8
(Yesus Menahirko urang Nyo saket Kusta)

1 Tekalo Yesus turun deri buket iye, tenggenggirukon urang lobot mehaloui-Nye. 2 Ngan, koleko urang saket kusta njongok ngan Enye, ngan sujud dehadopon-Nye, ngan bekehato, “Tuan, munye Kowe endok Kowe depot menaherko ake.”

3 Ngan, Yesus menjulukko tangon-Nye ngan menjamahnye, ujo-Nye, “Ake endok tahirlah.” seketiko iye jugo, detahirkolah kusta urang iye. 4 Ngan, Yesus sebepelabe ngan enye, “Perhatikolah, jengon kowe menceritoko apo-apo dengan sikok urang pun, cuma pegilah tunjukkolah dirime dengan imam, ngan persembahkolah persembahon nyo de perentahko Musa upa kesaksion enye.”
(Seurang Pelayon Perwira Romawi Desembuhko)

5 Tekalo Yesus masuk ke Kapernaum, seurang perwira njongok ngan Enye, memohon ngan Enye, 6 Ngan behekato, “Tuan, hamboke sedang tebereng lumpuh de rumah, sangat menderito.”

7 Ngan, Yesus bepelabeko ngan enye, “Ake todo njongok ngan menyombuh ko enye.”

8 Cuma sebeleknya, perwira iye menjawab ngan bekehato, “Tuan, ake hopi layak untuk Kowe masuk kebewo hatopke, cuma katokolah sepato kehato bae ngan hamboke akan desembuhko. 9 Sabab ake jugo adolah urang nyo ado de bewo kekuasaon, dengan tentera-tentera de bewohke. Ngan ake behekato ngan nyo sikok, “Pegilah,” enye pun pegi, ngan kenempat nyo loin, “Njongoklah,” ngan enye pun njongok, ngan kenempat hamboke, Lakuko nie ngan enye pun melakukonnye.”

10 Tekalo Yesus mendongor hal nie, Enye kagum ngan bekehato kenempat urang-urang nyo mehaloui-Nye, “Ake mengehatoko nyo sebonornya ngan kowe, Ake bolum menemuko iman segodong nie de antaro urang Israel. 11 Ake mengehatoko ngan kowe bahwa lobot nyo nak njongok deri timur ngan barat, ngan duduk makon dengan Abraham, Ishak, ngan Yakub delom Kerajaon Serga. 12 cuma anak-anak kerajaon iye nak decampok ke delom kekolomon nyo paleng kolom. De sane akan ado ratopon ngan kertak gigi.” 13 Ngan, Yesus bekehato dengan perwira iye, “pegilah, biarlah terjedi ngan kowe upanyo kou pecayoi.” Ngan, tekalo saat iye jugo, hambonye de sembuhko.
(Induk Mentuha Petrus Ngan Urang Lobot Desembuhko)

14 Tekalo Yesus sampoi rumah Petrus, Enye ngoleh induk mentuha Petrus sedang tebereng ngan domom. 15 Lalu, Yesus menjamah tangon induk iye ngan domom nye sayau. Mengka, enye jego ngan melayani Yesus.

16 Tekalo menjelang malom, enye membewo kepodo-Nye lobot urang kerasukan roh jahat, ngan Nye mengusir roh-roh iye dengan sikok kehato, ngan menyembuhko segelo urang nyo saket, 17 enggak konyo de genapilah ape nyo dekehato ule Nabi Yesaya: “Enyelah nyo ngambek kelamahon-kelamahon kite ngan menanggung penyaket-penyaket kite.”
(Menjedi Pengikut Yesus)

18 Kinie, tekalo Yesus mengole urang lobot de sekeliling-Nye, Enye membori perentah untuk betulak ke seberang. 19 Mengka, seurang ahli Torat njongok ngan bekehato ngan Enye, “Guru, ake nak mnghaloui-Me kemono bae Kou bejelon.”

20 Ngan, Yesus bekehato ngan enye, “Para rubah mempunyoi liang ngan burung-burung de langet mempunyoi sangkor-sangkor. Cuma sebeleknye, Anak Mendesio hopi mempunyoi tempat untuk memotekko kepalo-Nye.”

21 Sikok deri para murid bekehato ngan-Nye, “Tuhan, izinkolah ake ndehulu bejelon ngan menguburko bepakke.”

22 Cuma sebeleknye, Yesus bekehato ngan enye, “Haloulah Ake, ngan biarlah urang mati menguburko urang mati nyo dewek.”
(Yesus Meredako Badai)

23 Ngan, tekalo Yesus noek ke biduk, murid-murid-Nye menghalou Enye. 24 Ngan, kolehkolah, terjedi badai godong de danau sehingga biduk iye tertutup umbak. Mengka cuma Yesus tidur. 25 Ngan murid-murid menjongok Yesus ngan menjegokon-Nye, ujonye, “Tuhan selamatko kamie! Kite sedang benasa!”

26 Ngan, Enye bekehato kenempat enye, “mengka kowe takut, hai kowe nyo kurang beriman?” mengka Enye togok ngan buik angen serta denou iye, ngan menjedi tenang sekali.

27 Mengka, urang-urang iye temanga-mangan ngan buik, “urang macam ap nyo nie, bahkan angen ngan denou pun menuruti-Nye?”
(Duo urang Gadara kerasukon Roh jehat)

28 Tekalo Yesus sampoi de seberang denou, de daerah urang Gadara, dua urang nyo kerasukon roh jahat menomui-Nye. Mike keluor deri kuburon dengan sangat bingas singgo hopi ado urang nyo depot melewati jelon iye. 29 Ngan kolekolah, enye mekek, ujonye, “ape uruson Kowe ngan kamie, hai Anak Allah? ibo Kowe njongok untuk menyikso kamie sebolum waktunye?” 30 Ngan, ekak jeuh deri enye ado serombongan godong bebi nyo sedang bedelok makon.

31 Setan-setan iye memintak ngan Enye ngan behekato, “munye Kowe nak ngusir kamie, suruhlah kamie pendah kerombongan bebi iye.”

32 Ngan Yesus behekato ngan enye, “Pegilah!” mengka enye keluor ngan masuk ke delom bebi-bebi iye. Mengka, segelo rombongan bebi iye pun terjun deri tobing denou ngan teelek de delom aik. 33 Urang-urang nyo ngingunko rombongan bebi iye melariko diri, ngan masuk kedelom kota, ngan menceritoko segelo iye, termasuk ape nyo terjedi dengan urang-urang derasuk setan nyo iye. 34 Ngan, kolehkolah, segelo kota keluor nak betomu dengan Yesus. Tekalo ngoleh Yesus, enye memintak-Nye enggakonnyo mencampok wilayah mike.