¹ Liali litukhu lilisabato Yesu yavirila mumulimi kwi ingano. Veechi ve vaali ninzala nalwo lwa varanga khuneka ingano nivalia. ² Lwa mafarisayo valola, vavolela Yesu lola, veechi vo vakhola vindu viakhatushili litukhu lilisabato.

³ Yesu yavachipa, shimwasomakhu khuli Daudi yakhola lwa yaali ninzala, halala nende vayali navo? ⁴ Yinjila munzu ya Nyasaye navukula mikati chishimanyilo nalia, nende vayali navo navwo nivwakhali vulayi khuye khulia mikhati chenecho nente vayali navo, nikhali vasalisi vonyene navo vaali nivahuchililwa khulia. ⁵ Khandi shimwasomakhu mushitabu shia Musa shiamalako kuli vasalisi vakhola mihinzi mulitembeli litukhu lilisabato, lwa vakola ndio vavetsa nivononyinya lisabato, nikhali shivavalitwengwa vononyinye tawe? ⁶ Nikali vavolelanga hanu khulio numundu mukhongo khuvira litembeli. ⁷ Nuvulayi niiva munyala khumanya shivune shichila nimbola ndio nzitsa khuana tsimbavasi isataka tawe. Muleshe khulomoloma vutamanu. ⁸ Sichila mwana wumundu, naye mwami wilisaba.

⁹ Yesu yarula iweneyo niyinjila mulisinakoki liavo. ¹⁰ Khandi lola khwalimu numundu mulis yaali yalema mukhono, mafarisayo vareva Yesu nuvulayi khuhunyinya mundu litukhu lilisabato? Nikhali vakhava makoso kavanyala khumukumililakhu vamuyale.

¹¹ Nalwo lwa Yesu yavareva "nivina khumunyi ali nilikondi lilala vutwa, ma anyoole likwili muvwina, shianyala khulirulitsa litukhu lilisabato tawe? ¹² Mundi aviri likondi alikhanga, khulwa yako nivulayi khukhola malayi litukhu lilidabato." ¹³ Yesu yamanya navolela munduyo, "lunjishitsa mukhono khwo", yamanya nalunjishitsa khandi nikulunjikha nikuvamulamu khuli kundi. ¹⁴ Nalwo lwa mafarisayo varula ilwonyi nivaranga, khupanga khuli vanyala khumumala.

¹⁵ Lwa Yesu yamanya kavabanganga, yarulaiweneyo. Khandi vandu vanyishi vamulonda navahonyinya voosi. ¹⁶ Yamanya navakeya vakhavolelakhu mundu woosi khulondokhana khuye tawe. ¹⁷ Khulitushi khurweshitswa likhuva liumuprofeti yaali niyavoola, ²¹ Khandi lira lie vandu vivivala valalisuvilila."

²² Inyanga yenyo vamulerela mundu yaali namatimoni niyavekula khandi bubuYesu yamuhonyinya nalomoloma khandi nalola. ²³ Vandu voosi vaali nivali hawenao vachenya nivaranga khuvoola "huyu shiali mwana wa Daudi?"

²⁴ Nikhali lwa mafarisayo vahulila, vavoola munduyu shiarulitsa matimoni khutsingulu tsie tawe nikhali arulitsakhuvirila khutsingulu tsia belezabub mukhongo wa matimoni.

