¹ Mwakhakoli vikholwa vienyu vilayi imbeli wa vandu kuvatushi kuvalola tawe: shichila niiva mulakhola murio shimutsitsa khunyoola matanyi khurula khutata wenyu wumwikulu tawe. ² Khulwa yako lwauva nurulitsa isataka yo, wakhachisalakanyinya, inoho khulanjilila mwikulu, khu vandu voosi vamanye khuli urulitsi, nindio vandu vakaati vakhola mumasinakoki nente khutsinjila vatushi khwitsominywa nende vandu, kilikali vavolelanga vamala khunyoola kha mirungu chiavo chiosi. ³ Nikhali luva nurulitsa isataka yo, shikenyakha mukono kwo mukhali kumanye shindu shiu mukhono musatsa kurulitsi tawe. ⁴ Isataka yo uchirulitsi vuchila kwimanyinya khandi tata wumwikulu naye ulolanga koosi kaviswa alakhurunga havulavu.

⁵ Khandi luva nusaala, wakhava khuli vandu vakaati, shichila vayanza khusaala nivasinjili mumasinakoki nende khunjila khu vandu vavalole. Suvili vavolelanga, vanyoola khale mirungu chiavo ⁶ Nikhali yivi luva nusaala yinjila munzu mausale khu tata wo uli mwikulu, khandi tata wo uli muvwivisi alakhuchipa havulavu. ⁷ Khandi luva nusaala wakhava namakhuva manyishi kishikhaya tawe, khuli vandu vitsimbia tsindi vakholanga, shichila vakanakana nivakhola vario lisaala liavo lilaulilikhana. ⁸ Khulwa yako muvuli khuva khuli vo, shichila tata weenyu wumwikulu yamanya lienya lienyu khali numushili khusaala. ⁹ Khulwa yako, kenyakha musaale ndi: tata weru uvele mwikulu, lira liolio lihelwe luyali. ¹⁴ Niiva mulasameha vandu makosa kavo, khandi tata wenyu wumwikulu alavasameha makosa kenyu. ¹⁵ Niiva mulavula khusameha vandu makosa kavo, khandi tata wenyu wumwikulu shiatsitsa khuvasameha makosa kenyu tawe.

¹⁶ Khandi luva nuuli mulisaala liukhufunga, uvuli khuenza shivela khuli vandu vakaati valinga mumoni mwavo khu valoleshe muvandu vavelele, vavolelanga vamala khunyola mayanyi kavo khale. ¹⁷ Nikhali yive luva nuli mulisaala liukhufunga sava mumoni mawivashe makura; ¹⁸ Kenyakha uvuli kwimanyinya muvandu uvele mulisaala liukhufunga, shichila tata wenyu wumwikulu uli mbwivisi naye ulola koosi kivisa; khandi atsitsa khukhurunga havulavu.

¹⁹ Muvuli kwivishila livishilo mushivala, havundu hatsisele tslitsanga nende ikutu, khandi viuvi viitsa mavihuva; ²⁰ Nikhali kenyakha mwivishili livishilu lienyu mwikulu, havundu hatsisele nende ikutu tsivula khulia, khandi vihuvi shivinyala khutukha iweneyo tawe. ²¹ Havundu halivishilo lio lili, naho ha mwoyo kwo kulitsakhuva. ²² Vulavu vumuvili nitsimoni, niiva ulava nitsimoni tsindayi, muvili kwokwo kwosi khulava nuvulafu. ²³ Nikhali imoni yo nili indamanu muvili kwo kwosi kulava shisundi. Khandi niiva vulavu vuli mwive shivwakanga tawe shisili shisundi sienesho tawe! ²⁴ Avulao mundu unyala khurumishila varuchi vavili: shichila alaleka mulala na ayanza wundi; khandi alarumishila mulala nukhuchaya hundi; shiunyala khurumishila Nyasaye khandi khuisaa indala yeneyo uve urumishila muandu chishivala tawe. ²⁵ Khulwa yako vavolelanga mwakhaendi mwoyo khuli munyala khumenya, nimuli shina inoho nimung'we shina; inoho nimufale shina. Koo vulamu nente shiukulia nishina shienyekha shive shiukhuranga, khandi muvili nende tsinguvu nishina shienyekhnga shive shiukhuranga? ²⁶ Loli manyonyi kabulukhanga kalimakhu tawe khali kavunakhu tawe khali kalikhu nilivishilo liosi lishiukhulia tawe. Nikhali tata weru wumwikulu akalishitsanga. Koo munyi shimulolekha khuva valayi khuvira manyonyi? D ²⁷ Nivina khumnyi khuvirila khulienda mwoyo lielie anyala kwimetakhu shindu muvulamu wuewue? ²⁸ Kachilashi wihendela mwoyo nifualeshi? Lola mawa kumbulilmu khuli kang'elengananga, shindu shikhuo shiakakholanga khukave kario tawe. ²⁹ Khali ndio vavolelanga, Solomoni yaali nuvukhumi vuvuruchi, nikhali shiyafalakhu vulayi khuli mawa kumbulimu tawe. ³⁰ Niiva Nyasaye avuala mawa kumbulimu vulayi ndi, khandi khumatukhu matii kamulukha, munyi shimuviri mawa kumbulimu, shiatsitsa khuvafuala vulayi munyi vamuli nilisuvila litititi? ³¹ Khulwa yako mwakhavi nukhuenda mwoyo nimuvoola nikhuli shiina? Inoho nikhung'wi shina? Inoho nikhunyoole kurina tsinguvu tsiukhuvaala? ³² Khali ndio vandu vitsimbia tsindi vakhava vindu vienevo, khandi tatawenyu wumwikulu amanyi lienya lienyu. ³³ Nikhali ranga ukhave vwami vwa Nyasaye, n ende khukhola vulunji vwe; kandi vinduvindi viosi ulametwa. ³⁴ Khulwa yako mwakhaendi mwoyo shichila mukamba tawe, shichila shia litukhu liabangwa khuli kenyakha live shia litukhu lili niminyakhano chia lio liene.