¹ Kurusuku orwo Yesu nauruka munyumba neyanja kumbali ya inyanja. ² Abhanu bhafu mbekumanya mbamtura agati, nengira mubwato bhanu bhafu mbeyanja kumbari kumbari ya inyanja. ³ Nabhabhwira emyafu kwa bhije gekanyo, naika ati, “rora omupanzi agendere okuyamba. ⁴ Anu aliga nabhibha jimbibho ejindi jiragara kunjira jinyonyi njija njirya. ⁵ Ejindi jiragara kurutare amayaru gatariko mafu, aonao njimera kwo kubha mayaru gatariko mafu. ⁶ Risubha ryejire ryaka njuma. ⁷ Ejindi jiragara mumawa. Amawa gariya ngamera ngajiiganya. ⁸ Ejindi njiragara mumayaru gekisijitinasha amatwasho, agandi egana eji agandimakumi gatanu na limwi agandi makumi gasatu. ⁹ Unu ana matwi go kungwa ongwe.

¹⁰ Abheigisibhwa bhae mbaja mbmubhusha ati, “niki chinu oukora nuwaika nabho kwa bijekekanyo.”

¹¹ Yesu nabhabhwira ati, emwe mwayanirwe okumenya eja mubhiseke bho bhukama bhwa murwire ila abhene bhatayanirwe. ¹² Kwokubha unu alinacho, omwene uyo aliongesibhwa, chinu alinacho, nawe unu atanacho alitesibhwa hata chinu alinacho. ¹³ Mbe kwokubha naika nabho kwebhijegekanyo kuokubha kurora, abharora bhasige kurora chimari. Okungwa abhongwa bhasige kungwa na kumenya. ¹⁴ Obhuragi bhwa Isaya bhwakingara mebhene bhunu obhwaika ati, “okungwa muryungwa nawe mutarimenya; okukora mlilora nawe mutaritegeresha.

¹⁵ N mtima gwa bhanu bhanu gwabhee chisute, ni bhikomee okungwa, kisi na ameso gebhwe gaongeree, bhasige kurora kwa meso gebhwe, no kungwa kwa matwi gebhwe no kumenya kwa mwoyo gwebhwe, bhangeukire anye nibhaoshe.

¹⁶ Nawe ameso gebhwe gali na bhando, okubha agarora, na amarwi gebhwe okubha agongwa. ¹⁷ Kwukubha ni chimari nibhabhwira ati, bhatari abharagi bhafu na abharengeresi bhariga bhenda okurora ganu omurora, emwe nawe bhatagagarore. Bhaliga bhenda okungwa jinu omungwa, nawe bhatajunguwe.

¹⁸ Mbe mungwe ichijegekanyo cho mpanzi. ¹⁹ Omunu wone unu kongwa ling'ana lyo bhukama nasiga kumenya, niwe kaja omubhibhi nasakura chinu chituwe mtima gwae. Inu niyo imbambho inu iyambirwe kunjira. ²⁰ Na inu ibhibhirwe kurutare niwe unu kongwa ling'ana nikilisha bhwangu najomerwa. ²¹ Nawe atari na misi munda yaye nakorao katoto. Nawe akabhona inyako nakunyasibhwa kwa ling'ana nayabha. ²² Nawe unu abhibhirwe mumawa ni unu kongwa ling'ana ila inyako ye charo no bhujimya bhwo bhunibhi mbumwikarira ling'ana nitamibhwa okwibhura amatwasho. ²³ Nawe unu abhibhirwe mumayaru gekisi niwe unu kongwa ling'ana namenya, niwe uyo katwasha amatwasho, oumwi katwasha egana, oundi makumi gatanu na limwi, oundi makumi gasatu.”

²⁴ Nabhabhwira echijagekanyo echindi. Naika ati, “obhukama bwa murwire bhususana no munu abhibhire imbibho ye kisi mwisambu ryae, ²⁵ Mbe abhanu bhejire bhaongera naja omusoko waye nabhibhamo amanyasi mungano nagenda jae. ²⁶ Mebe ingano yejire yamera no kwanurira niwe manyasi ngamenyeka. ²⁷ Abhagaya bha omwene esambu mbamubhwira, 'mkuru utayambire mbibho njomu mwisambu ryao? Ka ibha kutiki galimo na manyasi?

²⁸ Nabhabhwira ati, omusoko niwe akorere kutyo.' Abhagaya mbamubhwira, “uwenda chigende chigeye?”

²⁹ Omwene sambu naika, 'Uli, mukeya amnyasi gayo omiilamo na ingano. ³⁰ Musige bhikure amwi okukinga mwigesa ni mwigesa ndibhabhwira abhagesi ati, mutangate mugakumanye amanyasi mugabho maseko maseko mugoche nawe jigano mujigesere mujitara chani.

