¹ Muntangu Yesu ka manisa bi gogo biani, gu katuka ku ngalili, ye gu yenda mu n'lambu gu Yudea, kuna ntandu Yolodani. ² Kibuka kinene ki mueni, ye kuna beluesi ba befu. ³ Ba fabisi ba'n gogisa, ye ba goga, muku n'tonnta: Keti dina luve ku muntu mu katula nkentu'ani mu konso ki kuma? ⁴ gu vutula: ka lu tanga ku nde n'gangi, muna luyantiku, gu ganga bakala ye nkentu ⁵ ye gu goga: I mundiambudina yakala sika sisa tat'ani ye ndudi'ani, ye si ka kavukana ku nkentu'ani ye ba bodi si ba kuma n'suni gu mosi? ⁶ Buna ka bena diaka ba bodi, kansi bena n'suni gu mosi. Yambula buna yakala ka gambasaku kina Nzambi ka vuka. ⁷ Mudiambudi nki buna, ba'n zayisa, Keti Mose gu tuma ba gana ku nkentu nkanda gu ngondolo nlongo ye ku n'kula? ⁸ gu ba vutudila: I mudiambudi ntim'eno gu ngolo nde Mose ka lu ganina luve luku kula ba nkentu benu; muna luyantiku, ka ma kadila buna ko. ⁹ Kansi I lu teledi nde yu kudidi nkentu'ani, kaka mu kinsuza, ye yani kueledi gu nkaka, gengi ki nzuza. ¹⁰ Ba n'longoki ba zayisi: go yi bobo bu ta lombila nde yakala mu mana matadidi nkentu, ka bina ndandu ko muku nkuela. ¹¹ gu ba vutuluedi: bakulu kaba bakisa ku go gogu, kansi kaka ku bana mana ma ganukina. ¹² Kadi gena ye ba solama bene buna tuka muna kivumu ki ndudi zau; gena ye bau ba kuma buna mu nzila bantu; ye gena bana baki kumisa ba bamosi, muki kuma ki kimfuma ki mazulu. yambula yuna lendi bakisa ka bakisa. ¹³ Buna ba'n natina bana ba nduelo, mpasi ka ba ntensika moko ye gu sambila mudiambudi bau. Kansi ba n'longoki ba kedi ku ba keminanga. ¹⁴ Ye Yesu gogedi: lu yambula bana ba nduelo, ye ka lu ba kemina ko besa ku minu; kadi Kimfumu ki mazulu kifuanakeni ku bau. ¹⁵ gu ba tesika moko, ye gu katuka gana. ¹⁶ Ye tal, muntu mosi gu filama, ye gogedi ku Yesu: N'longi, Nki ndendi ganga ki mboti muku baka luzingun lu lembua nsuka? ¹⁷ gu vutudila: mudiambudi nki gu ta ku n'gyufudila mu mo mena ma mboti? gu mosi wuna gu mboti. gu zoledi gu kota mu luzinga, zitisa mi n'siku. ¹⁸ Nki miau? gu n'zayisi. Ye Yesu guvutula; si ku gonda ko; si ku sala kinsuza ko; si ku yiba ko; si ku ta kimbangi ki luvunu ko; ¹⁹ zitisa tat'aku ye ngudi'aku; ye si gu zola mpangi'aku bonso ngeyi mosi ²⁰ Toko di yakala gu n'teledi: yi zitisanga mo mambu makulu; nki ki ta ku nkonda diaka? ²¹ Yesu gu n'teledi: go zoledi gu kala gu fuana, nda, teka bi wuna ye biau, gana bio ku ba mputu, ye si gu baka kimvuama kuna zulu. buna nza wisa, ye gu ndanda. ²² Kunima ka wa mio gogo, toko di zakala gu yenda ye kiadi kiakulu; kadi gu vua mvuilu yi ngolo. ²³ Yesu zayisi ku ba n'longoki b'ani: I lu teledi dio mu makiedika, mvuama si kota mu mpasi mu Kimfumu ki mazulu. ²⁴ I lu teledi diaka, dina kibeni di konda mpasi ku kamela ka luta muna wundu di ntumbu ka ku mvuama ku ka kota muna Kimfumu ki Nzambi. ²⁵ Ba n'longoki, bu bawa mana, ba toma yituka, ye ba goga: buna nani gu lenda guluka? ²⁶ Yesu gu ba tala, ye u ba teledi: Ku bantu dina mpasi, kansi ku Nzambi di konda mpasi. ²⁷ Petelo, bakidi gogu, gu n'teledi: tala, tu sisa bima biakulu, ye tu ku landa; bueyi si bu kala mudiambudi beto? ²⁸ Yesu gu ba vutudila: I ta lu tela dio mu makiedika, muntangu Muana Muntu, mu mbutululu yi bima biakulu, si ka fonda ga kiandu ki nkembo, benu lu ndanda, si lukala diaka ba fonda gana biandu kumi ye zodi, ye si lu fundisa makanda kumi ye modi ma Isalayele. ²⁹ Ye Yonso muntu yu sa ka sisa, muki kuma ki nkumbu'amu, ba mpangi b'ani ba ba yakala, go ba mpangi b'ani ba ba nkentu, go tat'ani, go ngudi'ani, go nkentu'ani, go bana b'ani, go ntutu mi'ani, go nzo z'ani, si ka tambula nkama nkama, si ka yingila luzingu lu konda nsuka. ³⁰ Ba mbidi mu ba ba nteti si ba kuma ba nsuka, ye ba mbidi ba nsuka si ba kuma ba nteti.