¹ Ejire Yesu amara okuragirira abheigisibhwa bhwaye ekumi na bhabhili nagenda okwiigisha na kusaikira mumisi jebhwe, ² Na Yohana abhee munyumba chibhoywa ejireokungwa ebhikorwa bhya kiristo, natuma abheigisibhwa bhae, ³ Mbamubhusha ati, “awe nawe unu kaja au alio oundi chimulinde?”

⁴ Yesu nabhasubhya naika, “Mgende mubhwire Yohana ganu omurora na ganu omungwa. ⁵ Abhaofu abharora, na bharema abharibhata, abhagenge abhaora, abhajibhi abhongwa abhafuye abhasururwa, ling'ana lya Nyamuanga elirasibhwa kubhataka. ⁶ Na analibhando unu ata kwitimata kwanye.

⁷ Ambe bhejire bhagenda, Yesu namba okwaika na ing'umo ya bhanu inguru ya Yohana, “niki chinu mwagendere okukora mwijangwa ni salu ndisingisibhwa na myaga. ⁸ Nawe niki mwajie kurora munu afwae bhifwaro bhijomu? Ambe bhanu abhafwara bhifwaro bhijomu bhari mnyumba je chikama. ⁹ Ambe mwemukire musoka kukoraki- omuragi? Yee, aikire, Enibhabhwira ati akirire omuragi. ¹⁰ Unu niwe andikiwe ati, enituma intumwa yani imbere yao inu iyandaa injira yao.

¹¹ Enye enibhabhwira chimari, mubhanu bhebhuye na bhagasi atario mkuru kukira Yohana omubhatisha. Unu ali mtoto mubhukama bhwa murwire ni mkuru kukira uyo. ¹² Kusoka musiku ja Yohana omubhatishaji ukukinga kurero, obhukama bhwa murwire ni managa, na abhamanaga, nibho abhabhugega kwa managa. ¹³ Kwa kubha bharagi bhone abha bhiragiro, bharagaga okukinga ku Yohana. ¹⁴ Na rabhe mkekirisha, unu niwe Eliya, unu kaja. ¹⁵ Unu ana amatwi go kungwa ongwe.

¹⁶ Nisusanye naki orwibhuro lunu? Ni rwa kutyo abhana abhenya msokoni, abheyanja na kubhirikirana. ¹⁷ Mbaika, 'chibhumire olukuri mtabhininise. Chasurumbae mtaririse.' ¹⁸ Kwokubha Yohana ejire atakurye omkate wala kunywa divai, mbaika ati ana, 'misambwa.' ¹⁹ Omwana wa Adamu ejire narya, nanywa ni mbaika ni wa mururuna ni mkorwa na bhebhibhi, nawe omwengeso ubhurengereshwa mubhikorwa bhyebhwe.”

²⁰ Yesu ambire okukemera emisi jinu ebhikorwa ebhibhibhi ebhikorekana muyo kwo kubha bhachari kwifukuma, ²¹ Jirikubhona awe korazini, jirikubhona awe bethsaida! Kwokubha bhikorwa bhinene bhinu bhyakorekene kwemwe bhikakorene kutiro na Sidoni bhakefukamire na kufwara magunira na kwipaka lifu. ²² Anye nibhabhwira ati, kurusuku ruyo akiriko Tilo wa Sidoni okuramurwa kuriko emwe. ²³ Awe Kaprinaumu uwitogera ati, uwe musubywa mpaka murwire? Uli uliteremushwa ulishwa mpaka mukaburi. Ijakubha kusodoma bhikorekene bhikorwa bhinene lwa kutyo bhwakorekene kwao ikabheeo kulero. ²⁴ Nawe nibhabhwira ati, kurusuku rwa kuramurwa isi ya Sodoma iligumya kukira awe.

²⁵ Kumwanya ugwo Yesu naika, “Inikusima awe Rata omukama wa murwire na isi kwokubha wabhabhisire ganu abhenge na abheengeso, nubheresha abhana abharera bhanu bhatasomere. ²⁶ Rata kwokubha kutyo wajimerewe mmeso gao.

²⁷ Mang'ana ganu niyeywe kosoka kwawe Rata, na atario unu kamenya mwana ila ni Rata na atario unu kamenya Rata ila mwana na unu omwana kenda kumubhwira. ²⁸ Mje kwanye bhanu bhone umunyaka na muigirwe na mijigo imisito anye nibhamunya. ²⁹ Mwitwike lijopko lyani na mwiigire kusoka kwanye kwa kubha anye nili mfura na mwororo wo mutima na omubhona okumunya kwa mioyo jemwe. ³⁰ Kwokubha lijoki lyani nilyangu na omujigo gwani ni mwangu.