¹ Omwanya guyo Yesu aturire mwisambu olusuku lwa sabhato, abheigisibhwa bhae bhaliga bhana mweko bhamba kugega obhweke mbarya. ² Abhafarisayo bhejire okurora kutyo, mbabhwira Yesu, “rora abheigisibhwa bhao abhakora ebhikayo abhakora jinu jitakukorwa olusuku rwa isabhato.”

³ Yesu nabhabhwira ati, muchari kusoma kutyo Daudi akorere okumwanya gunu alumirwe omweko na bhanu bhanu aliga anabho? ⁴ Kutyo engiye munyumba ya Nyamuanga nalya imikate jinu ja wakfu, jinu omwene na bhejabho abhasisya okurya nijabha kuhani abhene? ⁵ Amwi mutakusoma mubhiragiriro orusuku rurya Isabhato, bhakuhani muheru abhanyamuraga isabhato, nawe bhatakukora ebhikayo? ⁶ Mbe nibhabhwira ati anu aliwo omukuru kuliko lihekalu. ⁷ Labhe mukamenyera ati bhugajuro bhwa chinu ati enenda chigongo amwi nitakwenda Dhabihu; mutakabhateeko chikayo bhanu bhatakaire, ⁸ Kwokubha omwana wo munu niwe omukuru wa isabhato mwene.”

⁹ Nasoka ao nagenda mwi sinagogi lyebhwe. ¹⁰ Aliga alio omunu afue okubhoko. Bhafarisayo mbabhusha Yesu, mbaika ati. “Nikisi okuosha orusuku rwa isabhato?” Ili bhamurondere bhikayo bhyokurora echibhibhi.

¹¹ Yesu nabhabhwira ati, niga kwemwe unu akabha ana eta limwi na litama linu nsigwa mwisimo rusuku rwa isabhato, unu atakulikururamo kusoka mwishimo muyo. ¹² Niki, echekisi, mno omunu atari kisi kuriko litama! Kumbe nikisi okukora agekisi kurusuku rwa isabhato.” ¹³ Yesu nabhwira omunu uyo ati, “nyorosha kubhoko kwao,” nanyorosha okubhoko kwae, ukihora kama okundi. ¹⁴ Bafarisayo bhasoka anja mbapanga kutyo bharamusindarishe, mbapanga chifutete chae, kutyo kutyo bharamwite.

¹⁵ Yesu kabha aliga amenyere nasokao, bhanu bhafu mbamurubha, nabhaosha bhone. ¹⁶ Nabhabhwira bhasiga kumubhulisha kubhanu abhandi. ¹⁷ Ili chikinge chinu chaikirwe na mragi isaya, ati, ²² Mbe mbamureta omunu unu aliga aungirwe emisambwa na ali muhofu, tena mujibhi namuosha na gayo gone munu muofu na mujibhi karora nakwaika. ²³ Na maseko ga bhanu kurugura mbaika itura kubha unu ni mwana wa Daudi?”

²⁴ Na farisayo bhejire bhongwa mbaika ati, “umunu atakusoshako musambwa kwa managa gaye ila kasoshako kwa managa ga belzebuli, omukuru we misambwa.

²⁵ “Yesu namenya ameganilisha gebhwe nabhabhwira, obhukama bhunu obhusokana obhunyaragana na kila musi au inyumba inu ikasokana itakwimereguru. ²⁶ Ikabha shetani akamsoshao shetani wejabho kepinga omwene. ²⁷ Nikutiki obhukama bhwae obhwimereguru labhe inusoshako omusambwa kwa managa ga Belizeburi, omukuru we misambwa abharubhilisi bhemwe abhasoshako kwa njira yaga? Kurwalini abhabha bharamusi bhemwe. ²⁸ Karabhe inisoshako musambwa kwa managa ga Nyamuanga, mbe obhukama bhwa Nyamuanga bhwijire kwemwe.

