¹ Buna Yesu banata ku mpefi kuna makanganga, mu kumekama ku satana. ² Kunima bu kafua nzala bilumbu makumaya bi muini ye mpimpa, nzala yi mbaka. ³ Ntoti, bu kapusana, wu ntela: go wuna Nzambi, tuma nde mo matadi makituka mampa. ⁴ Yesu wu vutula: busonama: Muntu kalendi zinga kaka mu mampa ko, kansi mu n'gogu mitukanga mu nua Nzambi. ⁵ sanata wunata ku mpanza kinlongo, wuntula ga mbata tempelo, ⁶ Ye wuntela: go wuna muana Nzambi, wukigeta ku nsi; kadi busonama: si kagana lutumu ku mbasi zani mu kikuma ki ngeyi; ye si bakunata mu moku, mu bunguta nde kulu kungeyi si ku galakana tadi dimosi. ⁷ Yesu wuntela: diaka busonama: kulendi ntota nkutu Mfumu ko, Nzambi aku. ⁸ satana wunata diaka gana mongo wu zanguka, wunsonga bimfumu biakulu bi nza ye biesi biani, ⁹ Ye wuntela: si yikugana bima bio biakulu, go wu mfukameni ye kunsambila. ¹⁰ Yesu wuntela: wu nkatukila, satana! kadi busonama: wufueti sambila kaka Mfumu, Nzambi aku, ye kunsadila yani kaka. ¹¹ Buna Satana wu n'yambula. ye tala, mbasi ziyisa lukufi lu Yesu, ye kunsadila. ¹² Yesu, bukawa nde Yowani wuyekuka, wu tatuka ku ngalili. ¹³ Wu katuka ku Nazaleti, ye wuyisa kala ku kapenawumi, dina kumbela mbu, mu kinziunga ki zabuloni ye ki Nefitali, ¹⁴ Musa nde magoga Yesaya, mbikudi: ¹⁵ Nkangu zabuloni ye Nefitali, ku tini yifinameni ye mbu, ku nsi kunima Yolodani, ye ku Ngalili di Gentils, ¹⁶ Wo nkangu, wufongedi mu tombi, wu mueni kia; ye ku bana bafonga ku kiziunga ye kini ki lufua kia kitombokedi. ¹⁷ Yantika yo ntangu Yesu yantika mu longa, ye wu ta: luviluka, kadi kimfumu ki mazulu kifinameni. ¹⁸ Bonso buna kadietingi mu ndanda mbu wu Ngalili, wu mona mpangi zodi zi bayakala, Simoni, ba bokedingi Petelo, ye Andele, bingi yani, bakedi getanga mpuasa mu mbu; kadi bakala ba nlobi mpisi. ¹⁹ Wu batela: lundanda, ye si yilukitula nlobi mi bantu. ²⁰ Muna ntangu yayina, ba yambula mpuasa, ye banlanda. ²¹ Tuka gana bu bayenda kuntama kibeni, wu mona ba bodi bankaka mpangi zi bayakala, Yakobi, muana zebedayi, ye Yowani, mpangi yani wu yakala, bo bakala mu nlungu ye Zebedayi, tata bawu, ye bo balondedingi makonde mawu. Wu babokila, ²² ye muntangu yina basisa nlungu ye tata bawu, ye banlanda. ²³ Yesu wudiata mu Ngalili diakulu, wu longedingi mu nzo zi tukutukunu, mu ndongolo nsamu wu mboti wu kimfumu, ye ndiakisulu maladi makulu ye bieta biakulu gakati ki ngangu. ²⁴ Nkumbu yani yiwakana mu Sili diakulu, ye banatina bakulu ba beledingi maladi ye mpasi zi mpila mu mpila, mpefi zi mpi, mfula, ba koka; ye wu baniakisingi. ²⁵ Buka kineni ki nlanda, tuka ku ngalili, ku Dekapoli, ku Yelusalemi, ku Yuda, ye lutila Yolodani.