9
(Yesus Mengampuni dan Menyembuhko Seurang Lumpuh)

1 Tekalo masuk ke biduk, Yesus nyemberang denou ngan sampoi de kota-Nye dewek. 2 Ngan, koleh, mike mengunda kenempat-Nye seurang lumpuh nyo tebereng de ketiduron. Tekalo ngole iman nye, Yesus bepelabe ngan urang lumpuh iye, “Toguhkolah hatime, anakku dosame sodah de ampuni.”

3 Mengka, beberapa ahli Torat buik delom hatinye, “Orang nie menghujat!” 4 Namun, Yesus tahuko pekerannye, ujo-Nye, “Mengka kowe mekerko nyo jahat delom hatime? 5 Monenyo lobih murah, bekehato, “dosa-dosame de ampuni,” atau bekehato “jegolah ngan bejalonlah?” 6 Mengka cuma, enggak konyo kowe pacok mengehahui bawa de behumi Anak Mendesio bekuaso nak mengampuni doso.” Mengka, Yesus bekehato ngan urang lumpuh iye, “Jegolah angkatlah ketiduronme, ngan ngulanglah!” 7 Mengka, enye jego ngan ngulang. 8 Cuma, tekalo urang lobot ngole hal nie, enye menjedi takjub ngan memuliako Allah nyo membori kuaso upa iye ngan mendesio.
(Matius pengumpul Pajak Menghalo Yesus)

9 Tekalo Yesus bejelon deri sane, Enye ngoleh urang nyo de pantou Matius sedang duduk de nempat pengumpulon pajak. Mengka Yesus buik ngan enye, “Halaoulah Ake.” Ngan, Matius togok ngan menghalou Yesus. 10 Tekalo waktu Yesus duduk makon de delom rumah iye, koleh, lobot pengumpul pajak ngan urang-urang bedoso njongok, mengka duduk makon serompok Yesus ngan murid-murid-Nye.

11 Ngan, tekalo urang-urang Farisi ngoleh hal nie, enye bekehato ngan murid-murid-Nye, “mengka Gurume makon besamo pengumpul pajak ngan urang-urang bedoso?”

12 Mengka cuma tekalo, Yesus mendongor hal nie, enye bekehato, “Mike nyo sehat hopi membutuhko tabib, meloinko mike nyo saket. 13 Cuma, pegilah ngan pelajorilah ape retinye nie, “Ake menghendaki belos kasihan, bukonnyo persembahon,” sabab Ake njongok bukan untuk memantaou nyo bonor, meloinko urang-urang bedoso.”
(Pertanyoon tentang Berpuaso)

14 Mengka, murid-murid Yohanes njongok dengan Yesus ngan betanyo, “mengka kami ngan urang-urang Farisi melakuko puaso, cuma murid-muridme hopi bepuaso?”

15 Ngan, Yesus behekato kepodo rombongan iye, “Depotkah para pengiring penganten berduka cita selamo penganten jenton lagi besamo-samo ngan enye? Mengka cuma, akan sampoi waktunyo tekalo penganten jenton de ambek deri enye, ngan kemudion enye akan bepuaso.”

16 Hopi ado sikok urang pun nyo menapak koin nyo beheru de perebot nyo lamo, ulenyo tapolon iye teseget perabot nyo lamo ngan tamboh godonglah segitnye. 17 Ngan hopi ado urang nyo menuangko anggu beheru ke delom kantong kulet nyo lamo. Munye upa iye, kantong kulet iyo nak teseget, ngan anggurnyo nak tetumpah, ngan kantong kuletnye hajur, hambuk cuma, enye menyimpon anggur nyo beheru kekantong kulet nyo beheru pula segingga keduanye tepeliara.”
(Yesus Membangketko ngan Menyembuhko)

18 Sementaro Yesus mengehatoko hal-hal nie ngan mike, koleko, seurang pemimpin rumah ibadah njongok ngan menyembah-Nye, ngan bekehato, “anak betinake beheru setegal mati. Akan tetapi, njongoklah ngan potekkolah tangonme kepucuk nye, enggak konyo nye hidup.” 19 mengka, Yesus jego ngan menghilui urang iye, upaiyoi pula ngan murid-murid-Nye. 20 Ngan, kolehlah, seurang betina nyo soda menderita penderohon selamo dua belas tahun memaroi Yesus deri belakong ngan menjamoh hujung jubah-Nye, sabab betina iye buik kepodo dirinye dewek, “Munye ake menyentoh jubah-Nye bae, ake nak sembuh.”

21 sabab betina iye buek kepodo dirinye dewek, “Munye ake menyentoh jubah-Nye bae, ake nak semboh.”

22 akan tetapi, Yesus bebelek ngan memandong betina iye, mengka buek, “Toguhkolah hatime, hai anak-Ke, imanme lah menyembohkome.” seketiko iye jugo, sembohlah betina iye.

23 Tekalo Yesus sampoi de rumah kepalo rumah ibadah iye ngan ngole para penipu soleng ngan kerumunon urang nyo menyebabko kebesengon, 24 Nye buek kepodo urang-uranguye, “Pegilah, ulenyo anak betina iye hopi mati, meloinko sedang tidor.” Ngan, nye menertawoko Yesus. 25 Cuma, tekalo urang lobot iye sodah degerah keluor, Yesus masuk mengka mogongko tangon ank iye, ngan anak betina iye pun jego. 26 kabar nie tesebar keseluruh deerah iye.
(Yesus Menyembuhko Dua Urang Buta)

27 tekalo Yesus bejelon jak iye, dua urang buta mehalui Nye sambel meke meke, “kasihanilah kamie Anak Daud.” 28 Sesodah iye Nye memasuki rumah iye, kedua urang buta iye njongok-Nye ngan betanyo ngan mike, “Ibo kowe pecayo munye Ake depot melakuko tong nie?” Mike bekehato kepode-Nye, “Ao, Tuhan!”

29 Mengka, Yesus menjemoh matonye ujo-Nye “Jedilah dengan kowe menurut imanme,” 30 Ngan, tebukalah mato nye. Yesus dengan tegas memperingotko enye, “Perhatikolah, jengon ado sikok urang pun tahuko tong nie.” 31 Hambuk sebeleknye, enye keluor ngan menyebarko berita tentang Yesus ke segelo daerah iye.
(Yesus Menyembuhko Urang Bisu)

32 Tekalo kedua urang iye keluor, kolekolah, urang-urang ngunda seurang bisu nyo derasuk roh jahat kenempat Yesus. 33 Sesodah roh jahat iye de usir, urang bisu iye pun pacok buik. Urang lobot iye menjedi temango-mango ngan buik, “Hal upa nie bolum pernah tekoleh de Israel.”

34 Cuma sebeleknye, urang-urang Farisi bekehato, “Nye mengusir roh-roh jahat ngan penguaso roh-roh jahat.”
(Lobot Panenon Kekecikon Penggawe)

35 Ngan, Yesus bejelon mengelilengi segelo kota ngan desa sambil mengajor de sinagoge-sinagoge enye, ngan memberitako Injil Kerajaaon, sereta menyembuhko segelo penyaket ngan kesaketon. 36 Tekalo Yesus ngoleh urang lobot iye, Nye meraso tesihan ngan enye ulenyo lah litak ngan telantar upa domba-domba piado gembala. 37 Kemudion Nye bekehato ngan murid-murid-Nye, “Sesungguhnye, panenon lobot, cuma pekerejo-pekerejonye sediket.” 38 Ulenyo iye mintaklah ngan Tuhan nyo mempunyoi panenon, untuk mengiremko pekerejo-pekerejo delom panenon-Nye.”