^1-2 Bi lumbu bi sambanu ku nima, Yesu gu baka ye yani Petelo, Yakobi, ye Yoani, mpangi'ani gu yakala, ye gu ba nata ga ki ngenga gana mongu gu zangama. ² gu kala gu soba ga n'tuala bau; kizidi kiani kisema bonso ntangu, ye mvuatu mi'ani mi kituka mi mpembi bonso ntemo. ³ Ye tala, Mose ye Eliya ba ba ba monikina, ba yambila ye yani. ⁴ Petelo, gu baka gogu, gogedi ku Yesu: Mfumu, buna bu mboti nde tukala gaga; go zoledi buau, si yi tunga gaga nzo tatu zi ma kapu, yi mosi mu diambudi Ngeyi, yi mosi mudiambudi Mose, ye yi mosi mudiambudi Elia. ⁵ Bonso bu kakedi goganga mpi, ntuti di mosi di kia di ba fika. Ye tala ndinga mosi yi goga muna tuti mio gogo: yo wuna ⁶ Muan'amu gu toma zolakana, mu yani yi sila nzol'amu yakula: lu n'wa! Muntangu ba wa yo ndinga, ba n'longoki ba bua gana tu se tuau, ye ba bakama bu nkuta bu ngolo. ⁷ Kansi yesu, gu finama, gu ba simba, ye gogedi: lu telema, ka lu kadi bu nkuta ko! ⁸ ba zanguedi meso, ye ba mueni kaka Yesu yani mosi. ⁹ Bonso bu ba kedi kulumukanga mu mongo, Yesu u ba gana lu lutumu: ka luzayisa ku muntu ko mu mbuenu yoyo, na te ye kuna Muana Muntu ka kala gu futumuka mu ba fua. ¹⁰ Ba n'longoki ba'n dia kio Kiufu: Mudiambudi nki buna ba nsoniki ba zayisanga nde Eliya ka feti kuisa nteti-nteti? ¹¹ gu vutula: dina di makiedika nde Eliya ka feti kuisa, ye ku vutula mambu makulu. ¹² Kansi yi ta kulu tela dio nde Eliya gu yisa, ka ba'n bakisa ko, ye ba'n baka bonso ba zodila. Ku mosi Muana Muntu si ka mona mpasi ku bau. ¹³ Ba n'longoki ba bakisa buna nde gu gogelengi mudiambudi Yoani M'botiki. ¹⁴ Muntangu ba kuma ga mbela ki buka, muntu mosi gu visi ki geta gu muku fukama ga ntuala Yesu, ye gogedi: ¹⁵ Mfumu, mfila nkenda ku muan'amu gu yakala, wu buanga ngambu, ye ta mona mpasi zi ngolu; gu buanga ntangu zi mbidi ku tiya, ye bu mbidi mu masa. ¹⁶ N'yi nata ku ba n'longoki bau, ye ka lenda muku belula ko ¹⁷ Kanda di bantu di ntima ngolo ye di nkalulu zi mbi, vutuedi Yesu, na te ye nki ntangu si yi kalanga ye benu? na te ye nki ntangu si yi lu siamina? lu ndatina yani ga. ¹⁸ Yesu gu goga kibeni ye kikesa ku mpefi yi mbi, nde tuka mu yani, ye muana gu beluka muna ntangu ya yina. ¹⁹ Buna ba n'longoki ba finama ku Yesu, ye gu ba zayisa mu ki ngenga: mudiambudi nki ka tu lenda ku muku kula yo mpefi yi mbi? ²⁰ yi muki kuma ki ntim'eno gu ngolo, gu ba teledi Yesu. I ta kulu tela dio mu makedika, go luna ya minu bonso nkeni yi seneve, si lu zayisa ku wo mongu: gu ki nata tuka ga ye kuna, ye si ka ki nata, nkatu kima si ki kala mpasi. ²¹ Kansi yo mpila yi mpefi yi tukanga kaka mu lusambulu ye mukumina n'soki. ²² Bu bakedi lutanga mu Ngalili, Yesu gogedi: Muana Muntu kafeti kala gu yekuka gu moku ma bantu; ²³ si ba gonga, ye muki lumbu ki tatu si ka futumuka. Ba kuma kibeni mu kiadi. ²⁴ Muntangu ba kuma ku kapelawumi, ba ba kedi bakanga zi mpaku za zodi ba goga ku Petelo, ye ba'n zayisa: N'longi'eno keti ka futa ku zi mpaku za zodi? ²⁵ Inga, zayisi, Ye muntangu ba kota mu nzo, Yesu u ba kanikini, ye gogedi, nki ta yindula Simoni? Mi ntinu mi ntotu, ku bana ba bakanga zi nzengolo zi luyalu go zi mpaku? zi bana bau, go zi ba nzenza? ²⁶ gu zayisi: zi nzenza. Ye Yesu gu vutuluedi: Buna bana ka ba ba sidi mu ndonganko. ²⁷ Kansi, mukusa nde ka ba ba tesi ku ma sakuba, nda wenda kuna m'bu, geta lugaku, ye benda mbisi masa yi yi nteti si yisi; zibula nu'ani, ye si gu mona mbongo ziki sengu. baka zau, ye gu ba gana zau mudiambudi munu ye mudiambudi ngeyi