¹ Bukamona makabu, Yesu wu mata ga mongu; ye, kunima bukafonga, minlongoki mi yani mipusana ku yani. ² Buna, bukazibula nua, wu balonga, ye wu ta: ³ Mayangi mena ku bamputu mu mpefi, kadi kimfumu kimazulu kina kubawu! ⁴ Mayangi mena ye bakalanga kiadi, kadi bawu sa babombua! ⁵ Mayangi mena ku bamputu, kadi si bavingila fua di ntotu! ⁶ Mayangi ye bafuanga nsatu ye nsatu zi luzingu, kadi si bawukutusua! ⁷ Mayangi mena ye bakalanga kiadi, kadi si bafuilua kiadi! ⁸ Mayangi mena ku bankua ntima mboti, kadi si bamona Nzambi! ⁹ Mayangi mena ku ba vingisanga ngemba, kadi si ba bokululua bana ba Nzambi! ¹⁰ Mayangi mena kubawu ba somuanga mukuma ki lunungu, kadi kimfumu ki mazulu kibawu! ¹¹ Mayangi mena yenu bu ba lulewulanga, ba sa baluzoma ye sa bata maluvunu mu benu mpila zakulu zi luvunu, mukuma kimunu. ¹² Luyangalala ye lukala kiesi, mudiambu mfuntu benu sa wukala wuneni mu mazulu; kadi buna kuani bazomina mimbikudi mi luyitila. ¹³ Benu luna mungu wu ntotu. kansi go mungu vidisi nzenzo yani, munki sa wu zenzusulua? kawuna diaka sadulua ko kansi sa wugetuka ku nseki, ye diatusuka mu malu ku bantu. ¹⁴ Benu luna kia ku nza. mbanza yi tungama gana mbata mongo kayisuama ko; ¹⁵ Ye kabakuikanga muinda ku mutula wawu ku nsi mesa, kansi batulanga wawu ga zulu di kebelo, ye wu kienzulanga biakulu bina muna nzo. ¹⁶ Bika kia kuenu ku kienzula buna ga ntuala bantu, mpasi nde ba bona maganga menu ma mboti, ye bayangidika tata benu wuna mu mazulu. ¹⁷ Ka lukuila ku nde munu yiyisa mutulula mi nsiku evo mi mbikudi; yiyisa ka mutulula ko, kansi mu lungisa. ¹⁸ Kadi, yi luteledi buawu mu kedika, bukina nde zulu ye ntotu kabilendi nkutu luta ku, ka sa gavila nkutu ko nsiku kinotika kimosi evo dimbu kimosi kisonu, ti biakulu bikuma. ¹⁹ Yuna nkutu si wukatula wumosi mu minsiku minduelu, ye si wulonga ku bantu mu ganga bumosi, si kabokulua wu nduelu mu kimfumu ki mazulu; kansi yu si wugangila buna, si bambokila wuneni mu kimfumu kimazulu. ²⁰ Kadi, yi luteledi, go lunungu luenu kalulutidi ku lulu Minsoniki ye Bamfalisi, ka si lukota ku mu kimfumu kimazulu. ²¹ Benu luwa butesuka ku bakuluntu: ku gondi ku; yu si wu gonda kafueti tambula kitumbu ku mimfundisi. ²² Kansi munu, yi luteledi konsu yuna mueni ngansi ku mpangi'ani fueni tambula kitumbu ku mimfundisi; yonsu si wu goga ku mpangi'ani: Raca! fueti tambula kitumbu ku ba mayala; ye yonsu yuna si wu goga: kizengi! kafueti tambula tumbu ki kuyokuka ku tiya tu bilungi. ²³ Go nkutu wuta gana nkayilu'aku gana mesa ma tempelo, ye go bambukidi nde mpangi'aku wuna ye kikuma ku ngeyi, ²⁴ Sisa gana nkayilu'aku gana ntuala mesa ma tempelo, yenda wisana nteti ye mpangi'aku; mbosi, nza