¹ Yesu buka butuka ku Betelemi di Yuda, Mu ntangu Ntinu Elodi, tala bantu ba nduenga ba tuka ku kuselukilanga ntangu ba kuma ku Yelusalemi, ² ye ba zayisa: kuekenina Ntimu gu besi Yuda yu u butukidi bungangi? Kadi tu mueni Mbuetete'ani ku ku selukilanga, ye tuisidi muku Mfukimina. ³ Ntinu Elodi, buka wa mana u yangama mbundu, ye Yelusalemi diakulu kumosi ye yani. ⁴ U kutakasa Mbuta zi nganga zakulu ye soniki mi N'kangu ye u ba yufula keti kueyi ka feti butukina Christo. ⁵ Ba'n Zayisa: ku Betelemi di Yuda; kadi tala ma masonama ku Ngunsa: ⁶ ye ngeyi, n'toto gu Yuda, mukiedika kuna muana ntu Mbansa ko ga gena ntu mi mbansa zi yunda, kadi ku ngeyi kusa ku tukila Mfumu yu sa u dikila Isayeli, nkangu'amu. ⁷ Buna Elode wubokila mu kinsueki banduenga, ye wutoma bayufula mu bunketi tuka ntangu kua ntetembua yo yita lezima. ⁸ Buna wubafila ku Betelemi, wu batela: Luenda, ye lubaka nsamu mi ziku mu fimuana finsua; muntangu sa n'lumona, lunzayisa bo, mpasi nde ngienda munu diaka kumfukamina. ⁹ Buna bu bawila Ntinu, bayenda. Ye tala, ntetembua yo bamona ku tubukila ntangu yi dietingi ku ntuala bawu nati bu bakuma ga kifulu kikala fimuana finsua, yawu yitelama kuzulu. ¹⁰ Muntangu bamona ntetembua, bakala ye kiesi kineni kibeni kibabuila. ¹¹ Bakota mu nzo, bamona fimuana finsua ye Maliya, ngudi yani, bamfukamana ye bansambila; ye basibula kimvuama kiawu, ye bantambika wola, libano ye milo. ¹² Buna, bu balungusua ku Mefi yi Nlongo mu ndosi mu konda vutukila diaka ku mbela Elodi, bayendila ku nsi awu mu nzila yinkaka. ¹³ Bu bayenda, tala, mbasi mosi yi Mfumu yitukila Yosefi mu ndosi, ye yita: telama kuaku, baka fimuana finsua ye ngudi andi, lutina ku Ngipiti, ye lukala kuna nati busi yi lutela; kadi Elodi sa kasosa fimuana finsua mu ku n'gonda. ¹⁴ Yosefi wutelama, wubaka mu mpimpa fimuana finsua ye ngudi andi, ye ba tatuka ku Ngipiti. ¹⁵ Bakala kuna ti mfuilu Elodi, mpasi nde digoga Mfumu mu mimbikudi dilungana: yibokila muana munu ku Ngipiti. ¹⁶ Buna Elodi, bu kamona nde bansakinina ku banduenga, ngansi zineni zim'baka, ye wutuma bagonda bana bakulu tuka mimvu miodi ye kuzulu bo bakala ku Betelemi ye mu binsiunga biakulu, bonso bukadila bilumbu bi kayufula mu bunketi ku banduenga. ¹⁷ Buna bulungila mo makulu Yelemia, wu mbikudi: ¹⁸ Bawa mboka ku Lama, bidilu ye maniongo maneni: Lakeli tadila bana bani, ye kazoledi ko bambomba, mudiambu kabena diaka ko. ¹⁹ Muntangu Elodi kafua, tala, mbasi mosi yi Mfumu wumonikina mu ndosi ku Yosefi, ku Ngipiti, ²⁰ Ye wuta: Telama, baka fimuana finsua ye ngudi andi, ye nda wenda ku nsi Isayeli, buna bawu bazola moyu wu fimuana finsua ba fua. ²¹ Yosefi wutelama, ubaka fimuana finsua ye ngudi andi, ye wuyenda ku nsi Isayeli. ²² Kansi, bu kawa nde Alikelawusi wu yadidingi ku Yuda ga kifulu ki Elodi, se diani, wu banga mu kukuenda kuna; ye, Mpefi yi Nlongo yi n'luengisa mu ndosi, wu kigambula muna kiziunga ki Ngalili, ²³ Ye wuyisa fonga mu mbanza babokidila Nazaleti, mpasi nde malungana mana magoguka mu mimbikudi: sa babokidila Nazaleti.