²⁵ Nikhali Yesu yanya tsinganakani tsiavo navavolela, niiva vwami vunyala khuingana vuene khu vuene, shivunyala khusinjila tawe, khandi niiva litaala inoho inzu inyala khulwana yene khu yene shinyala khusinjila tawe. ²⁶ Khandi niiva shetani anyalakhuinganyinya shetani vwami vwe nivutsilili vurina khuvao? ²⁷ Niiva inzi ntulitsa matimoni khutsingulu tsia beelzabul vaana veenyu varulitsa khutsingulu tsiavina? Khulwa yako navo viitse vavakalachili. ²⁸ Navutswa niiva ndulitsa matimoni khutsingulu tsia Roho wa Nyasaye, mumanye ndi vuami vwa nyasaye vumali khwitsa khumunyi. ²⁹ Inoho mundu anyala arina khwinjila munzu yumundu witsingulu, nukhuvukula vindu vili munzu mwenomo vuchila khumuvoa? Khwuavukuli vindu vili munzu mwenomo. ³⁰ Mundi yambakhananga khukhola muhinzi halala ninzi naye ambinganyinyanga, khandi oyo wambakhana khuvunjelitsa halala ninzi neye usalanyinyanga. ³¹ Khulwa yako vavolelanga, vwoni vuosi nende manyeko koosi, vandu valasamehewa, nikhali khunyeka Roho mtakatifu shivatsitsa khusamehewakhu tawe. ³² Khandi mundu wosi atsitsa khuvoola likhuva liakhatushili khu mwana wu mundu, alasamehewa. Niivamundu alavoola likhuva likhatushili khu Roho mtakatifu shialasamewa mushivala munu tawe, khandi shialasamehewa mushivala shitsanga tawe. ³³ Khulwa yako musaala mulai kwama matunda malayi, khandi nindio musaala mutamanu kwama matunda matamanu, khandi musaalakwamanyikhana khulondokhana khu matunda kakwo. ³⁴ Munyi lwivulu lwinzukha, mnyala mrii khulomoloma makhuva malayi na munyi mli vatamu? Shichila munwa kumundu kulomoloma makhuva kavetsa nikitsuli mumwoyo kwe. ³⁵ Khandi nindio mundu mulayi mulivishilo liumwoyo kwe, arulitsa makhuva malayi, khandi nindio mundu mutamanu mulivishilo liumwoyo kwe, arulitsa makhuva matamanu. ³⁶ Khulwayako vavolelanga, makhuva kavandu valomolomanga kakhatushili, kalitsa khuvalitswa litukhu lia Nyasaye aliitsa khukhalachila vandu. ³⁷ Khulondokhana kumakhuva koko ulauchililwa, khandi khulondokhana khumakhuva koko ulakhalachilwa."

³⁸ Nalwo lwa vekitsi vamalako nende mafaridayo vamureva, mwekitsi kwenya ukhukholelekhu shimanyilo.

³⁹ Yesu yavachiipa navavolela, lwivulu lutamu luvuheyil ukhava viloleshitso. Shimutsitsa khunyoolakhu shiloleshitso shiosi khurula kwinzi tawe, nikhali shiloleshitso shia yona. ⁴⁰ Khandi khuli yona yaali munda mwisutsi matukhu kavaka vutukhu nende mbasu khandi nindio mwana wumundu atsitsa khuva mumwoyo kulilova matukhu kavaka vutukhu na mbasu. ⁴¹ Khandi vandu vaninawi viitsa vasinjili litukhu lia Nyasaye lilikhalaka, navo viitsa vavakhalachili shichila vo vikanila khuvirila khumilwtso ka yona, khali ndio hanu khuli nende mundu mukhongo khuvira yona. ⁴² Khandi malikia wa sheba, yitse asinjili halala nende lwivulu yulu, litukhu lia Nyasaye lilikhalaka, naye yiitse avakhalaachili shichila ye yiitsa khurula shivala shihale khuhulishitsa makhuva kuvucheli ka solomoni, khali ndio hanu khuli nende mundu mukhongo khuvira solomoni. ⁴³ Lwa litimoni lirula mumundu, livirila havundu hamatsi kakhali tawe, nilikhava havundu hukhuhulushila, lwalivula khunyoola tawe. ⁴⁴ Limanya livoola, 'nzitsa khukalukha munzu yanje yanarulamu, lwalikalukhanga malinyoola inzu yeneyo ilivutswa shikhaya iyenzelwi ilivulayi. ⁴⁵ Likomokha alitsia khukhava matimoni kandi saba matamanu malulu khuvira litimoni lienelo, akiitsa akinjila khumenya mumundu mweneyo, khandi liva liumundu mweneyo limanya liva litamanu khuvira liva lie liukhuranga, khandi nindio lwivulu yulu lulitsa khuva.

⁴⁶ Lwayaali navoola na vandu makuva kenako, mama we nende vana vavo vaali vasinjili ilwonyi nivenya khulomoloma naye. ⁴⁷ Mundu mulala yamanya namuvolela lola mama wo nende vana venyu vasinjili ilwonyi venya khulomoloma nive.

⁴⁸ Yesu yachipa mundu yali namuvilele, "mama wanje nivina? Na vana veru nivangavina?" ⁴⁹ Yesu yamanya yachela mukhono khuvandu vaali nivahulila likhuva lielie, navoola, "lola mama vanje nende vamwiru vaje. ⁵⁰ Shichila mundu wosi ukholanga vulalili vwa tata wanje naye amwavo wanje, naye mbotwa wanje, naye mama wanje."