Muliango 5

1 Lwa Yesu yalola vituma via vandu, yanina khushikulu: lwa yaali niyakikala veechi ve viitsa wayali nali. 2 Yesu yaranga khuvekitsa, navoola,

3 Valinuvukasu yavo vali vamanani mumioyo chiavo, shichila vuami vumwikulu ni vuavo.
4 Valinuvukasu yavo vali nishivelo: shichila valanyoola vukhonyi nilitilitswa.
5 Valinuvukasu yavo vali vahoma, shichila valahelwa shivala shive shavo.
6 Valinuvukasu vali ni inzala nuvuluhu vukhukhola vulunji, shichila valikuritswa.
7 Valinuvukasu vali nitsimbavasi shichila valanyoola tsimbavasi.
8 Valinuvukasu yavo vali ni mioyo milavu shichila valalola Nyasaye.
9 Vali nuvukasu yavo valomba milembe, shichila valalangwa vana va nyasaye.
10 Vali nuvukasu yavo vatambizwanga shichila vakhola makhuva kuvulunji; shichila vwami vumwikulu nivwanyu.

11 "Mulinuvukasu munyi vavandu vavalauma nukhuvatambitsa nukhulomoloma makhuva matamanu khumunyi nukhuvichishila shichila lira lianje. 12 Mwenyekha muve nuvuyanzi nukhusangala, shichila matanyi kenyu nimakali mwikulu. Shichjila khandi nindio vanyakhiza vaprofeti vaali vukhuranga.

13 Munyi muli Ichumbi yililova: nikhali niiva Ichumbi ikoritsi munyu kwayo, nishina shiakenyakha ukhole ku ive Ichumbi? Ilava ivula vhukhonyi vwosi, nikhusundulwa vandu vachisenache nivilenje. 14 Munyi muli Vulavu vumushiva. Litaala shilinyala khuva muvwivisi nilili khushikulu tawe. 15 Avulakhuo mundu wosi anyala khuashitsa Itaha machikhunishili tawe, nikhali achivikha ikulu wishikuru, mayakila vandu voosi vali munzu. 16 Kenyakha vulafu vuenyu vuashe imbeli wavandu, valole vikhole vienyu vilayi vitsominye Nyasaye tata weru uli mwikulu.

17 Mwakhakanakani nayitsa khurulitsao malako, inoho vuprofeti. Shikali kario tawe nayitsa khutilitsa. 18 Suvili vavolelanga, likulu nende lilova vilitsa khurulitswao, navutswa khali Inukuta indala inoho landiko lilala khumalako inoho vuprufeti shivilitsa kurulitswao tawe, khutukha koosi kahandikwa katsitsa khurweshitswa. 19 Khulwa yako mundu wosi atsitsa khumeneka malako, nukhuvula khwekitsa vandu khuli kenyakha, alitsa khuva mundu mutititi muvuami vumwikulu. Khandi nindio mundu atsitsa khukumila malako nukhwekitsa khuli kavolanga, atsitsa kuva mundu mukhongo muvuami vumwikulu. 20 Khulwa yako vavolelanga, vikhole vienyu viuvulunji niviakhaviri vikhole viavekitsi vamalako nende mafarisayo, shimutsitsa khuvakhu nuvwiyangu vukhwinjila muvuami vumwikulu tawe.

21 Mwahulila khuli vandu valiho inyuma weru vavola, wakhira tawe; niiva mundu alira alakhalachilwa. 22 Nikhali inzi vavolelanga, oyo atsitsa khulolela amuavo we vurima alakhalachilwa; khandi oyo unyeka amwavo we atushili ailwi muluyia ayalwi, khandi mundu wosi atsitsa khwisua shichila amwavo we atushili khutsia mushiatisi mumulilu. 23 Khulwa yako luva nulera isataka yo khubwali mawitsushitse khulinishindu shiamwavo wo alola wamukosela, 24 Lekha isataka yo khuvwali, tsia uhulishitsane na amwavo wo khandi khukalushi wurulitsi isataka yo. 25 Lomba mulembe numutsiku wo vwangu, numushili khunjila; shichila mutsiku alakhuila khumukhalachi, khandi mukhalaji akhure mumikhono chiu musikali, khandi musikali akhuvishi mushivoho muchela. 26 Suvili vavolelanga, shivutsitsa khuvakhu vutoro khurula mushivoho yomo tawe, khutukha lutsitsa khumala khulipa likovi liolio liosi.

