Muliango 13

1 Litukhu lienelo Yesu yarula munzu natsia niyikhala khuluchinga lwi inyanza. 2 Khandi shituma shikali sia vandu viitsa nivivunjelitsa wa Yesu yaali nali, nalwo lwa Yesu yamanya natsia khwinjila muliaro, nikhali vandu voosi varikala injelekha. 3 Khand Yesu yalomoloma navo makhuva manyishi khuvirila mutsingano, navola mundu yatsia khuraka imu mumulimi. 4 Khandi lwa yaali narakanga, tsimu tsindala tsiakwa khunjila, khandi manyonyi kiitsa nikavotsa. 5 Khandi tsindi tsiakwa khulwanda, nalwo lwali namalova mati, khulwa yako lwa tsiamela shitsianyoola khuila mili hasi tawe. 6 Khandi lwa mbasu kwatsilila khwakha tswiuma shichila shichila luanda. 7 Khandi tsimu tsindi tsiakwa havundu ha visikhi viamavua, nitsimela nikhali visikhi viamavua viasevukha mavua nikatukha vwangu, nikakhunikha imu yaali nimeli. 8 Khandi tsimu tsindi tsiakwa mumalova malayi tsiamela nitsitukha tsindala tsiama mia, tsindi sitini tsindi salasini. 9 Oyo ali namaroyi ahulili.

10 Veechi vamanya nivitsa kkhu Yesu nivamureva, kachilashi uvoola navo mutsingano?

11 Nalwo lwa Yesu yavachiipa navavolela shivune shichila nimbola navo mutsinganu, munyi mutushili khumanya kaviswa khulondokhana khuvwami vumwikulu, nikhali vo tawe. 12 Shichila mundu wosi ali nishindu alahelwa, khandi alametwa muvunyishi, nikhali mundu wosi avula shindu khali niiva alava nashio alanuulwa. 13 Yishi nashio shivune shichila nimboola navo mutsinganu: nivaenza vavuli khulola, khandi nivahulila vavuli khuva nilimanya. 14 Khandi likhuva liu muprofeti Isaya lirweshitswangwa khuvo nilivoola, khuhulila mulahulila nikhali shimutsitsa khuelewa tawe, khandi mulaenza nikhali shimutsitsa khulola tawe.
15 Shichila mioyo chia vandu yava nimitinyu khuhulila, khandi tsimoni tsiavo shitsilola vulayi tawe. Niiva vanyala khulola nukhuhulila nyala navahonyinya.
16 Nikhali munyi mulinuvukasu shichila tsimoni tsienyu tsilola vulayi, khandi maroyi kenyu kahulila vulayi. 17 Kilikali vavolelanga vaprofeti nende vandu valunji vanyishi vikomba khulola kamulolanga nende khuhulila kamuhulilanga, nikhali tawe. 18 Khulwa yako nenya muhulishitse lukanu lumundu yatsia khuraka imbeku mumulimikwe. 19 Lwa mundu ahulila likhuva liu vuami vwa Nyasaye ma avula khuelewa, nalwo lwa oyo mutamanu yiitsanga, mavukula likhuva livetsa nilirachilwi mumwoyo kwe, oyo neye lwa mumitsi yamitsa vukutsa vwakwa khunjila. 20 Khandi vukutsa vwakwa khulunda, nimundu ahulila likhuva alivukula nuvuyanzi. 21 Nikhali likhuva lienelo livetsa livula mili muye, lwa matuyo kitsanga inoho minyakhano, alekhana nilikhuva akhutsa mwoyo. 22 Khandi vukutsa vukwa mumavya, nimundu ahulila likhuva nikhali yayitsula tsishukuli khulondokhana khuli amenya nende khuli ava muinda. 23 Kandi vukutsa vwakwa mumalova malayi, nivandu vahulila likhuva. Navo vaama matunda mulala imia indala, nahundi sitini, wundi salasini.

24 Khandi yavavolela lukanu lundi navoola, vwuami vwa Nyasaye vufana nu mundu yaraka imu indayi mumulimi kwe. 25 Nikhali lwa vandu vaali nivakoni, mutsikhu yiitsa namitsa livanze mumulimi kwa vaali nivarachi imu indayi, lwa yaali niyakhamala khumiitsa yarula natsia. 26 Lwa imu yingano yamela khandi livanze lialolekha nilimeli halala ningano. 27 Nalwo lwa varumishi ve viitsa nivamuvolela shiwaraka imbeku indayi mumulimi kwo? Livanze linyoleshe liri mumulimi kwo?

28 Nalwo lwa yavachiipa navavolela, mutsiku nayea ukholi makhuva kenako; vamanya vamureva wenya khutsi kwiye?

29 Nikhali yamanya yavakeya mwakhakholi muriotawe, niivamuliha livanze muyala kwitsukhana nimwihi halala ningano. 30 Leshi viosi vitushi khutukha inyanga yukhuchesa, nzitsa khuvolela vachesi muvunjelitsi livanze halala vituma vituma ma muchisambe, nikhali ingano muchivishi mulivishilu.