gana nkayilu'aku. ²⁵ Wisana mu nsualu ye mbakani'aku, muntangu wuna mu nzila ye yani, mu bunkuta buna nde kakugani ku mfundisi, ye mfundisi kakugani ku mu mfundisi, ye mpasi nde kukoti ku mu nzo nkodi. ²⁶ Yi kuteledi bo mu kedika, kaletuka muna ku wukonda futa falanga. ²⁷ Benu luwa butezuka: kuyangani ku. ²⁸ Kansi munu, yi luteledi nde konsu yuna tadidi nkentu mosi kuniunga yani wu kiyangidi ye yani mu ntim'ani ²⁹ Go disu diaku di kibakala di kutesesi sakuba, sokuna diawu ye losa diawuntanuki ye ngeyi; kadi buna bumboti ku ngeyi nde kitongu kimosi kinitu kifua, ye nitu'aku yimvimba ka yitubuki kutiya tu bilungi ku. ³⁰ Ye go koku kiaku ku lubakala kukutesesi sakuba, zenga kuawu ye losa kiawu ga tatuka ye ngeyi; kadi dina dimboti dku ngeyi nde kitongu kimosi kinitu kifua, ye nitu'aku yimvimba ka yibungi kutiya tu bilungi ku. ³¹ Ditesuka: konsu yuna gondedi longu ye nkentu kan'gana nkanda lugambanu. ³² Kansi munu, yi luteledi nde yonsu yuna gondedi longu ye nkentu, kaka mudiambu di kinsuza, wu kuntumanga mu gangaye yonsu yuna kueledi nkentu ga gondedi longu wu yanganga ye yani. ³³ Benu diaka luwa butesuka ku bakuluntu: ku die ndefi ku kani bue, kansi wu fueti bo gangila ga ntuala Mfumu mo makulu wutela kimbangi mu ndefi'aku. ³⁴ Kansi munu, yi luteledi ku die ndefi nkutu ku, kani ku zulu, mudiambu yi kunda ki Nzambi; ³⁵ Kani ga ntotu, mudiambu kebulu kiani; kani ku Yelusalemi, mudiambu mbanza ntinu neni. ³⁶ Ku die ndefi ku ntandu ntu, kadi kulendi kitula mpembi go ndombi lusuki luaku. ³⁷ Bika n'gogu 'aku wukala inga, inga, nkatu, nkatu; makulu ma yi yikanga matukanga ku diabulu. ³⁸ Benu luwa butesuka: disu mu disu, ye dinu mu dinu. Kansi munu, yi luteledi mu konda katikisa bankua ngansi. ³⁹ Go muntu wu kuzubidi ku bundi di kibakala, wu n'gana diaka dinkaka. ⁴⁰ Go muntu zoledi ka ku gogila ye zoledi ka baka kinkuta kiaku ki Kimfumu, gu yumbudila diaka ki yunga kiaku. ⁴¹ Go muntu ta ku tuma mu ngolu u ganga funda di mosi, ganga ye yandi ma funda modi ye yani. ⁴² Gana ku yu u ta n'lomba, ye ku teki ku nima ku yuna ta zola ka sompa ku ngeyi. ⁴³ Benu luwa balutela: si wusola mfinangani'aku, ye bela mbeni'aku. ⁴⁴ Kansi munu, yi luteledi: luzola mbeni zenu, lusakumuna bo ba luniangisanga ye ba luzomanga, ⁴⁵ Musa nde lukala bana ba Se dienu wuna mu mazulu; kadi wu tubulanga ntangu'ani ku bambi ye bamboti, ye wu nokisanga mfula ku ba lunungu ye ku bambi. ⁴⁶ Go luzolanga bo bakuluzolanga, nki ndandu lubakidi? mimvakusi mpi diaka ba gangilanga bonsu bobo? ⁴⁷ Ye go lugananga mboti kaka ku mpangi zeno, nki lugangidindikingenga? bapakano diaka bagangilanga buna? ⁴⁸ Lukala balunga, bonsu Se dienu dimazulu wuna wulunga.