¹ Mu mavwevwe, vimiriri vakhongo vosi va vasalisi na vasakhulu va vandu vikhala shikhalo ni shiviritsa Yesu yirhwe. ² Vamanya ni vamuvoha nu khumuhira khu mwami Pilato yali nali kavana.

³ Lwa Yuda yali naatsami Yesu, yalola Yesu umali khu khalachirwa, yikanira nakalukhitsa vitonye makhomi kavaka vyi ifeetsa khuvakhongo va vasalisi na vasakhulu. ⁴ Navavolera, "Kholi vwoni lwa nditsi khutsama mundu wa masahi malunji." Navo vamurhevulira, "Kene yako ni shina khu khutse? Wiihense mwene." ⁵ Na Yuda yamanya avasiuvire vtonye vyi ifeetsa makhomi kavaka tsya vali vamuhere havali mu litemberi, natsya irwanyi niyisunga mwene. ⁶ Vakali va vasalisi va vukula vitonye vyi ifeetsa yevo ni va vola, "Shi katuukhana khu malako khuvikha yivi mwivikhilo shichira ni mirhungu chya masahi." ⁷ Va manya varhevane khuli vatsirhumikhira, va viritsa va tsi rhumikhire khu kula mulimi ku mulonji ma kuve ku khu yaviramu vakhutsu vali vacheni. ⁸ Shichira yako, mulimi kwene yoko kwalangwa, "Mulimi kwi masahi." Khutukha khali lwene yulu. ⁹ Na kamanya karhwekhitswe khuli muporofeti Jeremia ya vola, "Vamanya vavukule vitonye makhomi kavaka vyi ifeetsa, vukuli vwu mundu vwa virhitswa na vana va Isiraheli khumurhunga, ¹⁰ ni vahana khukula mulimi kumulonji, khuli Mwami yali yambolera."

¹¹ Yesu ya sinjira imberi Kavana ya mu rheva, "Yiwe naye Mwami wa Vayahudi?" Yesu ya mu rhevulira "Uvola ndyo."

¹² Navutsa lwa ya yalwa na vakali va vasalisi na vasakhulu lwene yolo shyi ya rhevulakhu shindu shyosi tawe. ¹³ Na Mwami Pilato ya murheva, "shyu hulilanga vindu vya vakhuyalilakhu?" ¹⁴ Navutsa Yesu shyi ya murhevulilakhu khali likhuva lilila tawe, kavana yali ni lichenya likali muno. ¹⁵ Vuli litukhu lyu mulukha kwa Pasaka, Mwami Kavana yali nu mwima ku khu voholola muvohe mulala wa shituma shya vandu venyanga khu rhula muchela. ¹⁶ Mu inyinga yene yeyo khwali nu muvohwa wanyakhitsanga vandu muno wa valanganga Barabba. ¹⁷ Lwa vali ni vyi vunjelitse halala, Pilato yavarheva, "Mwenya vavohololere muvohwa shina?"' Barabba anoho Yesu ulangwa Kristo?'" ¹⁸ Neye yali mamanyi vamulere Yesu shichira imbotokha yavo.

¹⁹ Lwa yali khu shirhumbi shyu vukhalachi, mukhali wewe yarhumana ling'ana khuye navola, "Ulekhane nu mundu mulunji woyo." Shichira mu maloro kanje nundi khuvitswe shivi khulondekhana khuye."

²⁰ Vakali va vasalisi na vasakhulu vavolera mukanda murheve Baraba avohololwe na Yesu yirhwe. ²¹ Mwami Pilato ya varheva khaandi, Ni wina khu vaviri yava wamwenya mulakhulire khurhula mu shivoho?' Navo va vola, "Baraba!"

²² Na Pilato yavarheva, "Mwenya khole ndina Yesu ulangwa Kristo?" Navo vosi vamurhevulira khulala "avambwe!

²³ Pilato yavarheva, "shichira shina? Vutamanu shina vwakholi?" Navutsa valanjilitsa nu khuvola ikulu, "avambwe! Avambwe!"

