¹ Lwa Yesu yaali namali khwekitsa veechi ve, yarula iweneyo natsia khwekitsa nende kwilwatsa mumataala kavo. ² Lwa Yohana yahulila miyinzi cha Kristo nali mushivoho, yaruma veechi ve vavili, ³ Nivamureva "nivi Kristo wakenyakanga yiitsei noho khulindilili wundi?"

⁴ Yesu yavachipa navavolela, "tsii muvolele Yohana makhuva kamuhulula khurula kwinzi nende vikhole via kholanga: ⁵ Shichila vavekhu valolanga, valema vachendanga, valwala vuchele valombwa khuva valamu, khandi vamaroyi kikala valombwa khuhulila, khandi vandu vakhutsa visimushitswangwa, khandi vandu vatakha vilwatsilwa makhuva malayi kuvwami vumwikulu. ⁶ Ali nuvukasu oyo avula khuhayahaya khusuvila inzi."

⁷ Lwaveechi va Yohana vaali nivakhastia, Yesu yareva shituma shua vandu khulondokhana khu Yohana, nioshina shiamwatsitsa khulola mushiangalangwi? Mwatsitsa khulola khuli vushindu vuhutsanga vunyasi nivwinuya? ⁸ Niiva shikali ndio tawe mwatsitsa khulolashi? Mwatsita khulola mundu yivuali tsinguvu tsiuvukuli vululu? Vandu vafuala tsinguvu khuli tsienetso vavetsa mutsinzu tsia vaami. ⁹ Nikhali mwatsitsa khulolashi? Mwatsitsa khulolashi muprofeti? Nindiokali nikhali vavolelanga, oyo aviri muprofeti. ¹⁰ Naye yahandichilwa makhuva yaka, henza nduma murumishi wanje kwimila imbeli wowo, naye akhulombela injila imbeli wo.

¹¹ Kilikali vavolelanga avulakhuo mundu yanyolekha mulwivulu lu mundu mukhali ali mukhongo khuvira Yohana mbayisi: nikhali oyo ali mutititi muvuami vumwikulu nimukhongo khuvira ye. ¹² Khurula matukhu ka Yohana mbatisi khutuka nunundi, vwami vwa Nyasaye vuvukulwa mutsingulu, khandi vandu vitsingulu navo vavuvukulanga. ¹³ Shichila varofeyi voosi neende malako, varumikha khukhola vuprofeti khutukha khuyohona. ¹⁴ Niiva mnyala kwiyema neye eliya wa kenyakha yiitse. ¹⁵ Oyo uli namaroyi ahululu. ¹⁶ Nikhali nyala khulekhanyinya lwivulu yulu khushina? Luli khuli vaana vikhale khusokoni, valanga vandi nivavoola, ¹⁷ Lwa kwavakhuvila ifilimbi, mwasievakhutawe khandi kwikhula nikhali munyi mwalilakhu tawe. ¹⁸ Lwa yohana yiitsa yalitsatawe inoho khung'watawe, vavoola ali namatimoni. ¹⁹ Mwana wumundu lwa yiitsa yalia nukhung'wa, vavoola yayanza khulia, nu khung'wa, khandi mulina wa vakhalachi vuvushuru nende vandu vooni! Nikhali vucheli vwamanyikhana vutushili kulwivulu lwa vandu.

²⁰ Nalwo lwa yaranga khukondeshela mataala kayakholamu viloleshitso vinyishi; sichila shivenya khwikanila tawe. ²¹ "Mulikhuvutinyu, munyi litaala lia korazini! Nende litaala lia betsasaida! Shichula viloleshitso viakholekha khumunyi, viva khukholekha tiro nende sidoni, vakhiveshi likoshe nu khuvaala tsinguvu tsia makunia nukwikanila. ²² Nikhali, vavolelanga, tiro nende sidoni valitsa khuvelwa tsimbavasi litukhu lianyasaye lilikhalaka, khuvira munyi. ²³ Yivi litaala lia kaberanamu! Ulachingulwa ikulu khutukha mwikulu? Nikhali utsitsa kwikhitswa hasi khutukha mushiatisi shichila viloleshitso vikali viakholekha mumunyi, viakhakholeshe sotoma litaala lienelo liakhaveleho khali nunundi. ²⁴ Nikhali vavolelanga, litaala lia sodoma lilitsa khuvelwa tsimbavasi litukhu lia Nyasaye lilikhalaka khuvira yivi."

²⁵ Inyanga yrneyo Yesu yasanditsa navoola, khusanditsa tata mwami, wilikulu ni lilova, shchila makhuvayaka wavisa vandu vuvusitsa nende vucheli, nikhali wamanyinya vaana vatititi. ²⁶ Khulwa yako, nindio kakhuyanzitsa tata, ukhole ndio. ²⁷ Naelwa vunyali khusinjilila vindu viosi na tata wanje: khandi avulakhuo mundu yamanya mwana nikhali tata, khandi avulakhuo mundu yamanya mwana nikhali tata, khandi mundu wa mwana ava nayanzi alamukhunulila nu khumumanyinya. ²⁸ Hambi khwinzi munyi voosi vamunyakhananga nende vamuli nimisiko militohu, khandi nzitsa khuvahulushitsa. ²⁹ Mwivue muchoji kwanje, khandi mweche khwinzi, shichla ndi muoma khandi mwicheitsi mumumwoyo: khandi mulanyoola liulukha mumioyo chienyu. ³⁰ Shichila muchochi khwanje nimwanguanu khandi musiko kwanje nimwanguani.