31 Khandi Yesu yavavolela lukanu lundi. Navoola, vwami vumwikulu vufanana nulukutsa lutii, mundu yavukula natsia khuraka mumulimi kwe. 32 Lukutsa lwenolo nilutii khuvira vukutsa vundi vwosi: nikhali lwa lutukhanga lukwitsa musaala mukali khuvira tsingutsa tsiosi tsiumulimi, khali manyonyi kiitsa makalombamu vitsu makamenyamu. 33 Khandi yavavolela lukanu lundi navoola, vwami vumwikulu vufanana namamela ka mukhali yavukula natsukanyinya nishinokho shiuvusi mapeseni kavava, khutukha shinokho shiuvusi lwa shiaranga khuravachila.

34 Makhuva kenako koosi Yesu yalomoloma nivituma viavandu, narumishila makhuva kitsinganu, kandi siyavoolakhu likhuva vuchila khurumishila tsinanu tawe. 35 Yarumishila tsinganu khurweshitsa makhuva kumuprofeti yaali niyavoola, nalomoloma na vandu yava mutsinganu, "nzitsa khulomoloma makhuva kivisa khurula muliranga."

36 Yesu yasuvula vituma viavandu vatsii, khandi ye yatsia ingo niyinjila munzu, nalwo lwa veechi ve viitsa nivamureva avekitse shia lukanu lulivanze luvolanga.

37 Yavachiipa navavolela, murachi wi imbeku indayi ni mwana wumundu; 38 Mulimii ni shivala, imbeku indayi ni vaana vuvwami na livanze ni vaana va oyo uli mutamanu 39 Mutsiku yaraka livanze ni ibilisi; khuchesa ni limalilikha lishvala, na vachesi ni tsinjelosi. 40 Khulwa yako khuli livanze livunjelitswangwa, malisambwa mumulilu, khandi nindio kitse kave mulimalilikha lishivala. 41 Mwana wumundu yiitsa khuruma tsinjelosi tsietsie, khuvunjelitsa vutamanu vwosi vuli mushivala nande yavo vavukholanga. 42 Khandi atsitsa khuvasuva mumulilu kwakha vululu: nalwo lwa khutsitsa khuva khulila nukhutekeyitsa mino. 43 Na vandu valunji vatsitsa khungelengane khuli liuva muvuami vwa tata wavo, oyo ali namaroyi ahulili.

44 Khandi vwami vwa Nyasaye vufanana nilivishilu livisa mumulimi, lwa mundu yalola yatsia navisa narula natsia nuvuyanzi, natsia nakulitsa vindu viosi viayali nali navio, niyiitsa nakula mulimi kwenoko. 45 Khandi vwami vwa nyasaye vufanana khuli mukholi wiviashara, akhavanga vindu vilayi; 46 Khandi lwa yalola shindu shilayi shiuvukuli vululu, yatsia nakulitsa vindu viosi via yali navyo, nakula mulimi kwenoko.

47 Khandi vwami vu mwikulu vufanana ni neti ya mundu yasuva mumatsi, nayo yamanya nikumila vuli shindu shiosi; 48 Lwa yaali niyakhitsula yakhweswa nilerwa khuluchinga lwinyanza; nivaranga khuchakula tsisutsi tsindai, na tsndamanu vatsisuva. 49 Khandi nindio kitse kave mulimalilikha lishivala; tsinjelosi tsitsa kwitsa khwaula vandu valunji nende vakhali valunji. 50 Yavo vakhali valunji vitsakhusuvwa mumulilu kwakhanga vululu, nalwo lwa khwitse khuve nukhulila nukhutekeyitsa mino.

51 Yesu yareva veechi ve muelewi makhuva kosi kamboli? "Vamuchipa khuelewi."

52 Khandi yavavolela, "khulwa yako, shia mwekitsi wamakhuva khulondokhana khuvwami vumwikulu, avanana numundu ali ninzu ilimu nilivishilo, arulitsamu vindu viyia nende vikhulu." 53 Lwa Yesu yamala khwuekitsa makhuva kenako, yarula hawenao natsia.

54 Khandi lwa yiitsa mushivala shiavo yekitsa vandu mumasinakoki kavo, nalwo lwa vandu vachenya nivavoola huyu anyooli hena vucheli yuvu nende viloleshitso yivi. 56 Heyu shiali mwana wumufundi witsimbao? Khandi mama we shialangwa marimu? Khandi vana vavo shivali yakobo, nayosefu, na saimoni, na yuda? 57 Vamanya visikarila muye. Nikhali Yesu yavavolela, muprofeti shianyala khuvula khunyola luyali tawe, nikhali havula khunyoola luyali mulitaala liarulamu, nende khuvandi vi inzu ye mwene. 58 Khandi shiyakholakhu viloleshitso vinyishi tawe, shichila shivamusuvila tawe.