27 "Mwahulila kavolwa, wakhaheya tawe, 28 nikhali inzi vavolela, musatsa wosi atsitsa khuenza mundu mukhali ma amwikombe, alava amali khale khukhola vuheyi naye mumwoyo kwe. 29 Niiva imoni yo ili liveka lumukhono musatsa ilakhulomba ukhole vwoni; chirulitse uchisuve ihale, shichila nivulayi shivelo shilala shiumbili kwo shiruli kwive khuvira mbili kwokwo kwosi khusuvwa mumulilu. 30 Khandi niiva mukhono kwokwo musatsa kulakhulomba ukhole vwoni, kureme ukusuve ihale khurula kwive, shichila nivulayi khukoritsa shivelo shilala, khuvira mbili kwo kwosi khusuvwa mumulilu. 31 Khandi kahandikwa, mundu nalesi mukhali we, kenyakha amuandichili ibarua yukhumanyinya valekhane. 32 Nikhali inzi vavolelanga, mundu atsitsa khulekha mukhali we, nikhali khushivune siuvuheyi shionyene; alava nalomba mukhali oyo khukwa muheyi, khandi niiva mundu atsitsa khuhila oyo yalekwa alava nakola vuheyi.

33 Khandi mwahulila khuli kavolwa khale, wakhisuha tawe, nikhali ukholele Nyasaye kawisua. 34 Nikhali inzi vavolelanga, wakhisuakhu khushindu shiosi tawe, inoho mwikulu tawe, shichila shisoko shiuvwami shia Nyasaye shili iweneyo; 35 Khandi wakhisuakhu khulilova tawe, shichila ni havundu haNyasaye havikha vilenje vie; inoho khuYerusalemu, shichila nalio litaala likali liumwami. 36 Khali wakhisuakhu khumurwi kwokwo tawe, shichila shiunyala khulomba liswi liolio live lilavu inoho livelimwamu tawe. 37 Nikhali makhuva kenyu kunyakha kave yee yee tawe tawe: niiva shikalava kario tawe, kalava karula khu mutamanu.

38 Khandi mwahulila khuli kavolwa khale, imoni khu imoni, khandi lino khu lino: 39 Nikali inzi vavolelanga, mwakhainganikhu numundu mutamanu tawe: niiva mundu alakhusamula lukhovi khuluseye lu mukhono musatsa, kalukhanyinya luveka lundi khandi adamulikhu. 40 Khandi niiva mundu alakhuila muluyia khukhuyala, nukhuvukula ikanzu yo muleshele khali likoti. 41 Khandi niiva mundu alakhulashimisha uchende imaili indala, chenda naye tsimaili tsivili. 42 Mundu niyitsi khukhusava shindu muhe, khandi oyo yitsa khwikoba wakhambakhana khumwikopitsa tawe.

43 Khandi mwahulila khuli kavoolwa khale uyanze murende wo niikhali umuchukiye mutsiku wo. 44 Nikhali inzi vavolelanga, muyanze vatsiku venyu, musalili yavo vavatambizaga, nukhuvalama, nukulomoloma vutamanu khumunyi. 45 Nalwo lwa mutsitsa khuva vaana va Nyasaye uli mwikhulu. Shichila yakhitsa mbasu khuvandu valayi nende vakhali valayi, khandi akhuvitsa imbula khuvandu valunji nede vakhali valunji. 46 Niiva ulayanza yavo vavayanza vonyene? Nimatanyishina kamunyolanga? Khali vakhalachi vuvushuru shivakhola vutswa vario khandi? 47 Niiva ulahana milembe khuvalina vo vonyene, nishina shiuva nukholi khuvira vandi? Khali vandu vishivala khali vo shivakhola vario? 48 Khulwa yako mulava valunji, khuli tata wenyu wumwikulu ali mulunji.