¹ Muhense mukhakholi vulunji vwenyu imberi wa vandu, khu mutukhe khulolekha navo: havula shyu mu lanyola matanyi khurula khu Ise wenyu uli mwikulu. ² Khu, lwa muhananga vukhonyi khu vamanani, mukhikhuvira shisiriva khuli vakati vakholanga mu masinakochi kavo nu tsinjira, khu vandu vavakhuminye. Ka kyirikali muvoleranga munye, vamali khunyola matanyi kavo kosi. ³ Navutsa lwa uhananga vukhonyi, ukhalekha mukhono kwokwo mukata kumanye shyu mukhono kwokwo mulunji kukholanga tawe: ⁴ khu vukhonyi vwenyu khu vandu mu vwivisu; Na Ise wenyu alolanga mu vwivisu alitsa khu murhunga matanyi.

⁵ Lwa mu saalanga, mukhava khuli vandu vakati, shichira vayansa khusaala mu masinakochi khaandi ni vasinjire mu masanganjira, khu valolekhe na vandu. Ka kyirikali va voleranga, vanyola khale matanyi kavo. ⁶ Navutsa munye lwa mu saalanga, mwinjire munsu, ma wikale mulyango, musaale khu Ise wenyu ali mu vwivivisu: Na Ise wenyu alolanga mu vwivisu alamuha matanyi. ⁷ Na lwa munye mu saalanga, mu kharhumikhiri mukhuva manyikhi kavutsa khuli vi tsihiri va saalanga; shichira vakanakananga va la hulirwa shichira makhuva kavo manyikhi. ⁸ Khu lwa yako, mukhava khuli yavo, shichira Ise wenyu yamanya lyenya lyenyu, nu mushiri khu murheva. ⁹ Khulwayako musaale ndi: "Ise werhu uli mwikulu, lirha lyolyo lyitsominywe; ¹⁴ Shichira nu muvera vandu vamwononeranga Ise wenyu wu mwikulu alamuvera munye. ¹⁵ Navutsa munye muvula khuvera vandu va mwononeranga, khaandi Ise wenyu neye shyalamuvera vutamanu vwenyu tawe.

¹⁶ Lwa muhonga vuchira khulya, mukhasulunyi mmoni khuli vakati vakholanga, vivikha vu vereri mmoni mwavo nu khwisamukhitsa, vatukhe khulolekha na vandu vahonji vuchira khulya. Ka kyirikali muvoleranga munye, vamala khunyola matanyi kavo kosi. ¹⁷ Navutsa munye, lwa muhonga vuchira khulya mwivekhe makura mmurwi khaandi musave mmoni. ¹⁸ Muvule khulolekha khu vandu muhonji vuchira khulya: na Ise wenyu alolanga mu vwivisu, alamuha matanyi.

¹⁹ Mukhivikhiri myandu khulirova khunu, ha tsisere nu vuruvembe vyononyinya vindu, khaandi ha vivi vinjira nu khuvivira. ²⁰ Navutsa mwivikhire munye vene mavikhiro kenyu mwikulu, ha tsisere anoho vuruvembe vikhatukhayo khwononyinya, na ha vivi vakhinjira nu khwiva. ²¹ Ha myandu chyochyo chyili naho hu mwoyo kwokwo kuva khaandi. ²² Imoni nayo itaha yu muviri. Khu imoni niva niri indahi muviri kwosi kulava nu vulavu. ²³ Navutsa imoni niva intamanu, muviri kwosi kulitsula shisundi. Na nikava vulavu vuli mu munye vulava ni shisundi, shisundi shene yesho shilava shikali ndi! ²⁴ Shya khuliho nu mundu unyala khurhumikhira vami vaviri, shichira ala dunyira mulala, na ayanse wundi, anaho alayansa mulala, na wundi amuchaye. Shunyala khurhumikhira Nyasaye ni tsirupya tawe. ²⁵ Khu lwayako vavoleranga munye, mukhahenderi mwoyo liva lyenyu, ni shina shya nu munyanye, anoho ni shina shya nu mung'wi, anoho khu muviri kwenyu shya mwifwala. Liva mwoyo shilivirhanga shyukhulya, na muviri shyukuvirhanga tsinguvu tsyu khwifwala. ²⁶ Muhensere khu manyonyi ku mwikulu: shikarakanga na shikachesanga, anoho khwivikhira mushyachi, navutsa Ise wenyu wu mwikulu akalikhitsanga. Munye shyumuli vwu vukuli vukali khuvira manyonyi? ²⁷ Nu wina khumunye khu lwu khuhenda mwoyo, anyala khwimetakhu vurambi vu mukhono mulala? ²⁸ Shichira shina muhenderanga mwoyo shya mwifwala? Muhensere khu vimuli vili mumilimi khuli vimeranga. Shivikhola mihinsi, anoho khwinavira tsinguvu. ²⁹ Navutsa muvoleranga munye, Khali Solomoni muvukhumi vwevwe shiyafwala khu khuli shilala khu yivi. ³⁰ Khu niva Nyasaye anyala khuvifwala vulimo vuli mu mirimi, vuliho nundi, na mukamba vurhemwa nu khuvikhwa mu muliro. Shyala vafwala munye khuvira yivi, munye vi lisuvira litititi? ³¹ Khu lwayako mukhakanakani, nu khuvola, khulanyanya shina? Anoho khulang'wa shina? Anoho, khulifwala shina? ³² Vandu vitsihiri tsindi navo vyavakhavanga, na Ise wenyu wu mwikulu yamanya muli nilyenya lyi vindu yivi. ³³ Navutsa mukhave vwami vwa Nyasaye khuranga, nu vulunji vwevwe, na vindu yivi vyosi mulametwa. ³⁴ Khulwayako mukhakanakani ka mukamba; mukamba kulikanakanira vindu vyakwo kwene. Lekhi Vuli litukhu live nu vutinyu vwalyo lyene.