¹ Ka heka Adaõ riòreriòre ritina rare. Kia iu iny mahãdureny riwinyrenyreu, Deuxu riwinyrenyre ixiwesemy. ² —Deuxu riwinyrenyre hãbu kia hãwyy kia tarybewihikỹ tamyreny riwahinyre kia rininirenyre Iny (humanidade). ³ Kia 130-my wyra rimydi, Adaõ, uladu mahãdu tybymy runyre kia heka iwesena rare; kia rininire Sete my. ⁴ Irahudi Adaõ bede riere 800-my wyra ratyremy. Tii ixyby iwitxira uladu mahãdu tybymy runyre. ⁵ Kia rurure 930-my wyra rimyre-di. ⁶ Kia Sete 105-my wyra rimyre bedeu, iriòre Enos ruare. ⁷ Irahudita Sete bede riere 807-my wyra ratyremy. Tii ixyby uladu mahãdu tybymy runyre, ⁸ kia rurure 912-my wyra rimyre-di. ⁹ Kia Enos 90-my wyrau, iriòre Aina ruare. ¹⁰ Irahudita Enos bede riere 815-my wyra ratyremy. Tii ixyby uladu mahãdu tybymy runyre, ¹¹ kia rurure 905-my wyra-di. ¹² Kia Aina 70-my wyra rimyreu, kia iriòre Maalalel ruare. ¹³ Irahudita Aina bede riere 840-my wyra ratyremy. Tii ixyby uladu mahãdu tybymy runyre, ¹⁴ kia rurure 910-my wyra-di. ¹⁵ Kia Maalalel 65-my wyra rimyreu, kia iriòre Jarede ruare. ¹⁶ Irahudita Maalalel bede riere 830 wyra ratyremy. Tii ixyby uladu mahãdu tybymy runyre, ¹⁷ kia rurure 895-my wyra rimyre-di. ¹⁸ Jarede kia 162-my wyrau kia iriòre Elaõ ruare. ¹⁹ Irahudita Jarede bede riere 800-my wyra ratyremy. Tii ixyby uladu mahãdu tybymy runyre, ²⁰ kia rurure 962-my wyra rimyre-di. ²¹ Kia Elaõ 65-my wyra-my bedeu, kia iriòre Metusalẽ ruare. ²² Irahudita Elaõ bede-my riere Deuxu wana butumy 300-my wyramy kia ixyby uladu mahãdu tybymy runyre. ²³ Elaõ bede riere 365-my wyramy. ²⁴ Tii ikiemy Deuxu wanahyy butumy raremyhỹ kia tiu bede txuu tahe riõre, kia heka Deuxu ridyre. ²⁵ Kia Metusalẽ 187-my wyra rimyre bedeu, kia iriòre Lamei ruare. ²⁶ Irahudita Metusalẽ bede riere 782-my wyra ratyremy. Tii ixyby uladu mahãdu tybymy runyre, ²⁷ kia rurure 969-my wyra rimyre-di. ²⁸ Kia Lamei 182-my wyra rimyre bedeu, kia uladu tybymy runyre. ²⁹ Kia rarybere: —Deuxu Tyhyhykỹ ritxuhore suu, kia iurenana heka iny aõmysỹdỹỹnareny iutxiere; kaa weryry tahe ixielehydỹỹna inydeereny idiwykre. Kia Lamei tariòre rininire Noe my. ³⁰ Irahudita Lamei bede riere 595-my wyra ratyremy. Tii ixyby uladu mahãdu tybymy runyre, ³¹ —kia rurure 777-my wyra rimyre-di. ³² Kia 500mywyra rimyre rahudi, Noe runyre inataõ uladu tybymy: Sem, Cam kia Jafe.