¹ Mutangu yina, ba nlongoki ba finama ku Yesu, ye ba ta: nani wuna mbuta mu kimfumu kimazulu? ² Yesu, ubokila muana nduelu, gu ntula ga kati kibawu, ³ Ye gu ta: mukedika iluteledi, go ka luvilukidi ku ye kalukumini ku bonsu bo bana ba nduelo, si ka kalukota ku mu kimfumu kimazulu. ⁴ Mudiambu dina, konsu muntu sa gu kikulula bonsu fio fimuana nduelo sa kakala mbuta mu kimfumu kimazulu. ⁵ Ye konsu muntu tambuedi mu nkumbu munu muana nduelo bonsu yoyo, tambuedi munu mosi. ⁶ Kansi, go muntu tesesi sakuba ku yu mosi mu bana kuikidi ku munu, sa bukala bumboti kuyani ba'n kanga mu nsingu'ani tadi dineni, ye ban'geta mu nsi masa ma mbu. ⁷ Kiadi ku nza mukikuma ki ma sakuba! kadi dina mfunu nde masakuba ma kuma; kansi kiadi ku muntu ku yani masakuba ma kumini! ⁸ go koku kuaku go kulu kuaku bi ta tesesi sakuba, zenga biau ye geta bio ku nda ye ngeyi, bulutidi mboti ku ngeyi gu kota mu luzingu kulu ku mosi go koku ku mosi, nde gu mvua malu ma modi go moku ma modi ye gu kala gu getuka muna tiya katu manisanga ko. ⁹ Ye go disu diaku di ta ku tesisi sakuba, katula diau ye geta diau ku nda ye ngeyi, bulutidi mboti ku ngeyi gu tota mu luzingu, gu kala disu di mosi, nde gu kala meso modi ye wu getuka ku tiya tu bilungi. ¹⁰ Lu kikeba muku vueza gu mosi mu bana bo; kadi yilu zayisi nde ba mbasi b'au muna mazulu bata mona ntangu zakulu luse lu Tat'amu yu wuna muna mazulu. ¹¹ Kadi Muana Muntu gu wisi gulusa kikivila. ¹² Nki lu ta yindula mu go n'kenda? go muntu mosi mvuidi nkama ma memi, ye nde di mosi gana kati ki mana di vididi, si ka sisa ko luvua ye vua lu nkaka gana miongu, mu kue sosa dina di vididi? ¹³ Ye, go mueni diau, I ta kulu tela dio mu makedika, di ta ku n'gana kiesi ki kingi kulutila luvua ye vua luna ka lu vididi ko? ¹⁴ Mpila mosi, ka yi luzolo lu Tat'eno yu wuna mu mazulu ko nde gu mosi mu bo bana ba nduelo ka vila. ¹⁵ Go mpangi'aku neti masumu, nda wenda ye gu n'longila gana kati ki nge ye yani kaka. go u ku wididi, nungini mpangi'aku. ¹⁶ Kansi, go kaku wididi ko baka ku mosi ngeyi gu mosi go bantu bodi, mpasi nde mambu makulu ma gangimina muna n'gogu mi Mbangi zodi go mpangi zi tatu. ¹⁷ Go tunini muku ba wila, zayisa mau ku di bundu; ye tunini diaka muku wa dibundu, ka kala ku ngeyi bonso mu mpani ye vakusi. ¹⁸ I ta kulu tela dio mu makedika, makulu ma si lu kanga ga ntoto si ma kangama ku zulu, ye makuluma si lu kutula ga ntoto si ma kutuka mu zulu. ¹⁹ I lu teledi diaka nde, go ba bodi gana kati ki benu ba wiseni ga ntoto muku lomba kionso kima, si ki ba ganukina ku Tat'amu yu wuna mu ma zulu. ²⁰ Kadi ku kunaba bodi go ba tatu bena bakutakana mu nkumbu munu, ngina ga kati ki bau. ²¹ Buna Petelo gu finama ku yani, ye gogedi: Mfumu, ntangu kua yi feti yambudila ku mpangi'amu, muntangu si ka nata masumu ku munu? keti si bukala na te ye kuna nkumbu nsambuadi? ²² Yesu gu zayisi: ka zayisi ko nde na te ye kuna nsambuadi, kansi na te ye kuna lusammbuadi ye nsambuadi. ²³ I mu diambu dina, Kimfumu ki mazulu kina kifuanana ku ntinu mosi gu zola ka kavutula ndandu ku bisadi bi'ani. ²⁴ Muntangu ka yantika muku tanga, ba'n natina gu mosi yu kani gu vua funda di mosi di ma talanta. ²⁵ Bu kina nde ka kala ye bi ka feti futa ko, Mfumu'ani gu tuma ka teka, yani, nkentu'ani, bana b'ani, ye biakulu bi ka vua, ye nde m'fuka zi manisa. ²⁶ Kisadi, gu ki geta ga ntotu, ga fukama gu ntual'ani, ye gogedi, kala ye mvibulu ku munu, ye si yi ku futa zakulu. ²⁷ Gu mona nkenda, Mfumu gu kisadi kina gu n'yambula kenda, ye ba n'yambudila mfuka. ²⁸ Kunima bu ka tuka, kisadi kiani gu kutana ye gu mosi mpangi'ani gu kiasdi yu gu feti ku mfuta nkama nzimbu. gu mbakidi ye gu zekesi zekisi, muku zayisa: futa mfuk'amu. ²⁹ Mpangi'ani kisadi, gu kigata ga ntoto, gu ndondokedi, muku goga: kala ye mvibundulu ku muna, ye si yi ku futa ³⁰ Kansi yu u nkaka ka zola ku, ye gu ye ku geta mu nzo nkodi, na te ye kuna ka futila mfuka. ³¹ Ba kundi ba kisadi, bu bamona mana ma kuma, ba toma mona kibeni kiadi; ye baye zayisa ku Mfumu'au mana makulu ma luta. ³² Buna Mfumu gu bokila kina kisadi, ye gu ntela: Kisadi ki mbi, yi ku yambudila mfuka yakulu, mu diambu gu ndodokila; ³³ kani ku mona mpi kiadi ko ku mpangi'aku kisadi, bonso i mona kiadi kungeye? ³⁴ Ye Mfumu'ani gu fuema, gu n'yekula ku bi mpumbulu, na te kuna ka futila mfuka zakulu. ³⁵ I mu mpila yina Tata gu zulu si ka lu sendila, go gu konso mu muntu mu benu ka lemfokele mpangi'ani mu ntim'ani wakulu ko.