¹ Yesu yimirirwa na Roho Mutakatifu mu natsya s, atukhe khuchelitswa na Setani. ² Na lwa yali ni yakhahonga vuchira llya matukhu makhomi kane, mmbasu nu vutukhu, yahulira insala. ³ Na muchelitsi yamanya ni yitsa khuye, namuvolera, "Niva uli Mwana wa Nyasaye, laka machina yaka kakwi mikati."

⁴ Yesu yarhevula namuvolera, "Kahandikwa, Mundu shyalava mwoyo shichira mikati chonyene tawe, nikhali alava mwoyo shichira vuli likhuva lirhulanga mu munwa kwa Nyasaye."

⁵ Setani yamuhira mu litaala litakatifu, na muvikha khu shisekese shyi litemberi, ⁶ Na muvolela, "Niva uli mwana wa Nyasaye, rhuuma hasi; shichira kahandikwa, alalaga tsingelosi veve vakhulinde: valakhuchinga mu makhono kavo, uvule khwisikarhala shilenje shyoshyo khu lichina."

⁷ Yesu yamuvolera, "kahandikwa khaandi, "ukhachelitsa Mwami Nyasaye wowo."

⁸ Khaandi Setani ya muvukula na muhira khu shikulu shirambi muno, namumanyinya vwami vwosi vwishivala, nu vukhumi vulimu. ⁹ Na muvolera, "vindu yivi ndakhuha, niva ulakwa hasi usikamire."

¹⁰ Na Yesu yamanya na mu volera, "Rhula khu inse, Setani: shichira kahandikwa, "'yiwe ulasikamira Mwami Nyasaye wowo wonyene nu khu murhumikhira."

¹¹ Setani yamanya na lekhana neye, na hensa, tsingelosi vitsa ni va murhumikhira.

¹² Lwa Yesu yahulira Yuhana umali khuvohwa, yarhula natsya Igalilaya. ¹³ Yakharhula Natsaleti natsya khumenya Kaperanaumu ili himbi khu inyansa, mu tsisomo tsya Zabuloni na Nafutali. ¹⁴ Kakholekha ndi khurhwekhitsa kavolwa nu muporofeti Isaya, lwa yavola, ¹⁷ Khurhula inyinga yene yeyo Yesu yarhanga khwirwatsa, na vola, "Mwikanire; shichira vwami vwu mwikulu vuli himbi." ¹⁸ Lwa Yesu yali na chendanga khu luchinga lwi inyansa yigalilaya, ya lola vamwavo vaviri, Simioni, walangwangwa Petero, na Andereya amwavo wewe, ni vasuvanga miluvo mu inyansa: shichira vali valuvi vi tsisutsi. ¹⁹ Yavavolera, "Hambi munonde, na ndamukhola valuvi va vandu." ²⁰ Valekha vwangu miluvo chyavo, ni vamulonda. ²¹ Lwa Yesu yali narhula hawene yaho, yamanya alole vamwavo vandi vaviri: Yakobo mwana wa Sividayo, na Yuhana amwavo wewe, vali mu lyarho na ise wavo Sividayo, nivanavanga miluvo chyavo. Navalanga, ²² Navo valekha vwangu lyarho na ise wavo, ni va mulonda.

²³ Yesu yachenda mu Galilaya mwosi, ni yirwatsa mu masinakochi kavo, nu khulanditsa makhuva malahi kwu vwami vwu mwikulu, na honyinya vulwale vwosi, nu vutetekhere vwosi mu vandu. ²⁴ Lukhumu lwelwe lwalanda mu Siria yosi; ni vamulerera vandu vosi valwale vitsinganu tsyosi, vaminikha na yavo vali na matimoni, vashindanga indulume, vafwokoya, navahonyinya vosi. ²⁵ Mukanda mukali kwamulonda, khurhula Igalilaya, na Dekapoli, na Yerusalemi, nivuyuda, nu khulucherekha lwu muchera kwa Yorodani.