¹ Bu kikala nde Yesu manisi ku goga mambu makulu, yani wu zayisa ku banlongoki bani: ² « Benu luzeyi nde nkinsi Paki si wu kala ku nima bilumbu biodi, ye muana muntu si ka yekulua mpasi bankoma.» ³ Buna ba mbuta zi nganga ye ba mbuta zi bantu bakutakana kuna kibansala ki Kayifa, mbuta yi banganga. ⁴ Bawu ba sala fongu mu ku kanga Yesu mu kinsueki ye mu ku ngonda. ⁵ kadi bawu ba kesi tanga:« Mboti ka bukala mu ntangu nkinsi ku, mu ku kakidila nkindu ku nkangu.» ⁶ Yesu wukala kuna betelemi muna nzo simoni nkua& wasi. ⁷ Bu ba kala ga mesa, muana nkentu mosi wu yisa ku yani ye mbuata yikala mafuta ma nsunga ma ntalu ngolu, ye yani wubukula yo ga ntu Yesu. ⁸ Kansi, minlongiki bu bamona buna, bawu ba dasuka ye bagoga: « Mu nki kikuma mfuilu mpila gogu? ⁹ Mafuta ma nsunga momu nga tilendedi mo teka mu ntalu yi neni ye gana mbongu ku ba mputu.» ¹⁰ Kansi, Yesu bukabazaya wubatela: « Munki diambu lutakigangila mpasi mu diambu di muana nkentu? Yani sadidi diambu di mboti ku monu. ¹¹ Benu si lukala ye ba mputu ntangu zakulu, kansi benu ka si ka lumvuaku ntangu zakulu. ¹² Mu ntangu yani ka muangesi mafuta ma nsunga momu mu ntu amu, yani sadidi mo mu nziama amu. ¹³ Mukiedika monu yi luteledi, kuakulu mu nza bamuangasa nsamu mboti, si ba goyila ma masadidi muana nkentu yoyu mu ku mbambukila mbudu.» ¹⁴ Yu mosi mu bawu kumi ye zodi, wena ye nkumbu Yuda Isikaliyoti, wu yenda kuna ku kala ba ngudi zi nganga. ¹⁵ Ye wuta: « Nki si lungana mpasi yi luyekulula yani?» Bawu bantesila makuta makumatatu ma mbongo mu diambu di yani. ¹⁶ Tuka ntangu yina, yani wukesi sosanga ntangu yi fuana mu ku yekula. ¹⁷ Mu kilumbu kinteti ki dimpa di kundu funa, minlongoki ba yufulz Yesu ba goga: « Kueyi zoleldi tu ku kubikila madia ma Paki?» ¹⁸ Yani wu batela: « Luenda kuna mbansa ku muntu mosi ye luntela:" Nlongi bu katedi: « Ntangu yi filameni. Monu nzoledi yidika madia ma Paki kuena ngeyi ye minlongoki miamu.» ¹⁹ Banlongoki ba sala mana ma ka tuma Yesu ye bawu ba yidika madia ma Paki. ²⁰ Nkokila bu yikuma, yani wu vonda ga mesaye banlongoki bani ba kumi ye zodi. ²¹ Mu ntangu ba kesi dianga, yani wuzayisat: « Mukiedika monu yi luteledi, yu mosi ga kati ki benu si ka ngiekula.» ²² Bawu ba toma mona kiadi ki mbidi ye moso mosi bawu ba yantika ku yufular: « Keti monu mfumu?» ²³ Yani wubatela: « Tuna si wuvika koku kuani ye monu mu madia, yi yani si wu ngiekula. ²⁴ Muana muntu si kenda bonsi bu sonama mu diambu di yani. Kansi kiadi ku yani yekuedi muana muntu! bu mboti bukani kala go muntu yoyu ka butuka ku.» ²⁵ Yuda, yu kesi zolanga ka yekula, wu ntela: « Keti monu, mfumu?» Yani wuntela: « Ngeyi moso gogedi mo.» ²⁶ Bukikala nde ba kesi dianga, Yesu wu baka dimpa, wusakumuna dio, ye wu bukunina dio. Yani wu gana dio ku banlongoki wu goga: « Lubaka ye ludia. Yoyu yi nitu ami.» ²⁷ Yani wubaka mbungu ye wusakumuna yo. Yani wu bagana yo wu goga: « Lunua benu kulu; ²⁸ Kadi momu yi menga mamu, ma ngiambudulu