¹ Kia iny mahãdu roberarenyreu su my kia iriòrerenyre ijõdirenyre, ² kia Deuxu riòrereny robirenyre kaa hãwyy mahãdurenymy sõemy iruxerareny. Taita ritarenyre kia tii boho ixideewimy tii boho wana rexilidirenyre. ³ Tai Deuxu Tyhyhykỹ rarybere: —Tiu wawahidỹỹõna iny mahãdureny ikiemy ratxirenykremy kia heka rurumy roirekre. Ka wiji bede ribi tahe tii boho tiu irumy ratxirenyõtyhy 120-my wyra ratyreny. ⁴ Kia iny ninihikỹ ijõdimy rỹiramyhỹ ibederenyu kia isỹtybyrenymy tule, kia Deuxu riòre boho òtaòta riwinyrenyreu hãbu mahãdu riòre boho wana kia rariòrenyrenyre. Kia ibederenyu heka hãbu ninihikỹ mahãdu ityhymy riòlònyrenyre juhu bedeu, hãbu mahãdu nidehedehehekỹmy. ⁵ Kia DeuxuTyhyhykỹ robireu kia iny mahãdu sõemy ibinatyhyrenyre kia ikiemy aõnaõna òbitimy aõkõ riwinyrenykremy rõhõtinymyhỹrenyre, ⁶ kia sõemy bede riryrymy ratximyhỹ kia iny mahãdu riwinyreki. Deuxu Tyhyhykỹ bede riryrymy ratximyhỹ kia tawo-di iutxiemy ⁷ kia rarybere: —Kia ariwinykre su ribi ariõnodỹỹnykre kaa iny mahãdu rewinyrenyre, kia tule ibutumy iròdu iròdu, kia iròdu mahãdu su my rexirurehemy rỹimyhỹre kia nawii mahãdu, kiemy dori wabederyrymy watxireri-diarỹ rewinyrenyreki. ⁸ Ka Deuxu Tyhyhykỹ rierymyhỹre òbitimy aõ Noe riwinymyhỹreki. ^9-10 Ka heka Noe ijyy rare. Tii heka inataõ uladu tybymy runyre: Sem, Cam kia Jafe. Noe heka hãbu òbitimy nodu rare kia ikiemy Deuxu rityhynymyhỹre Kia hãbu mahãdu tii boho wana roiremyhỹ bedeu, Noe raremyhỹ Deuxu wana butumy. ¹¹ Deuxu dee ibutumy iny witxira mahãdu kia ibinareny roire, ka aõnaõnaleiny roiremyhỹ ibutumy bede bedemy. ¹² Deuxu retehere su hãwã bedetxi kia robire sõemy òraruna roimyhỹmy. kiemy dori ibutumy iny mahãdu aõnaõna bina sohoji riwinymy rỹiramyhỹ. ¹³ Deuxu rarybere Noe-ò: —Rexiywinyra ibutumy iny mahãdu arihukremy.-diarỹ arihurenykre ibutumy kia arihulekre suu, kiemy dori rỹximy aõbinabina-di rỹireri. ¹⁴ Bimykre òwòru wiwi kia biwinykre ixidee bera heòty nihikỹ. Kia biwinykre biwirareamy tai kia bitybònykre ibutumy irurerure (piche), kia iwo ribi kia ahãna ribi. ¹⁵ Kia iurihina mykre: 133 metro-my iwerehe, kia 22-metro-my iwebese, kia 13 metro-my irarie. ¹⁶ Kia biwinykre bera heòty hety kia birikre iweere metro my iyhymy iribi ihety ribi. Biwinykre inataõ my iwo rarie sõe, kia bilidikre ijòtòbòna iweweribi weribi. ¹⁷ Kia ariteònykre beòrahãkỹ suu idi aritỹmynykremy kia ibutumy arihukremy aõ tai irumy rỹimyhỹre; ibutumy aõ sumy rỹimyhỹre rurukremy. ¹⁸ Ka awana tahe-diarỹ bede ariywinykre. Kiaremyta, malokre bera heòtyro-ò kia bidykre ixihemy ahãwyy, ariòre boho kia ariòreriòrese boho. ^19-20 Tule bidykre heòtyro-ò sohoji nawii hãbú kia sohoji nawii hãwyy kia ibutumy nawii òtaòta, kia ibutumy iròdu òtaòta kia ibutumy iròdu su my rexirurehemy rariamyhỹre, kia irurenymy rexijuarenykremy. ²¹ Bibutunymy kia ibutumy rỹsỹna òtaòta biwykre kia iròdu mahãdu wana aõ birỹsỹbenykremy. ²² Kia Noe riwinyre ibutumy tuu Deuxu tamy rarybere mynamy.