¹ Buna kimfumu ki mazulu si kifuanana bonsu ndumba kumi ba bonga minda miawu ye ba yenda mu kue vingila yakala. ² Zi tanu ga kati ki bawu zi kala mazoba ye zi tanu ba kala ye nduenga. ³ Kadi muntangu mazoba ba baka minda miawu, bawu kabatula mafutamu muinda miawu ku. ⁴ Kansi ba balala ye nduenga ba baka malata ma mafuta ye minda miawu. ⁵ Ye bu kilala nde yakala wu nanga mu ku kuma, bakulu ba lemba ye baleka. ⁶ Kansi mu midi mi mpimpa, mbokolu yikala: «lutala! yakala di lueki! luenda lue ku nbinga!» ⁷ Buna ndumba zakulu zi vumbuka ye bayidika minda miawu. ⁸ Ba zoba ba zayisa ku bankwa nduenga:«lutugana ndambu mafuta menu kadi betu minda mietu mi ta zima!» ⁹ Kansi ba nkua nduenga bavutula:« Bukiena nde ka mena mafuanaku mu diambu di betu ye benu, luenda ku bawu batekanga mo ye lusumba mo mu diambu di benu mosi.» ¹⁰ Mu ntangu bawu ba yenda mu kusumba mafuta ye yakala di kuma, ye bana ba kala bakubama ba yenda ye yani ku nkinsi ye ba kanga muelu. ¹¹ Ku nima ndumba zi zinkaka zi kumza diaka ye ba goga: « Mfumu, mfumu utezibila muelu.» ¹² Kansi yani wu batela: « mukiedika monu iluteledi, ki luzeyiku.» ¹³ Lukikeba, kadi benu kauzeyi kilumbuku kani ntangu. ¹⁴ Kadi si kikala bonso muntu bu kakubama mu kuenda ku nsi yi nkaka. Yani wubokila bisadi biani wu gana bimvuama biani. ¹⁵ Ku yumosi mu bawu yani ugana talanta tanu, ku yu unkaka talanta zodi ye yu nkaka talanta mosi. Konsi muntu wu baka talanta bonsi buenina ngolu zi konsu muntu ye muntu yo yuwu yenda mu ndengani. ¹⁶ Muna ntangu yina, yu ubak tazlanta tanu wu kitula zo ye wubaka nluta wu talanta tanu zi nkaka. ¹⁷ Ku mosi ye yu wubaka talanta zodi wu litula zo ye wubaka diaka nluta wu talanta zodi zi nkaka. ¹⁸ Kansi kisadi ki kibaka talanta mosi wu tima bulu mu ntotu, ye wu zika mbongu zi mfumu ani. ¹⁹ Ntangu nda kunima, mfumu bisadi biobi wuvutuka ye wu ba yufula ntalu. ²⁰ Kisadi kikibaka talanta tanu wuyisa ye wunata talanta tanu zi nkaka ye wu ta: « Mfumu ngeyi wu ngana talanta tanu. Tala, talanta tanu zi nkaka zi lutidi.» ²¹ Mfumu ani wu ntela: « Bumboti, kisadi ki mboti ye kilemfuka! Ngeyi ulemfukidimu bima bi nduelu; monu si yikuyikila bima bi mbidi. Kota mu kiesi ki mfumu aku.» ²² Kisadi ki kibaka talanta zodi wu tisa ye wuzayisa:« Mfumu, ngeyi wungana talanta zodi. Tal, monu yikuyikidi talanta zodi.» ²³ Mfumu ani wuntela:« Bu moti, kisadi ki mboti ye kinlemfu! ngeyi wu kesi wu nlemfu mu bima bi nduelu, monu si yi kuyikila bima bi mbidi. Kota mu kiesi ki mfumu aku.» ²⁴ Kunima, kisadi ki kibaka talanta mosi wu yisa ye wuzayisa:« Mfumu, monu nzeyi nde ngeyi munyu mpasi wena. Ngeyi wubakanga bima buna ku, ye ukionanga bima ku sesediku. ²⁵ Monu yi kala ye bunkuta, buna yi yenda, ye monu yi sueka mbongu zaku mu