²⁹ Omunu kengira kutiki munyumba ya omunu wa managa no kwibharira kubhoya kwa managa okwamba omwene nyumba niwe nagega ebhinu bhyaye munyumba yaye?

³⁰ Unu atari amwi nanye ni musoko wani, na unu atakukumanya nanye amwi kanyaraganya.

³¹ Oli enaika kwemwe, kila chibhibhi na kufuma bhanu chilisamehewa, ila okufuma mwoyo mweru utakufwirwa chigongo mucharo chinu na chinu ichija. ³² Na wone wone unu kaika omusango inyuma yo mwana wa Adamu, eryo kajokufirwa echigongo. Mbe wone wone kaika inyuma no mwoyo omweru, oyo hatakufwirwa chigongo, mucharo chinu, na hata bhurya obhuja.

³³ Ama ukore riti kubha ejemu, na litwasho lyendeko kubha ejomu, ama unyamure liti naritwasho lyendeko, kwokubha liti elimenyeka kwa litwasho ryendeko. ³⁴ Emwe orwibhuro rwe chisoro, emwe mulibhabhibhi, omura okukora amang'ana ge kisi. ³⁵ Omunu we kisi mi mbikiro yaye yo mwoyo gasisha ga kisi na munu mubhibhi mumbikiro yae yo mwoyo kasosha bhinu bhili bhibhibhi. ³⁶ Naika ati orusuku rwa indamuro abhanu abhasosha kila eng'ana elyo bhuyagayaga linu bhaikire. ³⁷ Kwokubha kila eng'ana lyao niyo uribharirwa ubhurengesi au inyakwaya niyo uliremerya ejao.”

³⁸ Abhandiki na bhafarisayo mbamubhwira Yesu ati, “mwalimu” echendako chirore echibharikisho kusoka kwawe.”

³⁹ Yesu nabhabhwira, likura linu libhibhi ilyo bhusandi elilonda chibharikisho chitario chibharikisho chinu omuja okurora emwe. Ila ichbarikisho cha Yona omuragi. ⁴⁰ Lwa kutyo omuragi Yona ekae munda ya iswi inene kwa siku esatu mumwisi na mungeta. ⁴¹ Abhanu bha Ninawi bharimereguru imbere ya bhuramusi amwi na bhanu bho rwibhuro runu mbaruramura. Kwo kubha bhasigire ebhibhibhi kwo bhuraka bhwa Yona, mbe nurore, lelo anu aliwo omukuru kukira Yona. ⁴² Omukama omugasi wa mumarimbe arimereguru na bhanu bha rikura linu okuriramura. Kusoka kubhutero bwe charo najanokungwa obwenge bhwa Selemani, mbe rora munu mkuru okukira Selemani alyanu.

⁴³ Omusambwa omubhibhi gukasoka kumunu gutura mumbara jinu jitana manji guronda owikwisisha omwoyo ngubhurwa. ⁴⁴ Ngwaika inusubha munyumba yani inu nasokere gukabhamo gubhona inyumba yeelewe na ilyao. ⁴⁵ Nigugenda gureta misambwa etanu na ebhili chinu chikirire ogwene okubhiyaa nijingira njikaara omwo. Ihali ya 0bhutero eibha mbibhi kukira eyokwamba kwo kutyo eija kubha kurwibhuro runu orubhibhi.

⁴⁶ Omwanya guyo Yesu aliga naika na bhanu bhafu rora, jiramwene na bhamuwabho bhariga bhemereguyu anja. ⁴⁷ Munu umwi nambwira ati, “rora nyakumwana na bhamura bhanyu bhemereguyu anja, abhenda okwaika nawe.”

⁴⁸ Omwene namwibhira unu amubhwirie ati, “mai niga? Nabhamura bhasu ni bhaga?” ⁴⁹ Neresha ukubhoko kwaye kubheigisibhwa bhae naika, “rora naika ati, abho ni bhamai na bhamura bhasu. ⁵⁰ Kwokubha unu wone kakora eja rata wa murwire kenda huyo niwe omumura wasu no muyawa wasu na mai.