa kwae na kurwo bhanu bhariga bhejire na mbarya nawe naragira okumyana. ¹⁰ Natuma Yohana asoke munyumba yaye ye chobhoywa. ¹¹ Mbatemako umutwe gwae mbagureta gulikurubha mbaguyana omuyasha waye nagusira kunyira mwene. ¹² Abheigisibhwa bhae mbaja mbabhatura omutumbi gwae mbagusika mbagenda mbabhwira Yesu. ¹³ Yesu ejire ongwa, neyaura nasoka ao nalinya muryato nagenda. Abhanu bhafu bhejire bhamenya anu ali, ni bhasoka mumisi mbaribhata maguru mbamurubha. ¹⁴ Yesu ejire imbere yebhwe nalilona bhanu bhafu nabhafwira chigongo nabhaosha abharwae bhebhwe.

¹⁵ Yejire yakinga kegoro, abheigisibhwa nibhamujako nibhaika ati, anu nikuchibhara na risubha ryagendere, nyaraganya abhanu bhagende mumisi bhagure ebhiryo.

¹⁶ Niwe Yesu nabhabhwirati, “basige kugenda emwe mubhayane ebhiryo.”

¹⁷ Nibhamubhwira ati, “anu china mikate etanu naswi ebhili ra.”

¹⁸ Yesu naika mujindetere anu.” ¹⁹ Yesu naragirira abhanu okwiyanja kubhunyasi, nagega mikate etanu na swi ebhili narorerera inguru murwire nasima nabheganyamo emikate nayana ebheigisibhwa bhae, abheigisibhwa bhae mbajigabhira abhanu. ²⁰ Mbarya bhone mbeguta mbakumanya ebhibhara bhinu bhyasigae ebhyebhiryo mbijura bhikapo ekumi na ebhili. ²¹ Bhanu bharie bhariga uti bharume bhiumbi makumi gatanu bhatabharire abhagasi na bhana.

²² Yesu naragiriga abhaegisibhwa bhae bharinye mryato, omwanya ogwo omwene acharaga abhanu ili bhagende mumisi jebhwe. ²³ Ejire amara okubharaga narinya muryato omwene okuja okusabha, yejire yakinga kegoro aliga ali omwene-ra. ²⁴ Mbe obhwato bhwariga bhwakingire kubhusibha mbutubhangusibhwa na makonjonukubha omuya gwariga gwe mutwe. ²⁵ Mungeta muchifuro cha kanna Yesu nabhajako nalibhataga kunyanja. ²⁶ Abheigisibhwa bhejire bhamurora naribhata kunyanja mbobhaya mbaika ni (rengesi) mzuka mbamwaya kwo bhubha. ²⁷ Yesu nabhabhwira mwigumye nanye musige kubhaya.

²⁸ Petero nabhwira ati, rabhe nawe “Ratabhugenyi mbwira nikujeko nindibhata kumanji.”

²⁹ Naika ati, “ija.” Mbe Petero nasoka mubhwato naribhata kumanji okugenda kuYesu. ³⁰ Nawe Petero ejire arora amakonjo, nobhaya, namba okusika nakunga naika, “Rata bhugenyi nuon'ye!”

³¹ Yesu nagorora kubhoko kwae namgwata nambwira ati, “awe ukwikirisha kwao ni kutoto chinu oubhaya niki?” ³² Niwe Yesu na Petero mbarinya mryato no muyaga ungetemera chimwi.

³³ Abheigisibhwa bhae muryato mbamuramya nibhaika ati, “chimari awe uri mwana wa Nyamuanga.”

³⁴ Bhejire bhambuka mbakinga mucharo cha genesareti. ³⁵ Abhanu bhendeyo bhejire bhamumenya mbatuma abhanu mcharo echo chone na chinu chaliga chisijine nibhamuretera bhone bhanu bhariga bharwae.

³⁶ Mbamusabha ati, bhakunieko ata kungubho jae, na bhafu bhanu bhakuniagako bharwae.