masumu ma matiamuka mu diambu di bantu ba mbidi, mu diambu di kiadi ki masumu. ²⁹ Kansi monu yi luteledi, monu si kinua diaka bi bitukidi mu ngeni zi vinu ku, na te ye mu lumbu kina si yi baka benu diaka mu kimfumu ki se diamu.» ³⁰ Bu ba manisa mu yimbila, bawu ba yenda kuna mongu wu Olive. ³¹ Buna Yesu ubatela: « Benu kulu si lungiambula mu nkokila yiyi; kadi busonama: " monu si yi zuba mvingi ye mamemi si ma muangana." ³² Kansi bu si yifutumuka, monu si yi kikumina kuna Ngalili.» ³³ Kansi Petelu wu ntela:« Kadi bakulu si ba kutina, monu kilendi tinaku.» ³⁴ Yesu wu ntela: « Mu kiedika monu yikuteledi, mu mpimpa yiyi, tekila nsusu yi kokila, ngeyi si untuna nkumbu tatu.» ³⁵ Ye Petelu wunteledi: « Kani nde monu si yi fua ye ngeyi, monu ki lendi kutunaku.» Ye banlongoki bakulu ba ta ku mosi ³⁶ Buna Yesu wuyenga ye bawu ku kifulu ki batelanga Ngetesemaniye wuta ku banlongoki bani: « Luvnda gogu benu monu ngiedi kuna mu sambila.» ³⁷ Yani wubaka Petelu ye bana ba Zebedayi, ye yani wuyantika mona kiadi ye bu nkuta. ³⁸ Buna yani wubatela: « Moyu amu wena ye kiadi, kani ye kuna lufua. Lusala gogu ye ka lulekaku bonsu monu.» ³⁹ Bu ka kuma fioti ku ntama, wu bua mu kifu kiani ye wusambila wu goga: « Se diamu, Go bu lendakeni katula mbungu yoyu mu monu. Kabonsi nzoledi monu ku, kansi bonsi ngeyi zoledi.» ⁴⁰ Yani wuvutuka kuna ku kala banlongi bani te wu ku babuana ba leka. Buna yani wu tela Petelu: « Bueyi? benu ka lulendedi vondaku kondu kuleka bonsi monu kani mu ntangu mosi? ⁴¹ Luvumbuka ye sambila mpasi ka lukota mu mpukumuni ku. Mpefi yena ikubama knsi nsuni ka wena ngolu ku.» ⁴² Yani wu galuka diaka nkumbu nkaka ye wu sambila mu ku goga: « Tata, keti ka bulendi kalaku nde mbumgu yoyu yenda ku ntama kondu ku nua yo monu, bika luzolu luaku lugangama.» ⁴³ Yani wu yisa vutuka diaka ye wuyisa ku ba buana baleka; kadi mesu mawu makesi vuetanga ye bu molu. ⁴⁴ Buna yani wu ba sisaye wuyenga kunda. Yani wusambila mu nkumbu yi tatu mu ku goga bonsi ma kateka goga. ⁴⁵ Kunima Yesu wuvutuka kuna ku kala banlongoki bani ye wu batela:« Lukeba benu ye luvunda diaka? Lutala ntangu yifueni muana muntu si ka yekulua ga moku ma ba nkua masumu. ⁴⁶ Lutelama, tuenda. Lutala, yu wuku ngiekula kumini.» ⁴⁷ Muna ntangu yina yani ka kesi goganga, yuda, wu mosi mukuni ye zodi, wukuma. Ndonga bantu ba mbibi yi tuka ku ba ngudi zi nganga ye ba mbuta ba bantu bayisa ye yani. Bawu bayisa ye masabalo ye nkawu. ⁴⁸ Muntu yu wuzola yekula Yesu wu kiganina kidimbu wu ta:« yonsi yuna si yi yamba, yi yuna, lumbaka.» ⁴⁹ Muna ntangu yina kaka, yani wu yisa ga mbela Yesu ye wuta:« Mboti nlongi!» Ye yani wufiba Yesu. ⁵⁰ Yesu wunteledi: « Nkundi, sala mana wisidi sala.» Buna bawu ba yisa, ba kanga Yesu, ye ba mbaka. ⁵¹ Tala, yu mosi ku bawu bakala ye Yesu buka lambula koku kuani wu tukisa sabalakiani, wu bula kisadi ki ngudi nganga ye wu nzenga kutu. ⁵² Buna Yesu wu teledi: « Vutula sabala diaku gana