¹ Muvuli khukhalachila vandi namunyi khandi shimulakhalachilwa tawe. ² Shichila likhalaka liutsitsa khukhalaka, khandi nalio lia utsitsa khukhalachilwa: khandi shipimo shiaupimilamu nashio khandi shiautsitsa kupimilwamu. ³ Kachilashi uenza shindu shili mumoni ya amwavo wo na yivi mwene ulinishindu shikwili mumoni yo? ⁴ Inoho unyala khuvolela uri amwavo wo lekha khurulitsi shindu shili mumoni mwo, na yivi mwene ulinishindu sikali sikwili mumoni mwo? ⁵ Yivi mundu mukaati! Ranga urulitsi shindu shili mumoni mwo, khutusi khulola vulayi shindu shili mumoni ya amwavo wo. ⁶ Mwakhahi tsisimbwa vindu vili vitakatifu tawe, khandi mwakhasuvili tsingulume vindu vilayi vivukuli tawe. Shichila tsilasenechela hasi nukhuononyinya khandi tsivalumi nukhuvarandulanyinya.

⁷ Reva khandi na yive ulaelwa. Khava khandi ulanyoola. Yikulita khandi ulikulilwa. ⁸ Shichila vulimundu woosi usavanga ahelwanga; khandi oyo ukhavanga anyolanga; khandi oyo yikulitsanga alikulilwa. ⁹ Nivina khumunyi Alinumwana lwamusava mukati alavukula lichina amue? ¹⁰ Inoho lwa mwana amusavanga isutsi atsitsa khumua inzukha? ¹¹ Khulwa yoko niiva munyi vandu vatamanu mwamanya khuha vana venyu vindu vilayi, Nivindu vianga vilayi via tata weru wumwikulu ahetnga yavo vamumusalana? ¹² Khulwa yako, khuli wenya vandu vakhukholele, khandi nindio kenyekha ukholele vandu ndio, shichila nindio malako kamusa kavolanga nende vitatabu via vaprofeti.

¹³ Mwinjili khuvirila mushilivwa shili ni injila inyelele shichila shilivwa nishikalamu kandi injila ni ingalamu itsitsa mulitivitswa; khandi nivandu vanyishi vinjila khuvirila mumuliango kwinjila yeneyo. ¹⁴ Nikhali shilivwa nishinyelele, khandi injila ninyelele, itsitsa muvulamu kandi vandu vijila mushilivwa shienesho nukhuchenda khunjila yeneyo nivati.

¹⁵ Muve mieso shichila vaprofeti vuvuveyi, viitsa khumunyi nivali vahoma khuli makondi, nikhali mumioyo chiavo ni tsisimbwa tsiumblimu. ¹⁶ Khandi mtsitsa khuvamanya khuvirila khu vikholwa viavo. Dodo vandu vayatulakhu matunda kumusabibu khumusala kwa mavwa inoho khumukhuyu? ¹⁷ Nindio khandi musaala mulayi kwama matunda malayi na musaala mutamanu khandi kwama matunda matamanu. ¹⁸ Musaala mulayi shikunyala khwama mtunda matamanu tawe, khandi musaala mutamanu shikunyala kwama matunda malayi tawe. ¹⁹ Musaala kwakhama matunda malayi kularemwa ma kusuvwi mumulilu. ²⁰ Khulwa yako mutsitsa khuvamanya khuvirila khumatundakavo. ²¹ Shiali mndu wosi unanganga mwami, mwami, atsitsa kwinjila muvuami vumwikulu tawe, nikali niyavo vakhola vulalili vwa tata wanje uli mwikulu. ²² Vandu vanyisi vitsakhumbolela litukhu yalo, mwami, mwami, shikwarulitsa vuprofeti kulira liolio? Khandi khulira liolio kwarulitsa matimoni muvandu? Khandi khulira liolio kwakhola vindu vinyishi vikhuchenyinya? ²³ Khandi ntsitsa khuvavolela havulavu vamanyi tawe! Ruli imbeli wanje munyi vandu vivikholwa vitamanu.

²⁴ Khulwa yako mundu wosi ahulila likhuva lianje, nukhukhola khuli livolanga, atsitsa khuva khuli mundu mucheli yumbakha inzu ye khulwanda. ²⁵ Khandi imbula inyishi yakhuva, khandi michelelo chia mtsi manyishi chiitsa, khandi vushindu vwimbutsa vwautsa nivulumba inzu yeneyo, nikhali shiyakwa tawe, shichila yaali yasimikwa khulwanda. ²⁶ Nikhali oyo ahulila likhuva lianje mavula kukhola khuli livolanga, ali khuli mundu musilo yumbakha inzu ye khumuyeshe. ²⁷ Lwa immbula yakhuva, khandi michelelo chia matsi kimbula chiitsa, khandi vushindu vwimbutsa vwautsa, nivulumba inzu yeneyo, nayo yamanya nikwa hasi vutinyu.

²⁸ Lwa yesu yaali namali kwekitsa, vandu vahulila vachenya khulondokhana khumekitso keke, ²⁹ Shichila yesu yakitsa muvunyali vunyishi, shiyekitsa khuli vekitsi vamalako tawe.