²⁴ Pilato lwa yanyola avula shyakhola, na vandu vali nivenyanga khulwana, yavukula matsi, nasava makhono keke imberi wu mukanda nu khuvola: "Inse mbula vutamanu mu masahi kwu mundu wuyu. Yaka kali khu munye."

²⁵ Na vandu vosi va vola, "Shisalia shya masahi keke shive khu khutse na vana verhu." ²⁶ Na yamanya navavohololera Baraba khurhula mu vuhambe khuli venya. Navutswa yahana Yesu khuhulwa mishaliti ma na muhana khuvambwa.

²⁷ Na vasikali vu mwami vahira Yesu munsu yu vwami nivavunjeritsa vasikali vosi. ²⁸ Va mu navula tsinguvu nukhu mufwala ikanso imuji. ²⁹ Va linga ingara ya mahwa ki vikuunga khuli iminitira niva muvikhira khu murwi, niva mu vikhira lusala mu mukhono kwekwe mulunji, niva sikama imberi wewe nukhu mukholera shihenye henye nukhu muvolera, "Mirembe! Mwami wa Vayuda!" ³⁰ Vamusutsila mare, ni vavukula lusaala lwa vali vamuhere nu khumukhupa khu murhwi nivakalukhira. ³¹ Lwavali vamali khumukholera shihenye henye, vamufwalula ikans yavali vamufwali nu khumufwaaa khaandi tsinguvu tsyetsye, nivamuhira khuvambwa.

³² Lwa varhula khutsya, vanyola mundu khurhula Kirene yalangwa Simioni, vamanya vamunike khutsingulu khukhonya Yesu khuchinga musalaba. ³³ Lwa vatukha ha valanga Goligotha, kali khuvola, "Havundu hyi shihanga." ³⁴ Vamuha iwayini yali ni tsukanyinywe na matsi kyi indulwe ang'wi. Na lwa yatsamakhu shyi yang'wa tawe. ³⁵ Lwavali vakhamuvamba, vakavana tsinguvu tsyetse khutsikhuvira ikura. Khu karhwekhitswe kavolwa nu muporofeti, vakavana tsinguvu, khaandi nivakhuvirakhu ikura. ³⁶ Vikhala hawene yaho khumuvikhira lilindwa litinyu. ³⁷ Hikulu hu murhwi kwekwe vamuhandikira mayalo, kasomekha ndi, "WUYU NI YESU MWAMI WA VAYUDA." ³⁸ Vivi va viri vavambwa halala naye, mulala khu mukhono mulunji na wundi khu mukhono kwi shikata. ³⁹ Vandu vali vavira khunjira hawene yaho vamunyeka nu khunuya mirhwi chyavo ⁴⁰ nivavola, "Yiwe wavola utsitsa khwononyinya litemberi ma khaandi ulyumbakhe vuhya khu matukhu kavaka, yihonyinye! Niva uli Mwana wa Nyasaye, yikha khurula khu musalaba!"

⁴¹ Munjira indala nsere, vasalisi vakali va mukholera shihenyehenye, ni vali halala na vahandichi na vasakhulu, ni vamuvolera, ⁴² "Yahonyinya vandi, navutsa shyanyala khwihonyinya mwene tawe. Ye nu Mwami wa Isiraheli! Lekhi yikhe hasi khurhula khu musalaba, na khutse khula musuvira. ⁴³ Ye yasuuvira mu Nyasaye, lekhi Nyasaye amuhonyinye lero, niva Nyasaye alitsa khumuvoholola. Shichira yavola, "Ndi Mwana wa Nyasaye!" ⁴⁴ Khaandi, munjira indala nsere, vivi vali nivavambirwe naye khaandi navo vamunyeka.