fulu kiani, kadi bakulu bana si basadila si bafuila mu sabala. ⁵³ Ngeyi bu ta yindula monu kilendi bokila se diamu ku mpasi ka mfila kulutila mbasi kumi zodi zikala ga lueka luamu? ⁵⁴ Buna bueyi masonuku manlogu si malungana, mpasi mambu momu maluaka? ⁵⁵ Muna ntangu yina, Yesu wu zayisa ku nkangu: « Benu bue luisidi ye minti ye ma sabala mu lu nkanga bonsi muifi? Monu yikesi vondanga bilumbu biakulu mukinlonguye yi kesi longanga, ye kansi benu kalunkangaku. ⁵⁶ Kansi mana makulu go mesedi musa nde, ma masonika ba nbikudi malungana.» Buna ba nlongoki bakulu ba nsisa ye balemuka. ⁵⁷ Ba bakanga Yesu ba nata ku Kayifa, yani yi ngudi ba nganga, Buna zinsoniki ye ba mbuta zi nganga bakutakana. ⁵⁸ Petelu wulanda Yesu na te ye kuna kibansala ki ngudi banganga. Yani wu kota ye wu vonda ye minkengi mu kutala mambu ma si maluta. ⁵⁹ Bangudi zi nganga ye bamfundisi bakulu ba kesi sosanga ki mbangi ki luvunu mudiambu di Yesu, mpasi bawu ba n'gonda. ⁶⁰ Kansi bawu ka ba mona diambuku, kani buna kikala nde mbangi zi luvunu zi yisa zi mbidi. Kunima bantu bodi ba yisa. ⁶¹ Ye ba zayisa: « yo muntu bu kazayisa"Monu lendi ndenda mukubuisa ki nlongu ki Nzambi yemu kutungudila kio mu bilumbu bi tatu."» ⁶² Buna mbuta ba nganga wutelama ye wu ntela: « Ku lendi gana mvutu ku?» Nki mambu ba ta ba bantu mu diambu di ngeyi?" ⁶³ Kansi, Yesu ka gana mvutuku. Mbuta ngudi banganga wu ntela: « Monu yi kulombedi mu nkumbu Nzambi wena moyu mu kututela keti ngeyi Klistu, muana Nzambi.» ⁶⁴ Yesu wugana mvutu: « Nge mosi gogedi mo. Kansi monu yi kuteledi, tuka bubu ngeyi si wu mona muana muntu vuendi ku koku ku bibakala mu lendu ye si kesa mu matuti ma zulu.» ⁶⁵ Buna mbuta ngudi ba nganga wu pasula binkutu biani ye wutat: « Yani fingidi nsiku! mu nki diambu tu fueti kadila diaka ye mfumu ba mbangi? lumueni, benu luwidi bu kafingidi. ⁶⁶ Nki luyinduedi benu?» Bawu bavutula: « Yani fueni Lufua.» ⁶⁷ Bawu ba ntabudila mate ku kifu, banzuba zi mbata zawu. ⁶⁸ Ba ntela: « wutubikula, Klistu. Nani wu kuzubidi?» ⁶⁹ Petelu wukala wu vonda ku nzila gana kibansala, kisadi ki mosi ki nkentu ki yisa ku yani ye wu ntela: «Ngeyi diaka bu lu kesi ye Yesuyu wu muisi Ngalili.» ⁷⁰ Kansi yani wuntuna ga ntuala bakulu, wu samuna: «Muno ki ta zayaku keti nki mambu ta goga.» ⁷¹ Mu ntangu ka kesi kuendanga kuna ndambu mueli wu ntukila, kisadi ki nkaka ki nkentu wu mona ye wu ta ku bana ba kala gana: « Yu muntu diaka bu bakesi kalanga ye Yesu muisi Nazaleti.» ⁷² Ye yani wutuna diaka mu kudia ndefi: « Monu kizeyi muntu yoyu ku.» ⁷³ Kunima fi ntangu, ba bakala gana bayisa ye ba samuna ku Petelu: « Munkala ngeyi wena diaka wu mosi mu bawu; kadi ngogolu aku yi ta ku funda.» ⁷⁴ Buna, yani wu yantika mu ku ta ye kudia ndefi: « Monu kizeyi muntu yoyu ku.» Muna ntangu yina nsusu yi kokila. ⁷⁵ Petelu wu bambuka mbundu mu mambu ma ntela Yesu: « Tekila nsusu koku yi kokila, ngeyi si wuntuna nkumbu tatu.» Buna yani gutuka ye wu toma dila.