³¹ Yesu nabhabhwira echijegekanyo echindi, “Ubhukama bhwa murwire obhususana na inje ya iradari inu omunu agegere nayamba mwisambu lyae. ³² Imbibho inu ni noto kukira mbibho jone kukeya nawe ikakura nibha nene okukira emikubhi jone elibha eti nene ata jinyonyi ja mrutumba ijija njumbakako amosuku masagi gayo.”

³³ Nabhabhwira echijegekanyo echindi ati, “Ubhukama bhwa murwire ubhususana na echifwimbya echo omugesi agesere nasasha mundengo esatu eja chisano jifwimba jone.

³⁴ Gayo gone Yesu abhabhwira mubhanu abhafu bila bhijegekanyo ataikaga ryoneryone. ³⁵ Koreki chikinge chinu chaikirwe na muragi kiture kukumira, arya aikire, “Ndasamya omunwa gwa mubhijegekanyo, niryaika jinu jibhisirwe obhwambiro bhwe charo.”

³⁶ Yesu nasiga bhanu bharya naja ika. Abheigisibhwa bhae mbamgendako mbamubhwira, “chigajurire echijegekanyo cha manyasi mwisambu.”

³⁷ Yesu nabhabhwira ati, “unu kabhibha embibho ye kisi ni mwana wo munu. ³⁸ Risambu niryo isi, imbibhe injomu ni bhana bho bhukama, amanyasi ni bhana bha urya umubhibhi omusoko unu ayambire niwe shetani. ³⁹ Rigesa nigwo mwisho gwe charo, abhagesi nibho bhamaraika. ⁴⁰ Rwakutyo amanyasi agakumanywa ngochwa, ni muriro kutyo kwo kutio ija kubha kubhutero bhwe charo. ⁴¹ Omwana wo mun alitura bhamaraika bhae okukumanya ukusoka kubhukama bhwae ganu gone gakorere ubhubhibhi na bhanu bhakorere ubhunyamusi. ⁴² Bharibhesa bhone mwitanuru ryo muriro niwe chiribha kurira no kuguguna ameno. ⁴³ Abharengeresi bharing'arabhya rwa lisubha kubhukama bhwa rata wabho unu ana matwi go kungwa ongwe.

⁴⁴ Rindi ubhukama bhwa murwire bhususana no bhunibhi bhunu bhubhisirwe mwisambu bhunu munuejire nabhubhisa najomerwa nagenda nagusha bhinu aliga anabhyo bhyone nagura risambu eryo.

⁴⁵ Rindi ubhukama bhwa murwire obususana no mukani unu kalonda jilulu jinjomu. ⁴⁶ Ejire abhona ilulu imwi eyo bhugusi bhwafu nagenda nagusha bhinu aliga anabhyo bhyone naigura.

⁴⁷ Rindi obhukama bhwa murwire ubhususana nomutego gunu guri mnyanja ogukumanya ebhikaro bhya mumanji bhyone. ⁴⁸ Ryejire ryejura abharagi bhakururira kucharo nibheyanja bhajikumanya ejekisi mbajitura pembeni mchinu njimbhibhi mbajesa kura. ⁴⁹ Nikwokutyo irabhe kubhutero bhwe charo bhamalaika bharija bharibhaura abhabhibhi mbabhasosha bhubharengeresi. ⁵⁰ Mbabhesa mwitanuru ryo muriro omwonimwo kuribhaga okurira no okuguguna meno.

⁵¹ Mwamenya amang'ana ganu abheigisibhwa mbeikirisha ati yee.

⁵² Umwandiki unu eigisibhwe ebhyo bhukama bhwa murwire niwe kasusana nomwene musi unu kasosha muchibhikiro chae echinu ebhiyaya na ebhyakara.

⁵³ Yesu ejire amara ebhijegekanyo bhiyo nasokao. ⁵⁴ Yesu nakinga mucharo chabho nabheigisisha mwikumanyisho ryebhwe chinu chasokeree ao ni bhanu kurugura nibhaika ati asoshakiobhwenge bhunu no bhwengeso bhunu? ⁵⁵ Unu atariniwe omwana wa selemara? Jiramwene atari niwe maryamu na bhamura bhabho nibho Yakobo, Yusufu, Simon na Yuda. ⁵⁶ Nabhayara bhabho bhone chitari nabho mbe abhwene aki bhinu nbhyone.

⁵⁷ Mbamubhiirirwa nawe Yesu nabhabhwira ati, omuragi atakubhura chibhari, tari mucharo chabho na mumusi gwabho. ⁵⁸ Atakukorere bhirugoro bhyafu kurwo bhutekirisha bhwebhwe omwana wo munu kotuma bhamaraika bhae okukumanya kusoka kubhukama bhwae ganu gone gakorere ebhibhi ngakora ubhunyamusi.