¹ Muntangu yina mu tuka Yowani Mbotiki, wu longedingi mu makanga ma Yuda. ² Wu tedingi: Luvilula madiela, kadi kimfumu ki mazulu ki finameni. ³ Yowani yuna ka gogila Yesaya, mbikudi, bu kata: yo yi ndinga yuna wuta boka mu makanga: mu kubika nzila yi Mfumu, mu tomisa nsoko miyani. ⁴ Yowani wukala mu mvuatu mi mika mi kamela, ye nsibu nkanda mbisi mu luketu. Wu didingi makonku ye niosi nseki. ⁵ Bantu ba Yelusalemi, ye Yuda diakulu ye nkangu wakulu wu nsi wu ndambu Yolodani, bayedingi ku yani, ⁶ Ye bafungunuengi masumu mawu, babotameningi ku yani mu nzadi Yolodani. ⁷ Kansi, wu mona mu kukuisa ku mbotama ba M'falisi bambidi ye Basaduki, wu batela: kanda di bana ba nioka zi mbalu, nani wulutedi mu kutina nganzi zi kuisa? ⁸ Lubuta mbutu mi kedika mi mvilula ntima, ⁹ Ye kalukintupidika ku mu goga mu benu mosi: tuvuidi Abalayami bonso tata! kadi yi luteledi nde mu matadi momo Nzambi lendedi buta bana ku Abalayami. ¹⁰ Buna kisengu ntama kituluka ga muansi wu nti wakulu si kawubuta mbutu ku wuzenguka ye geta ku tiya. ¹¹ Munu, yi lubotekedi mu masa, mu kulunata ku mviluka madiela; kansi yu wuta kuisa ku nima munu wu ndutidi mu ngolu, ye kina wufiana ku mu nata nsampatu zani. ¹² Yani, si kalubotika mu Mefi yi Nlongo ye mu tiya. Wuna ye kisesa kiani ga moku; si ka kombula kibansala kiani, ye si kakutika mbongu zani ^mu lundulu, kansi si kayoka nianga ku tiya katuzima ku. ¹³ Buna Yesu wutuka ku Ngalili Ku Yolodani ku Yowani, mu botama ku yani. ¹⁴ Kansi Yowani wukatikisa buawu, mu ku goga: munu ngina ye mfunu botama ku ngeyi, ye wu ta kuisa ku munu! ¹⁵ Yesu wumvutudila: yambula ma bungangi magangama, kadi buna bufuana tulungisa buna makulu mena malunungu. ye Yowani kankatikisa diaka ku. ¹⁶ Muntangu yina kaka Yesu kabotama, wutuka mu masa, mazulu mazibuka, ye wumona Mpefi yi Nzambi yikulumuka bonsu bembi ye yiyisa kuyani. ¹⁷ Ye tala, ndinga yimosi yiwakana mu mazulu mio n'gogu: yoyo yi muan'amu wu nginina kinzodila, kuyani nsidi ki nzodila kiamu.