¹ Kandi yinjila muliaro natsia mulitaala li waavvo. ² Khandi lola vamulerela muluale yavuokoya yaali yakona khushitali; Yesu lwa yalola lisuvila liavo, yavolela mulwale yafuokoya; wakhaenda mwoyo tawe "mwana wa nje vwoni vwo vumali khusamewe."

³ Khandi lola vekitsi vamalako vavoola mumioyo chiavo" munduyu anyeka Nyasaye ⁴ Nikhali Yesu yamanya tsinganakani tsiavo navareva "kachilashi mukanakana makhuva matamanu mumioyo chienyu. ⁵ Likhuva liakennyakha mbole liamunyala khuelewa ni lilena? Nikhuvoola usamehewi vwoni vwo inoho nikhuvoola sinjila rula utsii? ⁶ Nikhali mtushi khumanya mwana wumundu ali nuvunyali mushivala khusameha vwoni;" nalwo lwa yesu yavolela mundu yaali niyavuokoya, sinjila yitiushi shitali shio utsii ingo woo." ⁷ Yasinjila natsia ingo we. ⁸ Lwa shituma sia vandu valola, vachenya, nivitsominya nyasaye uhananga vunyali khuli yuvu. ⁹ Lwa Yesu yaali narula iweneyo, yalola mundu niyikhale mulufaranda, lira lie matsayo, Yesu yamuvolela nonda khandi yasinjila namulonda.

¹⁰ Lwa yesu yaali niyikhale munzunalitsa shiukhulia, vasololi vuvushuru vanyishi nende vaandu vooni, viitsa nivikhala halaala naYesu nende veechi ve. ¹¹ Lwa mafarisayo valola, vareeva vaachi vaYesu, "kachilashi mwekitsi wenyu alitsa navakhalachi vuvushuru navandu voon"?

¹² Lwa Yesu yahulila makhuva kenako, yavavolela, "vandu vakhali valwale shivanyala kwenya takitari tawe, nikhali yavo vili valwale. ¹³ Tsii mweche shivune shia makhuva yaka, shichila shinitsa khuvandu valunji tawe, nikhali khu vaandu vooni vatudshi kwikanila."

¹⁴ Inyanga yeneyo, veechi va yohana viitsakhu Yesu nivamureva, "kachilashi khutsi nende mafarisayo khufunganga, nikhali veechi vo vafungakhu tawe?"

¹⁵ Yesu yavachiipa navavolela, "yavo valangwa mushiselelo vanyala varina khufunga nivali mushiselelo? Nikhali litukhu lia oyo ukhola shiselelo ava namali khurulitwao khuvo, nalwo lwa valitsa khufunga. ¹⁶ Avulakuo mndu unyala khuvukula shilaka shinguvu imbia ma anevele khu inguvu ikhulu, shichila shilaka shi inguvu imbia shilarandula inguvu yasakula, ma itsilili khurandukha. ¹⁷ Khandi vandu vatsukhakhu idivayi imbia mutsinyungu tsikhulu tawe. Niiva vanyala khutsukhamu, tsitsitsa kwatikha ma idivayi isundushe, ma khandi tsinyungu tsive tsionoloshe, khulwa yako idivayi imbia itsukwa munyungu imbia, khu tsinyungu tsivuli khwatikha.

¹⁸ Lwa Yesu yaali navoola makhuva khenako mwimilili mulala khuvimilili va vayaudi yiitsa namusikamila navoola, "mwana wanje wishikhana akhutsi nikhali hamba uvishi khuye mukhono naye alahona" ¹⁹ Yesu yatsia naye khandi veechi ve vamulonda.

²⁰ Khandi lola, kwali numukhali yarula masayi khu mihikha likhomi nachivili yiitsa natiila khululupindo lwi inguvu ya Yesu. ²¹ Shichila yavoola mumwoyo kwe, "nindila khunguvu ya Yesu nzitsa khuona."

²² Yesu yshevukha inyuma namulola navoola, "mwana wanje weshikhana, tinya, wakhaenda mwoyo tawe, lisuvula liolio likhuonyinyi." Khadi yamanya naona isaa yeneyo. ²³ Lwa Yesu yatukha munzu yumwimilili wa vayaudi, yanyoola vandu nivikhulanga. ²⁴ Yavavolela, ruli ilwonyi, shicila mwana wishikhana huyu akhutsi tawe, akoni tsindolo, vamanya vamusekha sana. ²⁵ Lwa vandu vaali nivakharulitwa ilwonyi yinjila wa mwana wishikana yaali nali, namukumila mukhono, niyisimukha, navukha nava mulamu. ²⁶ Lwa yesu yisimushitsa mwanawishikhana oyo makhuva ke kalanda mulusomo luenolo lwosi.

²⁷ Lwa Yesu yaali narulanga munga mu mwilili wavayaudi, vandu vavekhula vavili vamilonda nivalilanga nivavoola, "ulolele tsimbavasi mwana wa Daudi."

²⁸ Lwa Yesu yaali niyakhinjila munzu vavekhu venavo viitsa wayali nali: yYesu yavareva "mulinilisuvila nyala khuvakholela shindu"? Vauchilila nivavoola khuli nilisuvila mwami.

²⁹ Nalwo lwa yatiila khutsimoni tsiavo navoola, "kave kario khumunyi khulondokhana khulisuvila lienyu" ³⁰ Nohonoho tsimoni tsiavo tsikukha, "Yesu yamanya yavakeya vavulikhuvolelekhu mundu wosi, khulondokhana khuli vanyooli khulola." ³¹ Nikhali lwavarula valanditsa makhuva ka Yesu mulusomo lwavo luosi, khuli avahonyinyi.

³² Lwa vandu vaali vavekula vaali nivatsitsanga, lola, vandu valera mundu bubu yaali na matimoni. ³³ Nalwo lwa Yesu yakhunganyinya matimoni, nikarula mundu yaali bubu naranga khulomoloma. Khandi vandu vaali nivivunjelati hawenao vachenya nivavoola, "khushili khulolakhu makhuva khuli yaka muisraeli."

³⁴ Nikhali mafarisayo vavoola munduyu hakhunganyinya matimoni, "khuvurila khumukhongo wa matimoni" ³⁵ Yesu yachenda mumataala kosi. Niyekitsa mumasinakoki kavo, nukwilwatsa makhuva khulondokhana khuvuavi vumwikulu nukhuhonyinya vulwale vwosi nendevuteteselo vwosi. ³⁶ Lwa Yesu yalola vituma via vandu yavavelela tsimbasi shichila vaali vasalani khandi vachioki khandi vaali khuli makondi kavula mwayi. ³⁷ Nalwo lwa yavolela veechi ve lichesa liliho muvunyishi nikhali vandu vhkhuchesa navo vatii. ³⁸ Khulwa yako musave mwami winjeso, alere vandu vukhuchesa.