⁴⁵ Khwansira khu sa sita tsya m'mbasu shisundi shakhunikha shivala shyosi khutukha tsisa tisa hamukolova. ⁴⁶ Lwa yatukha tsisa tisa, Yesu yalira nu mwoyo mukali navola, "Eloi, Eloi, lama sapakitani?' Kali khu vola, "Nyasaye wanje, Nyasaye wanje, shichira shina undekhi?"

⁴⁷ Vandu valala khu vali ni vasinjire ho vahulira, Nivavola, "Alanga Elicha."

⁴⁸ Vwangu mulala khuvo yirukhaka navukula shibansi ni yinikha mu idivai indulu, navikha khu lusala lwi shitundu namuha angw'i. ⁴⁹ Vayali navo vamuvolera lekhana naye ave, lekha khulole niva Elicha alitsa khumuhonyinya. ⁵⁰ Yesu yamanya nahansukha nu mwoyo kwi ikulu ma nalakhula roho wewe.

⁵¹ Hensa luvala lwali lwashinga hambeli mu litemberi lwarandukha nu khurhulamu vitonye viviri khurhula ikulu khutukha hasi, na shivala nashyo shatejera, na tsinyanda ni tsyatikha. ⁵² Vilindwa navyo vyakhunukha, na miviri chya vatakatifu vali ni vakhutsa nu khu konyinywa mu visimukukha. ⁵³ Varhula mu vilindwa ni vitsa irwanyi inyinga ya Yesu yali yisimukukhe, nivinjira mu litaala litakatifu, khaandi ni valolekha khu vandu vanyikhi. ⁵⁴ Na mukhongo yasinjiranga vasikali imia na vasikali vayali navo, valiindanga Yesu valola litechera li shivala na kali kakholekhane, vali nu vurhi muno ni vavola, "Ka kyirikali uyu avere Mwana wa Nyasaye." ⁵⁵ Vakhali vanyikhi vali ni valondi Yesu khurula ikalilaya khumurumikhira khu vucheheru vwevwe khandi khu mihinsi chyechye vahensa ni vasinjire ihale. ⁵⁶ Halala navo yali Malya Magadalena, Malya nyina wa Yakobo na Yosefu na nyina wa vikhula va sividayo.

⁵⁷ Lwa hamukolova yatukha, murhuchi mulala khurhula Arimathea, yalangwa Yosefu, mundu wuyu yali mulala khu vechitswi va Yesu. ⁵⁸ Yatsya khu mwami Pilato, narheva aherwe muviri kwa Yesu, Na Pilato yahana munwa aherwe. ⁵⁹ Yosefu yavukula muviri, nalinjira mu luvala lulahi khaandi lulavu, ⁶⁰ nu khuvikha muviri tsana mu shilindwa shyese shyali shavayava mwichina, ma nalumba kuchina kukali kukhunikha shilyango shyu khwinjiramu na rhulaho nu khutsya. ⁶¹ Malya Magadalena, na Malya wundi valiho ni vikhale khuluveka lundi lwishi shilindwa.

⁶² Mukamba kwalonda khu kwali litukhu li londanga litukhu lyu khwirhejekhera Lisapato, na vasalisi vakali na vafarisayo va tsya khu Pilato. ⁶³ Ni va muvolera, "Mwami, khwitsukhitse muvehi woyo nashiri khu khutsa ya vola, ndisimukukha ni ndakhamala matukhu kavaka." ⁶⁴ Khu lwa yako uhane vasikali vu khu linda shilindwa shyeshye vutinyu muno, khutukha matukhu kavaka kavirhe. Ka khali ndyo vechitswi veve vanyala khwitsa nu khwiva muviri kwekwe mavavolere vandu yisimukukhe khurhula mu vakhutsu. Vuvehi vu mu limala vulava vutamanu muno khu virha vu khurhanga."

⁶⁵ Pilato ya vavolera, "Munye muli na vasikali, mutsyi mulinde khuli mumanyi vulahi. ⁶⁶ Vamanya ni vatsya na vasikali vu khulinda ha shilindwa vutinyu, ni vavikha muhuri khulichina lyali mu shilyango nukhu linda hawene yaho.