¹ Lwa Yesu yali yakhamala khuhana mivalo khu vechitswi veve likhomi na vaviri, yarhanga luchendo lwu khutsya khwekitsa nu khwirwatsa mu mataala kali himbi iweneyo. ² Na Yuhana nali muchela, yahulira khulondekhana ni mihinsi chya Kristo, yarhumanyinya makhuva khuvirila khu vechitswi veve. ³ Na varheva Yesu, "Niwe wenyekha khwitsa, anoho khulindirire khulola wundi?"

⁴ Yesu yavarhevula navavolera, "Kalukhi mutsi khuvolera Yuhana kamulolanga nu khuhulira. ⁵ Vavekhu valolonga, valema vachendanga, valwala vuchere valavitswangwa, vakhahuliranga vahuliranga khaandi, vakhutsu visimukhitswanga khurhula mu likhutsa, na makhuva malahi kyirwatswa khu vatakha. ⁶ Vali nu vukasu vakhituyitswa mu mwoyo shichira inse."

⁷ Lwa vechitswi va Yuhana vali vatsitsanga khu luchendo lwavo, Yesu yalomoloma khu mukanda kwaliho khulondekhana khu Yuhana. "Lwa mwatsya khulola Yuhana mushangalangwe, mwatsitsa khulola shina? Shitundu shyivina vinanga mu imbutsa? ⁸ Khu lwayako, mwatsitsa khulola shina ---mundu yifwali tsinguvu tsyu vukuli vunyikhi? Kakyirikali vandu vifwalanga tsinguvu tsyu vukuli vunyikhi vamenyanga mutsinsu tsya vamhii! ⁹ Navutsa mwarhula khutsya khulola shina? Muporofeti? Nyee muvoleranga, wuyu avirhi muporofeti. ¹⁰ Wuyu neye wakahandirikwa mu Mahaandiiko Matakatiifu lwa vavoola, "Hensa ndumanga murhumwa wanje imberi wowo, utsitsa khukhulombera injira yoyo imberi wowo."

¹¹ Ka kyirikali muvolera ndi mu yavo vivulwa na vakhali, shyalikhuho wamenya nu khuva mukali khuvira Yuhana Mubatiisi Navutsa wuyu uli mutititi mu vwami vwu mwikulu ni mukhongo khumuviritsa. ¹² Khurula mu matukhu ka Yuhana Mubatisi yirwatsa likhuva lyelye khutukha inyinga yinu, vwami vwu mwikulu vunyolekhana ni tsingulu, na vandu vi tsingulu vavu vukulanga ni tsingulu. ¹³ Mekitso kosi ka vaporofeti na Malako ka Musa khutukha khu Yuhana; ¹⁴ Niva mwenya khuvuchirira, naye Elicha, yenyekhananga khwitsa. ¹⁵ Woyo uli na maroyi ku khuhulira ahulire. ¹⁶ Vasesanyinye khushina likhula yiri? Vali khuli vana nivikhale khu shiru valanjiliranga ni vavolerana, ¹⁷ nu khuvola, "Khwava khuvira lilere, navutsa mwambakhana khusieva! Khwamwimbira tsinyimbo tsyu lwikhulu, navutsa mwambakhana khulira. ¹⁸ Shichra Yuhana yitsa navula khulya anoho khung'wa iwayini, mwavola, "Ali ni litimoni." ¹⁹ Mwana wu Mundu yayitsa alitsanga khaandi nu khung'wa khaandi vavola, "Loli, nu mwinyeseri khaandi nu mutandi, khaandi nu mulina wa vasololi vu vusuru na von! Navutsa vucheri vumanyikhana khuva nu vulunji khuvirhira khu vikholwa vya vwo.

²⁰ Na Yesu yaranga khukondekhera mataala makali mwayirwatsa nu khukholamu vyukhuchenyinya vinyikhi khuvira mataala kaandi, shichira vandu valimu vambakhana khwikanira. ²¹ Vulakhave vutinyu khu munye vandu vi litaala lya korasini khaandi vulakhave vutinyu khu munye vandu vilitaala lya Bethsaita muli khuvutinyu muno! Shichira virolekhitso vyakholekhana mumunye, viva nivyakhakholekhana mu mataala ka Tiro na Sidoni khani vandu vamenyayo vikanira khale ni vifwali makunia nu khwikhala mulikoshe. ²² Navutsa, muvolera ndi khulitukhu lyi likhalachirwa lya Tiro na Sidoni Nyasaye alitsa khuvera tsimbavasi vandu va mataala ka Tiro na Sidoni, khuvira munye. ²³ Munye vandu va Kaperanamu mukanakananga mulijinjirira khutukha mwikulu? Auwa mulakululwakhutukha mu shihatiisi. Shichira niva virolekhitso vyukhuchenyinya vyakholwa mu litaala lyenyu vyakhakholerwe mu litaala lya Sodoma, litaala lyene yero khani lishiriho khutukha lwene yulu. ²⁴ Navutsa muvolera mumanye, khulitukhu lilikhalachirwa, Nyasaye alikhavelre tsimbavasi vandu va Sodoma, khuviritsa munye!

²⁵ Iyinga yene yeyo Yesu yavola, "Khwitsominyanga yiwe, Baba, Mwami wu mwikulu khaadi ni lilrova, shichira wavisa vindu yivi khu vacheri ni vyi limanya na wakhukhunulira vana vatititi. ²⁶ Nyee, Baba, shichira nindyo kakhuyansinsa mu tsimoni tsyotsyo. ²⁷ Vindu vyosi ndaherwa khurula khu Ise wanje; na Shyalikhuho nu mundu yamanya Mwana nakhali yiwe Baba. Khaandi Mundu avulakhuho umanyi Baba nakhali Mwana na yavo vu mwana akhurhovolanga khuvavulira. ²⁸ Hambi khu inse munye vosi vamunyakhananga nu mwitiukha misiko militoho, na inse ndavaha lisosi. ²⁹ Mwisunje muchochi kwanje khaandi mweke khurula khu inse, shichira ndi muhoma, nu muosha mu mwoyo, na mulanyola lihulukha mu myoyo chyenyu. ³⁰ Shichira Muchochi kwanje nu mwangu, khaandi musiko kwanje, nu mwangu.