ntotu. Tala, ngeyi mbongu zaku.» ²⁶ Kansi mfumu ani wu ntela: « Kisadi ki mbi ye molu, ngeyi wu zaya nde monu yi bakanga bima kikuma ku. ²⁷ Nga wutula mbongu zamu ku nzo yilundanga mbongu ye mu mvutuka amu, nga fueti baka mbongu zamu ye nluta gana ntandu.» ²⁸ Lubaka talanta diena yani ye lugana dio ku kisadi kiena ye talanta kumi. Kadi ku yani, widi si bagana bimbidi (kanibilendi lutila.) ²⁹ Kadi, ku yani ka widiku, kani kima kiena yani si ba kiona kio. ³⁰ Lutuba kisadi ki mpamba kuna nzila kuena mpimpa, bna kuma bibilu ye ntuetusu mi menu.» ³¹ Mu ntangu muana muntu si kesa mu nkembuani ye mbasi zakulu ye yani, buna yani si ka vinda ga kiandu kiani ki nkembu. ³² Makanda makulu si makutakana ga ntuala yani ye yani si ka bambula bantu ye bana, bonsi mvungi ka gambulanga ma memi ye nkombu. ³³ Yani si katula ma memi ku koku kuani ku kitata, ye zi nkombu ku koku kuani ku kimama. ³⁴ Buna ntinu si ka zayisa ku bawu bena ku koku kuani ku kitata:« Luisa beno lusakumunua ku se diamu, lubaka kimfumu ki bakubika mu diambu di benu tuka bagangila nza. ³⁵ Kadi monu bu yikala ye nsatu benu lungana madia; yi kala ye nsatu masa benu lungana masa; ³⁶ monu yikala nzensa ye benu luntambula; yikala kinkonka lungana mvuatu; yikala ye kimbefu ye benu lumbuka; yi kala mu boloku ye benu luyisi ku ntala.» ³⁷ Buna balunungu si ba vutula: « Mfumu, nki ntangu tukumona betu nde ngeyi fuidi nsatu ye tu kugana betu madia? Kani nsatu masa buna betu tukugeni masa wu nua? ³⁸ Ye nki ntangu tukumona ngeyi nzenza, ye betu tukutambuedi? Kani ki nkonka betu tu ku vikidi bi nkutu? ³⁹ Ye nki ntangu tukumona betu nde ngeyi ta bela, kani wena ku bolokuye betu tuisi ku tala? ⁴⁰ Ye ntinu wuvutula « Mu kiedika monu yi luteledi, konsu kima ki lusadidi benu ku yu mosi mu balreki bamu ku monu lusadidi mawu.» ⁴¹ Buna yani wuta ku ba bakala ku koku kuani ku kimama: « Lukatuka ga gena monu, ba nkua nloku, luenda kuna tiya tukondolu nsuka tuyidikua mu diambu di satana ye mbasi ani. ⁴² Kadi monu yi kala ye nsatu kansi benu kalungana mu dia ku; yi kala ye nsatu masa kansi benu ka lungana masa ku; ⁴³ Monu yi kala nzensa kansi benu ka luntambulaku; yi kala ye kinkonka kansi benu ka lu mvika binkutu ku; yikala ye kimbefu kansi benu ka lumbukaku; yi kala ku boloku kansi benu ka luyisi kuntalaku.» ⁴⁴ Buna bawu si ba vutula diaka ye ta: « Mfumu mu nki ntangu tu ku mona ngeyi ye nsatu, kani nsatu masa, kani nzensa, kani ki nkonka, kani ye kimbefu, kani mu boloku, ye betukatusala kani kima kimosiku mu bima biobi? ⁴⁵ Buna yani wu ba zayisa: « Mu kiedika, monu yiluteledi, mana benu kalusalaku ku yu mosi mu ba leki ba, benu kalusala mokuku monu.» ⁴⁶ Buna bawu si benda kuna mpasi zi mvu ye mvu ye balungu kuna luzingu lu mvu ye mvu.»