¹ Yesu yalanga veechi ve likhomi na vavili, navaha tsingulu tsiukhurulitsa matimonimuvandu, nukhuhonyinya vulwale tsinganu tsiosi. ² Mira kavarumwa likhomi navavili nako yaka; wukhuranga ni saimoni, walangwa petero, nende andeleya, nende amwavo we yakobo, vana va zebetayo, nende amwavo wavo yohana; ³ Vilipo nende amwavo we batsolomayo, nende matsayo mukhalachi wuvushuru, nende yakobo, mwana wa alfayo, nende tsatayo, ⁴ Saimoni mkananayo. Nende yuda isikarioti, neye ulitsa khutsama Yesu.

⁵ Yesu yaruma varumwa ve likhomi navavili, navavolela mwakhatsii muvandu vivivala vindi tawe, inoho muvasamaria. ⁶ Nikhali mtsii, khumakondi kakora ka vandu va isiraeli. ⁷ Lwamuva nimuli khuluchendo, mwilwatse muvavolele vwami vwa Nyasaye vuli himbi. ⁸ Honyinyi valwale, yisimushitsi vakhutsa, takasi yavo valwala vuchele, rulitsi matimoni muvandu, munyooli tsingu tsiukhukola mihinzi yichi shikhaya, khandi na munyi mwakharungitsikhu shindu tawe. ⁹ Muvulikhuchinga ifesa, inoho itsahabu, muvisikolo vienyu. ¹⁰ Muvuli khuchinga shikabu, inoho inguvu, inoho vilaro, inoho indovoshi, shichila muinzili atushili anyoole shiukhulia shie. ¹¹ Khandi havundu hosi hamuva nimutsili, mukhave mundu mulunji mulitaala lia muva nimutsilimu, mwikhale hawenao khutukha lwa muva nimurulaho. ¹² Khandi inzu yoosi yamwinjilamu muane milembe. ¹³ Niiva inzuyeneyo ilahuchilila mulembe kwenyu, ilanyoola mulembe. Navutswa niiva ilambakhana mulembe kwenyu, mulembe kwenoko kularikala namunyi. ¹⁴ Niivamundu alambakhana khuvinjilitsa, inoho alavula khuhulilamakhuva kenyu, lwa muva nimurula mulitaala lienelo, inoho munzu mwenomo, mweye lukushi lu vilenje vienyu. ¹⁵ Kilikali vavolelanga, litukhu lilikhalaka, Nyasaye alitsa khuvela tsimbasi, sitoma nakomora, khuvira litaala yelo.

¹⁶ Henzi varuma khuli makondi muvihulukhu, khulwa yako muve vacheli khuli inzukha khandi vahoma kuli shituti. ¹⁷ Muve vacheli shichila vaandu viitse vavaili muluyia muyalwi, nukhuvakhuba mumasinakoki kavo. ¹⁸ Khandi valavaila khu kavana, nende khuvami, shichila lira lianje, khuva vushuhuda khuvo nende khuvandu vitsimbiatsindi. ¹⁹ Nikhali lwa muva nimuvukulwi nimuli iweneyo, mwakhakanakani nishina siakhunyala khuvoola, shichila mulaelwa isaa yeneyo kamunyala khuvoola. ²⁰ Shichila shiali munyi vamutsitsa khuvoola tawe, nikhali ni Roho wa tata wanje avoola mumunyi. ²¹ Khandi mundu alitsa khutsama amwavowe, atushikwirwa, khandi tata alahima mwana khandi mwana naye alahima vivuli, nukhuvira. ²² Khandi vandu voosi valavaima shichila lira lianje, nikhali oyo utsitsakwikhutsila khutukha mulimalilikha alahonyinywa. ²³ Khandi niiva mulatambitswa mulitaala yili yilushili mulitaala lindi: kilikali vavolelanga, shimutsitsa khumalakhu mataala koosi khutukha lwa mwana wu mundu alitsa.

²⁴ Mwechi shianyala khuva mukali khuvira mwekitsi we tawe, khandi murumishi shianyala khuva mukali khuvira muruchi we tawe. ²⁵ Katushili mweechi ave khuli mwekitsi we, khandi murumishi khuva khuli muruchi we. Niiva valaanji mwene inzu beelzabub, navandu vu munzu mwe nivalangwe vari? ²⁶ Khulwa yako muvuli khuriakhu vandu venavo tawe, shichila makhuva koosi kaviswa kaliitsa khuvikwa havulafu. ²⁷ Makhuva kanavavolela muvwivisi, mukavoole havulavu, khandi makhuva kanavoola vuchila khuhulilikhana, mukalanjilili nimusinjili ikulu winzu. ²⁸ Muvuli khuria mundu unyala kwira mbili navutswa shianyala khwira mwoyo tawe. Kenyakha urii oyo unyala kwira mbili nende mwoyo mushiatisi. ²⁹ Manyonyi kalangwa shomoro shikakulitswa ishilinji indila? Khali linyonyi lilala khumanyonyi kenako shilinyala khukwakhu hasi vuchila tata wenyu wumwikulu khumanya tawe. ³⁰ Navutwa khali liswi lienyu liosi liavalitswa. ³¹ Khulwa yako mwakhavi nuvurii tawe, munyi mwavira manyonyi kalangwa shomoro. ³² Khulwa yako mundu wosi atsitsa khunziyema imbeli wa vandu, khandi na inzi nzinza khumwiyema imbeli wa tata wanje uli mwikulu. ³³ Khandi oyo atsitsa khunzambakhana imbali wa vandu, khandi na inzi nzitsa khumwambakhana imbali wa tata wanje uli mwikulu.

³⁴ Mwakhakanakani nayitsa khulera mulembe mushivala. Shinitsa khulera mulemba tawe, nikhali lupanga. ³⁵ Khulwa yako nayitsa khulomba vuimwa khumundu nende tata wewe, vana vakhana nende mama wavo, vakukhu nende vanakukhulu. ³⁶ Khandi vatsiku vumundu ni vandu vumunzu mwemwe ³⁷ Oyo uyanza tata inoho mama khuvira inzi shiatushila khuva mulondi wanje tawe; oyo uyanza mwana we muyayi inoho wishikhana khuvira inzi shiatushili khuva mulondi wanje tawe. ³⁸ Khandi mundu wambakhananga khuvukula musalaba kwe anonde shiatushili khuva mulondi wanje tawe. ³⁹ Mundu wosi atsitsa kwenya khuhonyinya livamwoyo lielie alalikoritsa: khandi oyo atsitsa khulikoritsa livamwoyo lielie shichila inzi alalinyoola.

⁴⁰ Oyo atsitsa kwinjilitsa munyi alava niyinjilitsa inzi, khandi alava niyinjilitsa oyo yantuma. ⁴¹ Oyo yinjilitsa muprofeti, atsita khunyoola matanyi kumuprofeti, khandi oyo yinjilitdanga mundu mulunji ala nyoola matanyi kumundu mulunji. ⁴² Khandi oyo atsitsa khuana matsi kashindi khuvatititi vali veechi vanje vang'wi, kilikali vavolelanga, matanyi keke shikalakorakhu tawe.